San Juan 8:39 - El Nuevo Testamento

³⁹ Yejuamej okijlijkej: —Tejuamej totataj Abraham. Pero Jesús okinmijlij: —Tla nemejuamej melauak nentekoneuan yeskiaj itech Abraham, nenkichiuaskiaj on tlajtlamach* yejuan okichiu.

In yencuic iyectlajtoltzin Dios itech ica toTeco Jesucristo

³⁹ Yejhuamej oquijlijquej: ―Tejhuamej totaj Abraham. Pero Jesús oquimijlij: ―Tla nemejhuamej melahuac nenteconehuan yesquiaj itech Abraham, nenquichihuasquiaj on tlajtlamach yejhuan oquichiu.

San Juan 8:39 Iomraidhean Croise

San Mateo 3:9

Niman maka xnemilikan tla xitlaj* uelis nochiuas nemotech san pampa nenteuejkakoneuan itech Abraham. Nejua nemechijlia ika hasta in temej Dios uelis kinkuepas teuejkakoneuan itech Abraham.

San Mateo 5:45

Ijkon xchiuakan para nesis ika nentekoneuan itech on nemoTajtsin iluikak chanej. Yejua tej, kichiua para on tonaltsintli ma kisa impan on yejuan xkuajkualtin tlakamej niman yejuan kuajkualtin. Niman no kichiua para kiaui impan on yolchipajkej niman yejuan xyolchipajkej.

San Juan 8:33

Yejuamej okijlijkej: —Tejuamej tiiuejkakoneuan Abraham niman xkaman yakaj otechpix esclavos. ¿Kenijki tej, tikijtoua ika tikpiyaskej temanauilistli?

San Juan 8:37

Ye nikmatstikaj ika nemejuamej neniuejkakoneuan Abraham. Pero nenkinekij nennechmiktiskej pampa xnenkiseliaj tlen nemechijlia.

San Juan 8:43

¿Tline* xueli nenkajsikamatij on tlen nemechijlia? On pampa xnenkinekij nenkiseliskej notemachtil.

San Juan 8:56

Abraham on nemoachtojtataj opak pampa okimat ika niuajtlakatiskia ipan in tlaltikpaktli. Yejua itechkopa itlaneltok onechitak niman yejua ika opak.

Romanos 4:12

Abraham no ken sen tajtli para on yejuan kipiyaj on neskayotl itoka circuncisión. Pero san tla yejuamej kipiyaj intlaneltok ken totataj Abraham okipix ijkuak xe kinotlaliliaya circuncisión*.

Romanos 4:16

Yejua ika Dios okimprometerouilij sen herencia para kiseliskej tla kineltokaskej. On tlen Dios okimprometerouilij, melauak onkaj para nochimej iuejkakoneuan Abraham ipampa iueyitetlajsojtlalis* Dios yejuan xkitocarouaya kiseliskej. On tlen Dios okimprometerouilij xsan para on yejuan kitlakamatij on tlanauatijli, yej no para nochimej on yejuan tlaneltokaj ken Abraham otlaneltokak. Yejua ika, Abraham nochiua ken totataj para tinochimej.

Romanos 9:7

No ijki tej, xnochimej yejuan ualejtokej itech Abraham nopouaj ken iuejkakoneuan, pampa Dios ijkin okijlijka Abraham: “Mouejkakoneuan san kisaskej itech Isaac.”

Gálatas 3:29

Niman tla nenteyaxkauan* itech Cristo, tla ijkon, nentekoneuan itech Abraham, niman iuan Abraham nenkiseliskej on herencia yejuan Dios okitlalij ipan ipromesa.

Gálatas 3:7

Yejua ika tej, kuajli xmatikan ika on yejuan melauak tlaneltokaj, yejuamej teuejkakoneuan itech Abraham.