San Juan 8:20 - El Nuevo Testamento

²⁰ Jesús okijtoj in tlajtlamach* chika temachtiaya ne ijtik on ueyitiopan kampa kejeuayaj on uentomin. Pero xakaj okajsik, pampa sanken* xe yejkoya on tonajli para ijkon ipan nochiuas.

In yencuic iyectlajtoltzin Dios itech ica toTeco Jesucristo

²⁰ Jesús oquijtoj in tlajtlamach chica temachtiaya ne ijtic on hueyi tiopan campa quejehuaya on huentomin. Pero xacaj ocajsic, pampa oc xe yejcoya on tonajli para ijqui nochihuas itech.

San Juan 8:20 Iomraidhean Croise

San Mateo 26:55

Kemaj Jesús okinmijlij on tlakamej: —¿Nemejuamej onenualajkej ikan espadas niman kojtin* para nennechajsiskej ken yakaj nitlachteketl yeskia? Nejua mojmostla nemouan ninotlaliaya para nemechmachtiaya ne ipan iueyitiopan Dios, niman xkaman onennechajsikej.

San Mateo 27:6

Intlayekankauan on tiopixkej okajkokukej on tomin, niman okijtojkej: —On tlanauatijli xtechkauilia tiktlaliskej in tomin ne ipan on caja kampa nejeua on uentomin, pampa in yejua ika okitlaxtlajkej imikilis sen tlakatl.

San Marcos 12:41

Jesús yeuatikatka nisiu itech on caja ipan on ueyitiopan kampa kontlaliaj on uentomin. Ompa okintak on tlakamej konkajtikatkaj inuentomin. Miyekej yejuan ricos konxinijtikatkaj miyek tomin.

San Marcos 12:43

Kemaj Jesús okinnots on inomachtijkauan*, niman okinmijlij: —Ika tlen melauak nemechijlia ika in mayanki siuakaualtsintli más ueyi okitlalij iuentomin xken nochimej on oksekimej yejuan yokauakoj intomin ipan on caja.

San Lucas 20:19

Nimantsin on intlayekankauan on tiopixkej niman on temachtijkej ikan tlanauatijli kinekiyaj kajsiskej Jesús para kontsakuaskej, pampa kimatstikatkaj ika on ejemplo okinteneuilij yejuamej. Pero xokajsikej, pampa kinmakajsiyaj on tlakamej.

San Lucas 21:1

Ijtik on ueyitiopan Jesús okintak on ricos kitlaliayaj tomin ijtik on caja kampa nosentlalia on uentomin.

San Juan 10:39

Oksejpa kinekiyaj kajsiskej, pero Jesús ocholojteu intech.

San Juan 2:4

Pero Jesús okijlij: —Siuatl, ¿tline* tinechijlia nejua? Hasta aman xe ajsi on tonajli para nikchiuas milagros.

San Juan 7:14

On iluitl ye tlajkotipan yaya ijkuak Jesús okalak ipan on ueyitiopan, niman opeu temachtia.

San Juan 7:30

Kemaj kinekiyaj kajsiskej, pero xakaj okajsik pampa sanken* xe ajsiya on tonajli para ijkon nochiuas.

San Juan 7:44

Sekimej kinekiyaj kajsiskej, pero xakaj okajsik.

San Juan 7:8

Xuiyan nemejuamej ne ipan on iluitl. Nejua xe niau pampa sanken* xe ajsi on tonajli para nias.

San Juan 8:2

Uajmostla ijkuak ouajtlanes, oksejpa oyaj ne ipan on ueyitiopan. Nochi tlakatl okinisiuij, niman yejua onotlalij niman opeu kinmachtia.

San Juan 8:59

Kemaj okontilankej temej para kimojmotlaskiaj. Pero Jesús oniyan, niman okisteu ne ipan on ueyitiopan.