San Juan 8:32 - El Nuevo Testamento

³² Nenkixmatiskej tlen melauak, niman on tlen melauak yejua mechmanauis.

In yencuic iyectlajtoltzin Dios itech ica toTeco Jesucristo

³² Nenquixmatisquej tlen melahuac, niman on tlen melahuac yejhua mechmanahuis.

San Juan 8:32 Iomraidhean Croise

San Mateo 11:29

Xmokauilikan ma nemechpaleui niman xmokauilikan ma nemechmachti, pampa nejua niyolsejki niman niyolyemanki*, niman notech nenkiseliskej neseuilistli para nemoalma.

San Juan 1:14

Niman on yejuan Tlajtojli onochiu tlakatl niman totsajlan onen. Yejua sanoyej* otetlajsojtlak* niman otemachtij tlen melauak. Niman otikitakej iueyilis. On ueyilistli yejua kipiya, pampa yejua isenTekoneu toTajtsin.

San Juan 1:17

Moisés okitemakak on tlanauatijli pero on iueyitetlajsojtlalis* yejuan xtechtocarouaya tikseliskej niman on tlen melauak okuajkik JesuCristo.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 16:13

Pero ijkuak uajlas on Espíritu Santo, yejuan tekajsikamachiltis on tlen melauak, yejua mechmachtis nochi tlen melauak pampa xmechijlis sano yejua itlamachilis, yej kijtos nochi tlen kaki itech noTajtsin. Niman no mechititis on tlajtlamach* yejuan más sakin* nochiuas.

San Juan 17:17

Xkinchipauili innemilis itechkopa on tlen melauak. Motlajtoltsin yejua tlen melauak.

San Juan 6:45

Ipan intlajkuilolamauan on tiotlajtojkej ijkin kijtoua: “Dios kinmachtis nochimej.” Ijkon tej, nochimej yejuan kitenkakij toTajtsin niman kiseliaj on tlen yejua kinmachtia, notech uajlauij.

San Juan 7:17

Tla yakaj kipiya iyojlo para kichiuas on tlen Dios kineki, yejua kimatis tla notemachtil ualeua itech Dios, noso tla nitemachtia on tlen san nejua niknejnemilia.

San Juan 8:36

Tla nejua yejuan niiKoneu Dios nemechmanauis, nemejuamej melauak nennemiskej tlamakaualtin intech nemotlajtlakoluan.

Romanos 6:22

Pero aman xok nenesclavos ipan on tlajtlakojli, yej nenesclavos itech Dios. Yejua ika nemonemilis kuajli chipauak itech Dios, niman ijkon tej, no nenkiseliaj on nemilistli yejuan para nochipa.

Romanos 8:15

On Espíritu Santo yejuan onenkiselijkej xmechuika para nenesclavos yeskej oksejpa itech on nemojtijli, yej kichiua para nentekoneuan itech Dios. Yejua ika, tikijtouaj: “Abba*, toTajtsin.”

Romanos 8:2

Itechkopa JesuCristo, ipoder on tlanauatijli yejuan kisa itech on Espíritu Santo yonechmanauij itech ipoder on tlanauatijli de tlajtlakojli. On tlanauatijli de tlajtlakojli nechuikaya ipan mikilistli, pero aman on Espíritu Santo nechuika ipan nemilistli.

1 Corintios 7:22

Kuajli para ijkon kichiuas, pampa ijkuak sen esclavo kineltoka Cristo, nokaua tlamakajtli itech ipoder on tlajtlakojli. Sano ijki, on tlakatl yejuan xesclavo katka itech sen tlakatl, nokuepa iesclavo Cristo ijkuak peua kineltoka.

Gálatas 5:1

Cristo otechmanauij itech on tlanauatijli para tinemij tlamakaualtin. Yejua ika, xmelajkanemikan ipan on tlamakaualistli, niman maka oksejpa xmotemakakan ipan on tlanauatijli ken esclavos.

Gálatas 5:13

Nokniuan, nemejuamej Dios omechnots para nennemiskej tlamakaualtin de on tlanauatijli. In xkijtosneki ika kuajli nenkichiuaskej on tlen xkuajli yejuan nemotlalnakayo kineki, yej nochi oksekneka xchiuakan. Xmopaleuikan cada se inuan oksekimej ikan tetlajsojtlalistli*.

2 Timoteo 3:7

In kenimej siuamej nochipa nomachtiaj para kajsikamatiskej itlaj yenkuik, pero xkaman uelij kajsikamatij on tlen melauak.

Santiago 1:25

Pero tla sen tlakatl kinomachtia ikan nochi iyojlo on tlanauatijli yejuan ajsitikaj* niman yejuan techmanauiya, tla ijkon, yejua tlatiochijtli yes ipan nochi on tlen kichiuas. Pero on tlakatl ika onkaj nomachtijtias mojmostla, niman xkelkauas on tlen kinomachtia, niman no kichiuas on tlen kijlia on temachtijli.

Santiago 2:12

Nemejuamej xtlajtokan niman xmouikakan kuajli, sa xkomatstiakan ika mechyolkuitiskej niman mechtlaxtlauiliskej ika on tlanauatijli yejuan temanauiya.

1 Pedro 2:16

Xmouikakan ken tlakamej yejuan xesclavos. Pero pampa xnenesclavos maka xnemilikan ika nenueliskej nenkichiuaskej tlen xkuajli. Yej más kuajli xmouikakan ken iesclavos Dios.

2 Juan 1:1

Nejua, yejuan niueuetki tlayekanki, nimitstlajkuiluiya tejua nokniu siuatl yejuan Dios omitstlapejpenij, niman mokoneuan. Melauak nemechtlajsojtla* niman xsan nejua, yej nochimej on yejuan kixmatij on temachtijli yejuan melauak.