San Juan 8:23 - El Nuevo Testamento

²³ Jesús okinmijlij: —Nemejuamej nenkisaj nikan ipan tlaltikpaktli, pero nejua oniualeu ne iluikak. Nemejuamej nenkisaj ipan in tlaltikpaktli, pero nejua xnikisa ipan in tlaltikpaktli.

In yencuic iyectlajtoltzin Dios itech ica toTeco Jesucristo

²³ Jesús oquimijlij: ―Nemejhuamej nenquistoquej nican ipan tlalticpactli, pero nejhua onihualeu ne ilhuicac. Nemejhuamej onenhualejquej ipan in tlalticpactli, pero nejhua xonihualeu ipan in tlalticpactli.

San Juan 8:23 Iomraidhean Croise

San Juan 1:14

Niman on yejuan Tlajtojli onochiu tlakatl niman totsajlan onen. Yejua sanoyej* otetlajsojtlak* niman otemachtij tlen melauak. Niman otikitakej iueyilis. On ueyilistli yejua kipiya, pampa yejua isenTekoneu toTajtsin.

San Juan 17:14

Nejua yonikinmakak motlajtoltsin, niman on tlaltikpaktlakamej kintlauelitaj, pampa yejuamej xok nouikaj ken on tlaltikpaktlakamej no ijki ken nejua xninouika ken on tlaltikpaktlakamej.

San Juan 17:16

Ijkon ken nejua xninouika ken on tlaltikpaktlakamej, yejuamej no xnouikaj ken on tlaltikpaktlakamej.

San Juan 3:13

Xe yakaj tlejkoua iluikak, yej nejua yejuan oninochiu Tlakatl oniuajtemok de ne iluikak.

San Juan 3:31

’On yejuan uajtemoua de ne iluikak más ueyixtikaj xken nochi tlakatl. On yejuan chanej* ipan in tlaltikpaktli san tlaltikpaktlakatl niman tlajtlajtoua ika on tlajtlamach* yejuan kistikaj ipan in tlaltikpaktli. Pero on yejuan ualeua ne iluikak más ueyixtikaj xken nochi tlakatl.

Santiago 4:4

¡Ay nemejuamej tlakamej yejuan xok nenkitokaj Dios! Nemejuamej ken sen siuatl yejuan auilnemi. ¿Xnenkimatij ika on yejuan kinekij ikan xkuajli eleuilistli on tlajtlamach* yejuan onkaj ipan in tlaltikpaktli, yejuamej nochiuaj itlauelikniuan Dios? San akinon yejuan ikan xkuajli eleuilistli kineki on tlajtlamach* yejuan onkaj ipan in tlaltikpaktli nochiua itlauelikniu Dios.