San Juan 8:19 - El Nuevo Testamento

¹⁹ Kemaj okitlajtoltijkej: —¿Kanon nemi moTajtsin? Jesús okinnankilij: —Nemejuamej xnennechixmatij, nion noTajtsin xnenkixmatij. Tla nennechixmatiskiaj, no nenkixmatiskiaj noTajtsin.

In yencuic iyectlajtoltzin Dios itech ica toTeco Jesucristo

¹⁹ Quemaj oquitlajtoltijquej: ―¿Canon nemi moTajtzin? Jesús oquinnanquilij: ―Nemejhuamej xnennechixmatij, niman nion noTajtzin xnenquixmatij. Tla nennechixmatisquiaj, no nenquixmatisquiaj noTajtzin.

San Juan 8:19 Iomraidhean Croise

San Mateo 11:25

Ipan on tonajli Jesús okichiu oración. Ijkin okijtoj: —Nimitsyekteneua noTajtsin, tejua yejuan iTEKO on iluikak niman in tlaltikpaktli. Nimitsyekteneua pampa nochi in tlajtlamach* xotikinmachistij on tlajmatkej niman on tlakajsikamatkej, pero otikinmachistij on yejuan ken kokonej.

San Juan 1:10

On yejuan Tlajtojli nemiya ipan in tlaltikpaktli. Maski Dios okichijchiu in tlaltikpaktli itechkopa yejua, on tlaltikpaktlakamej xokixmatkej.

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 15:21

Nochi in mechchiuiliskej san nopampa, pampa xkixmatij on yejuan onechajtitlan.

San Juan 16:3

Yejua in kichiuaskej pampa xkaman okixmatkej noTajtsin nion nejua.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 7:28

Ijkuak Jesús ijkon okak, chika temachtijtikatka ipan on ueyitiopan, ikan chikauak tlajtojli okijtoj: —¿Melauak nennechixmatij niman nenkimatstokej kanon niualeua? Nejua xoniuajlaj san pampa nejua oniknek, yej oniuajlaj pampa onechajtitlan on yejuan melauak nochipa kichiua tlen kijtoua. Niman nemejuamej xnenkixmatij.

1 Corintios 15:34

Xmelajkatlalikan nemotlamachilis niman maka sa xchiuakan tlajtlakojli. Sekimej nemejuamej xnenkixmatij Dios, niman in nikijtoua para xpinauakan.

Gálatas 4:9

Aman nenkixmatij Dios. Más kuajli ma nikijto, mechixmati. Yejua ika, ¿tline tej, nenkinekij nemokuepaskej niman nenkitlakamatiskej on tlanauatijli, niman oksejpa nennemiskej ken esclavos?

Efesios 1:17

niman niktlajtlanilia iDios toTEKO JesuCristo, on toueyiTajtsin, para ma mechmaka itechkopa on Espíritu Santo tlamatkilistli niman kajsikamatilistli para más kuajli nenkixmatiskej.

Colosenses 1:10

Ijkon tiktlajtlaniliaj Dios para nenueliskej nenkitlakaitaskej niman nenkipaktiskej toTEKO ikan nemonemilis. Nenueliskej nenkichiuaskej nochi tlajtlamach* tlen kuajli, niman cada mojmostla más kuajli nenkixmatiskej Dios.

Colosenses 1:15

Cristo on iKonetsin Dios, yejua okipantlantiko kenijki nemi Dios yejuan xnesi inemilis kenijki onkaj. Niman Cristo yejua nemi desde ijkuak nochi tlen onkaj, xe onkatka.

Hebreos 1:3

Cristo yejua kipantlantia iueyilis Dios niman sano yejua kixneskayotia* nochi kenijki nemi Dios. Niman no yejua kejeua nochi on tlen onkaj ikan itlajtol yejuan kipiya poder. Kemaj ijkuak yomik Cristo para otechkixtilij totlajtlakol, onotlalij iyekmakopa itrono Dios kampa tlamandaroua ne iluikak.

1 Juan 2:23

On yejuan kijtoua ika Jesús xejua Cristo yejuan iKonetsin toTajtsin Dios, xnouika iuan toTajtsin. Pero on yejuan kijtoua ika Jesús melauak Cristo yejuan iKonetsin toTajtsin Dios, yejua nouika iuan toTajtsin.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

2 Juan 1:9

San akinon yejuan kitlalkauiya itemachtil Cristo niman kitoka okse temachtilistli, xnemi san sekan iuan Dios. Pero on yejuan nokaua itech itemachtil Cristo, san sekan iuan toTajtsin nemi, niman no nemi san sekan iuan JesuCristo on iKonetsin.