San Juan 8:24 - El Nuevo Testamento

²⁴ Onemechijlij ika nenmikiskej ipan nemotlajtlakol. Tla xnennechneltokaj ika nejua niCristo yejuan Dios onechtlalij para nitlamandaros, nenmikiskej ipan nemotlajtlakol.

In yencuic iyectlajtoltzin Dios itech ica toTeco Jesucristo

²⁴ Onemechijlij ica nenmiquisquej ican nemotlajtlacol. Tla xnennechneltocaj ica nejhua niCristo yejhuan Dios onechtlalij para nitlamandaros, nenmiquisquej ipan nemotlajtlacol.

San Juan 8:24 Iomraidhean Croise

San Mateo 24:5

pampa miyekej uajlaskej yejuan ikan noTokatsin kualijtojtiaskej: “Nejua niCristo”, niman miyekej kinkajkayauaskej.

San Marcos 13:6

pampa miyekej uajlaskej yejuan ikan noTokatsin kualijtojtiaskej: “Nejua niCristo.” Niman yejuamej kinkajkayauaskej miyekkej.

San Marcos 16:16

On yejuan tlaneltokas niman nokuatekis, makisas. Pero on yejuan xtlaneltokas kitlajtlakolmakaskej.

San Lucas 21:8

Jesús okijtoj: —Xmotakan sano nemejuamej, niman maka nenkimokauiliskej mechkajkayauaskej, pampa uajlaskej miyekej yejuan ikan noTokatsin kualijtojtiaskej: “Nejua niCristo”, niman “Aman yoyejkok on tonajli.” Pero nemejuamej maka xuiyan inuan.

San Juan 13:19

In nemechijlia aman ijkuak xe nochiua, para ijkuak nochiuas, nemejuamej nenkineltokaskej niakin nejua.

San Juan 3:18

’On yejuan kineltoka xkitlajtlakolmakaskej, pero yejuan xkineltoka ye kipiya tlajtlakolmakalistli san pampa xkineltoka isenteKonetsin Dios.

San Juan 3:36

Yejuan kineltoka iKonetsin Dios kipiya nemilistli para nochipa, pero on yejuan xkitlakamati xkipiyas in nemilistli, yej kiselis on temojtij icastigo Dios.

San Juan 4:26

Niman Jesús okijlij: —Sano nejua yejuan nimitsnojnotstikaj.

San Juan 8:21

Jesús oksejpa okinmijlij: —Nejua yenau, niman nemejuamej nennechtejtemoskej. Pero nemejuamej nenmikiskej ipan nemotlajtlakol. Tej, kampa nejua niau, nemejuamej xuelis nenyaskej.

San Juan 8:25

Kemaj okitlajtoltijkej: —¿Tlen akin tejua? Niman Jesús okinmijlij: —Nejua desde ijkuak onipeu nitemachtia yonemechijlijka akin nejua.

San Juan 8:28

Yejua ika okinmijlij: —Ijkuak nemejuamej nennechajkopiloskej ipan sen kojnepanojli*, nejua yejuan oninochiu Tlakatl, ijkuakon nenkimatiskej akin nejua. Niman nenkimatiskej ika xitlaj* nikchiua yejuan san nejua nikneki, yej san nikijtoua on tlen noTajtsin yonechmachtij.

San Juan 8:58

Jesús okinmijlij: —Ika tlen melauak nemechijlia: ijkuak Abraham xe nemiya, nejua ye ninemiya.

Hechos 4:12

Niman xakaj okse ueli temakixtia, pampa Dios xokuajtitlan yakaj okse tlakatl ipan in tlaltikpaktli yejuan itechkopa uelis timakisaskej.

Hebreos 12:25

Yejua ika, xmotakan sano nemejuamej. Xselikan itlajtol Dios yejuan mechnotsa. Tla on hebreos* omikkej pampa xokinekej okakej itlajtol Moisés yejuan nemiya ipan in tlaltikpaktli, sanoyej pantlantijtikaj ika tejuamej más xuelis titomanauiskej, tla tiktlalkauiskej itlajtol Dios yejuan nemi iluikak.

Hebreos 2:3

¿kenijki titomanauiskej itech itlauel Dios tla san tikajauilmatij on temakixtilistli yejuan sanoyej* ueyi kijtosneki? On temachtijli de temakixtilistli toTEKO achtoj yejua otemachtij, niman on yejuan okakkej okitojkej ika on temachtijli yejua melauak.