San Juan 8:12 - El Nuevo Testamento

¹² Jesús oksejpa okinnots on tlakamej niman okinmijlij: —Nejua nitlauijli ipan in tlaltikpaktli. Yejuan yas nouan, xnejnemis kampa tlayouajtok, yej nejnemis ipan on tlauijli yejuan kimakas yenkuik nemilistli.

In yencuic iyectlajtoltzin Dios itech ica toTeco Jesucristo

¹² Jesús ocsejpa oquinnotz on tlacamej niman oquimijlij: ―Nejhua quen se tlahuijli ipan in tlalticpactli yejhuan huelis quintlahuilhuis intlamachilis on tlalticpactlacamej para cajsicamatisquej. Yejhuan nechhuicas cajsicamatis tlajtlamach ica Dios niman on cajsicamatilistli quimacas yencuic nemilistli.

San Juan 8:12 Iomraidhean Croise

San Mateo 5:14

’Ipan in tlaltikpaktli on tlakamej mechitaj ken nemouikaj. Yejua ika, nemejuamej nennemij ken itlaj on tlauijli yejuan kintlauiluiya. Nochimej uelij kitaj sen ueyikalpan yejuan onkaj ikuapan sen tepetl.

San Lucas 2:32

Yejua ken tlauijli yejuan kintlauiluis on yejuan xhebreos* niman kinmakas ueyilistli mokoneuan hebreos*.

San Juan 12:35

Kemaj Jesús okinmijlij: —Nejua yejuan nitlauijli ninemis nemotsajlan sa keski tonaltin más. Yejua ika, xmouikakan ipan on notlauil chika ninemi nemouan, tlamo on tlayouajlotl mechtlanis. Sen tlakatl yejuan nejnemi ipan tlayouajlotl xkimati kanon yau.

San Juan 12:36

Xneltokakan notlauil chika ninemi nemotsajlan para on tlauijli mechyekanas. Ijkuak Jesús otlan kijtoua in tlajtlamach*, oyaj niman yejuamej xok okimatkej kanon nemiya.

San Juan 12:46

Nejua oniuajlaj ipan in tlaltikpaktli ken sen tlauijli para on yejuan nechneltokas xnemis ipan tlayouajlotl.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 3:19

Yejuamej kiseliaj tlajtlakolmakalistli pampa ouajlaj on tlajuijli, yejuan iKonetsin Dios, ipan in tlaltikpaktli niman okintitij on kuajli ojtli para ipan nouikaskej, pero xkinekij nouikaskej ipan on kuajli ojtli, pampa yejuamej kichiuaj on tlen xkuajli.

San Juan 7:17

Tla yakaj kipiya iyojlo para kichiuas on tlen Dios kineki, yejua kimatis tla notemachtil ualeua itech Dios, noso tla nitemachtia on tlen san nejua niknejnemilia.

San Juan 9:5

Chika ninemi ipan in tlaltikpaktli, nikintlamachilistia on tlakamej para kajsikamatiskej tlajtlamach* itechkopa Dios.

Hechos 13:47

Ijkin tikchiuaskej pampa ijki otechnauatij toTEKO: Onimitstlalij para tiktepannextilis intech on yejuan xhebreos*, niman para tejua tikiktis in temakixtijli imanian in tlaltikpaktli.

Hechos 26:23

Yejuamej okijkuilojkej ika Cristo yejuan Dios okitlalij para tlamandaros ye onkatka para tlajyouis niman ika ijkuak yomik yejua achtopa yoliuis* intsajlan on mikatsitsimej, niman kimijlis on yejuan hebreos* niman on yejuan xhebreos* kenijki uelis kiseliskej temakixtilistli.

2 Pedro 2:17

Yejuamej miyek tlajtlamach* kiprometerouaj pero xkaman itlaj kitemakaj. Yejua ika, yejuamej ken on ameyaltin yejuan xkipiyaj atl, noso ken itlaj moxtli yejuan xkipiya atl niman kuika ajakatl. Para yejuamej Dios yokitlalij kampa más tlayouatok niman para nochipa ompa nemiskej,

2 Pedro 2:4

Dios xokintlapojpoluij on ángeles yejuan otlajtlakojkej, yej okominxinij miktlan kampa tetlajyouiltiloyan niman tlayouatok. Ompa salijtokej ikan teposcadenas hasta ipan on tonajli ijkuak Dios kinyolkuitis niman kintlaxtlauilis.

1 Juan 1:6

Tla tikijtouaj ika tinemij san sekan iuan Dios niman sanken* titlajtlakouaj, tla ijkon, xtikijtouaj on tlen melauak niman xtikchiuaj ken noneki.

Judas 1:13

Yejuamej ken on atl ipan on mar ijkuak chikauak koxoni. Nochi tlen kichiuaj tepinajtij niman nesi ken iposonajlo on mar. Yejuamej kenon sitlalimej yejuan kisaj ipan inojui, xok uelij teyekanaj. Dios okitlalij kampa sanoyej tlayouatok para on tlakamej nochipa ompa nemiskej.

Judas 1:6

Niman no xkinmelnamikikan on ángeles yejuan okipolojkej intekiu niman okitlalkauijkej iluikak kampa inchan katka. Dios okinsaloj ikan teposcadenas para nochipa, niman okintsaku ipan tlayouajlotl kampa kimpiyas hasta kaman ajsis on ueyi tonajli ijkuak kinyolkuitis niman kintlajtlakomakas.

El Apocalipsis 21:24

Nochi tlakatl de nochi naciones kistinemiskej tlauilpan ikan itlauil on ueyikalpan. Niman on tlaltikpak reyes yaskej itech kitkiskej inueyilis niman intetlakaitalis.