San Juan 8:44 - El Nuevo Testamento

⁴⁴ Nemejuamej nemotataj on diablo*, niman nenkinekij nenkichiuaskej tlinon yejua kineki. On diablo* desde opeu in tlaltikpaktli temiktia. Xkaman kijtoua on tlen melauak, pampa xkipiya ipan iyojlo on tlen melauak. Ijkuak kijtoua on tlen xmelauak, san kijtoua ken nochipa nouika, pampa yejua tlakajkayaua niman yejua imintataj on yejuan tlakajkayauaj.

In yencuic iyectlajtoltzin Dios itech ica toTeco Jesucristo

⁴⁴ Nemejhuamej nemotaj yejhua on diablo, niman nenquinequij nenquichihuasquej tlinon yejhua quinequi. On diablo desde otzimpeu in tlalticpactli temictijquetl. Xqueman quijtohua on tlen melahuac, pampa xquipia ipan iyojlo on tlen melahuac. Ijcuac quijtohua on tlen xmelahuac, san quijtohua quen nochipa nohuica, pampa yejhua tlacajcayajquetl niman yejhua intaj on yejhuan tlacajcayahuaj.

San Juan 8:44 Iomraidhean Croise

San Mateo 12:34

¡Nemejuamej ken tekoneuan intech kouamej! Xnenueliskej nenkijtoskej on tlajtlamach* tlen kuajli ijkuak nemejuamej xnenkuajkualtin. Tej, on tlen kisa ipan tekamak ualeua ne ipan teyojlo kampa yejua ika tlatentok.

San Mateo 13:15

Yejua in nochiua, pampa intlamachilis in tlakamej xtekiti. Yejuamej nakastsajtsakutokej niman ixtsajtsakutokej para maka tlachaskej ikan imixtololojuan, nion maka tlakakiskej ikan innakasuan, nion maka itlaj kajsikamatiskej ikan intlamachilis, nion maka nokuepaskej notechika para nejua nikinmakixtis.

San Mateo 13:38

niman on tlajli kampa kitôka trigo kijtosneki in tlaltikpaktli. On kuajli xinachtli kijtosneki on tlakamej yejuan tekoneuan itech Dios, niman on xkuajli planta kijtosneki on yejuan tekoneuan itech diablo*.

San Juan 6:70

Jesús okinmijlij: —Maski onemechtlapejpenij nemejuamej majtlaktli uan ome, nemotsajlan nemi se yejuan kitekipanoua on diablo*.

San Juan 7:17

Tla yakaj kipiya iyojlo para kichiuas on tlen Dios kineki, yejua kimatis tla notemachtil ualeua itech Dios, noso tla nitemachtia on tlen san nejua niknejnemilia.

San Juan 8:38

Nejua nikijtoua on tlen noTajtsin nechititia, niman nemejuamej nenkichiuaj tlen nemotataj mechijlia.

San Juan 8:41

Nemejuamej sano yejua nenkichiuaj on tlen kichiua nemotataj. Kemaj yejuamej okijlijkej: —Tejuamej xtiteichtakakoneuan. San se tajtli tikpiyaj niman on yejua Dios.

San Juan 8:55

Nemejuamej xnenkixmatij, pero nejua, kemaj nikixmati. Tla nikijtoskia xnikixmati, tla ijkon, nitlakajkayajki yeskia no ken nemejuamej. Pero nejua melauak nikixmati niman nikchiua nochi on tlen yejua kijtoua.

Hechos 13:10

Niman ijkin okijlij: —¡Ueyi tlakajkayajketl niman xompayejyeua! Tejua tiikoneu on diablo* niman tikixnamiki nochi on tlen kuajli. ¿Xkaman tikajkauas ika titepopolojtinemis de on imelajkaojuitsin toTEKO?

Hechos 24:9

On hebreos* yejuan ompa nemiyaj nochimej kijtouayaj ika nochi in tlajtlamach* yejuan ika kiteixpanuiyayaj melauak.

Hechos 5:3

Niman kemaj Pedro okijlij: —Ananías, ¿tline* otikauilij Satanás okalak ipan moyojlo niman omitschiualtij para tikajkayauasnekiya on Espíritu Santo? ¿Tline tej, seki otikixpachoj on tomin yejuan ika omitstlaxtlauilijkej on motlal?

2 Corintios 11:3

Pero ninomojtia tla nemotlamachilis mechkajkayauas ken on kouatl ikan itlakajkayaualis okajkayau Eva. Tla ijkon, xok nenkitlajsojtlaskej Cristo ikan nochi nemoyojlo.

1 Pedro 5:8

Kuajli xmonemilikan niman xtlachixtiakan, pampa nemotlauelikniu on diablo* kineki mechxoxotonis. Yejua kistinemi ken itlaj león yejuan nanalkatinemi niman kitejtemojtinemi akinon kikuas.

2 Pedro 2:4

Dios xokintlapojpoluij on ángeles yejuan otlajtlakojkej, yej okominxinij miktlan kampa tetlajyouiltiloyan niman tlayouatok. Ompa salijtokej ikan teposcadenas hasta ipan on tonajli ijkuak Dios kinyolkuitis niman kintlaxtlauilis.

1 Juan 1:8

Tla tikijtouaj xtitlajtlakolejkej, sano tejuamej titokajkayauaj, niman xtikijtouaj on tlen melauak.

1 Juan 2:21

Nemechtlajkuiluiya xpampa tla xnenkixmatij on tlen melauak, yej nemechtlajkuiluiya pampa nenkixmatij. Niman nenkimatstokej ika itech on tlen melauak xueli no ompa kisa on tlen xmelauak.

1 Juan 2:4

Pero tla yakaj kijtoua ika kixmati Dios niman xkintlakamati itlanauatiluan, yejua nochiua sen tlakajkayajketl, niman xkijtoua on tlen melauak.

1 Juan 3:12

Maka ma tikchiuakan ken Caín okichiu, yejuan tekoneu katka itech on diablo*, niman okimiktij ikniu. ¿Niman tline* okimiktij? Okimiktij pampa Caín kichiuaya on tlen xkuajli, niman on ikniu kichiuaya tlen kuajli.

1 Juan 3:15

San akinon yejuan kitlauelita ikniu, yejua sen temiktijketl ipan iyojlo. Niman nemejuamej nenkimatstokej ika xakaj yejuan temiktijketl kipiya yenkuik nemilistli yejuan para nochipa.

Judas 1:6

Niman no xkinmelnamikikan on ángeles yejuan okipolojkej intekiu niman okitlalkauijkej iluikak kampa inchan katka. Dios okinsaloj ikan teposcadenas para nochipa, niman okintsaku ipan tlayouajlotl kampa kimpiyas hasta kaman ajsis on ueyi tonajli ijkuak kinyolkuitis niman kintlajtlakomakas.

El Apocalipsis 12:9

Ijkon tej, on ueyi dragón okuajkixtijkej ne iluikak. On dragón, sano yejua on kouatl yejuan desde yeuejkaui nemi, itoka diablo* noso Satanás. Yejua okajkayau nochi tlakatl chanej* ipan in tlaltikpaktli. Yejua tej, niman iángeles okinuajxinijkej ipan in tlaltikpaktli.

El Apocalipsis 13:14

Yejua okinkajkayau on tlaltikpakchanejkej ikan on milagros* yejuan okauilijkej kichiuas ixpan on achtoj xkuajli yolki. Niman otlanauatij ma kichijchiuakan sen iixkopinajlo de on achtoj xkuajli yolki yejuan nemiya maski tlakokojli* katka ikan espada.

El Apocalipsis 2:10

Maka xmakajsi on tlen saniman tikijyouis. Nenkeskimej on diablo* mechtsakuas ipan cárcel para mechtlatlatas, niman nentlajyouiskej majtlaktli tonajli. Pero tejua xkejeua motlaneltok maski tla timikis ika on tlaueltotokalistli niman castigo, niman nejua nimitsmakas ken motlayokolil on yejkuik nemilistli yejuan tikpiyas para nochipa.

El Apocalipsis 21:8

Pero para on yejuan nochi kimakajsij, on yejuan xtlaneltokaj, on yejuan kichiuaj tlen tetlajyeloj ixpan Dios, on yejuan temiktianimej, on yejuan auilnemij, on yejuan tenaualuiyaj, on yejuan kinmauistiliaj ídolos niman on yejuan tlakajkayauaj, yejuamej yaskej tliko kampa on tlitl niman azufre tetlatiaj. In tej, yejua ika okpa mikilistli.”

El Apocalipsis 22:15

Pero nokauaskej kiauak on xompayejyeuamej ken chichimej, on nanaualtin, on yejuan auilnemij, on temiktianimej, on yejuan kinmauistiliaj ídolos, niman nochimej on yejuan kuelitaj kakij on tlen xmelauak niman tlakajkayauaj.

El Apocalipsis 9:11

Yejuamej kipiyayaj sen ángel ken intlayekankau yejuan chanti ipan on pozo yejuan xnesi kech ika uejkatlan. Yejua itoka Abadón ikan hebreo* tlajtojli niman Apolión ikan griego* tlajtojli. Apolión kijtosneki tlaxoxotonijketl.