San Juan 7:39 - El Nuevo Testamento

³⁹ Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

In yencuic iyectlajtoltzin Dios itech ica toTeco Jesucristo

³⁹ Yejhua in Jesús oquijtoj ica on Espíritu Santo yejhuan quiselisquej on yejhuan quineltocasquej. Ipan on tonaltin oc xe huajlaya on Espíritu Santo, pampa Jesús oc xe tlejcohuaya ne ilhuicac para quiselis hueyilistli.

San Juan 7:39 Iomraidhean Croise

San Mateo 16:14

Yejuamej okijlijkej: —Sekimej kijtouaj ika tejua tiJuan on tlakuatekijketl, oksekimej kijtouaj ika tejua tiElías, niman más oksekimej kijtouaj ika tejua tiJeremías noso yakaj okse tiotlajtojketl.

San Mateo 21:11

Niman on yejuan yayaj iuan Jesús okijtojkej: —In yejua tiotlajtojketl Jesús, yejuan chanej* Nazaret yejuan onkaj ipan iueyitlalpan Galilea.

San Lucas 24:49

Niman aman xkakikan. Nemopan nikuajtitlanis on Espíritu Santo yejuan noTajtsin omechijlijka ika mechmakas. Pero xmokauakan nikan Jerusalén hasta ijkuak nenkiseliskej on poder yejuan ne tlakpak ualeuas.

San Lucas 3:16

Yejua ika Juan okinmijlij: —Melauak nejua nemechkuatekiya ikan atl. Pero uajlau okse yejuan kipiya más ueyitilistli xken nejua, niman nejua xnechmelaua* nion siquiera niktojtomas ikakmekayo. Yejua tej, mechkuatekis ikan Espíritu Santo niman ikan tlitl.

San Lucas 7:16

Ijkuak nochimej ijkon okitakej, onomojtijkej niman opeu kueyiliaj Dios. Ijkin kijtouayaj: —Sen ueyi tiotlajtojketl ononextij totsajlan. No kijtouayaj: —Dios youajlaj, okimpaleuiko ikoneuan.

San Juan 1:21

Kemaj okitlajtoltijkej: —Tla ijkon, ¿akin tejua? ¿Tejua titiotlajtojketl Elías? Niman Juan okijtoj: —Ka, xnejua. Kemaj ijkin okitlajtoltijkej: —Tla ijkon, ¿tejua titiotlajtojketl on yejuan ika onkatka uajlas? Niman yejua okijtoj: —Ka.

San Juan 1:25

Niman yejuamej okijlijkej: —Tla ijkon, tla xtejua tiCristo, nion tiElías, nion yejua on tiotlajtojketl yejuan ika onkatka uajlas, ¿tline* tej, titlakuatekiya?

San Juan 1:33

Nejua hasta aman xnikixmatiya akin yejua, pero on yejuan onechajtitlan ma nitlakuateki ikan atl onechijlij: “Ijkuak tikitas temos on Espíritu Santo niman on akin ipan nokauas, tikmatis ika on yejua tlakuatekis ikan Espíritu Santo.”

San Juan 12:16

Achtoj on inomachtijkauan* Jesús xokajsikamatkej on tlajtlamach*. Pero ijkuak Jesús otlejkok ne iluikak, okelnamikkej ika nochi on ye ijki tlajkuilolnestikatka itech yejua, niman ijki mero ipan onochiu.

San Juan 12:23

Niman Jesús okinmijlij: —Yoyejkok on tonajli ijkuak nejua yejuan oninochiu Tlakatl nikselis ueyilistli.

San Juan 14:13

Niman nochi tlen nemejuamej nentlajtlaniskej ikan notoka, nejua nikchiuas para noTajtsin kiselis ueyilistli notechkopa yejuan niiKoneu.

San Juan 14:26

Pero ijkuak noTajtsin kuajtitlanis on Espíritu Santo ikan notokatsin para mechyolchikauas niman mechpaleuis, yejua nochi mechmachtis niman mechelnamiktis nochi tlen yonemechijlij.

San Juan 16:14

Yejua nechmakas ueyilistli pampa kiselis on tlen melauak noka nejua niman mechmachistis.

San Juan 16:7

Pero nemechijlia tlen melauak. Más kuajli para nemejuamej tla nias, pampa tla nejua xnias, xuajlas on Tlapaleuijketl. Pero tla nias, nejua nikuajtitlanis nemotech.

San Juan 17:1

Ijkuak Jesús yotlan kijtoua in tlajtlamach*, oajkotlachix ne iluikak, niman okijtoj: —NoTajtsin, yoyejkok in hora. Xnechueyili nejua yejuan nimoKoneu para nejua no nimitsueyilis.

San Juan 17:5

Aman tej, noTajtsin, ne kampa tinemi, xnechmaka on ueyilistli yejuan mouan nikpiyaya ijkuak in tlaltikpaktli xe onkatka.

San Juan 20:22

Niman ijkuak ijkin yokijtoj, okinmilpits niman okinmijlij: —Xselikan on Espíritu Santo.

San Juan 6:14

Kemaj ijkuak on tlakamej okitakej on milagro yejuan Jesús okichiu, okijtojkej: —Melauak in yejua tiotlajtojketl yejuan ye onkatka para uajlaskia ipan in tlaltikpaktli.

San Juan 7:12

Niman intsajlan on tlakamej miyekej tlajtlajtouayaj. Sekimej kijtouayaj: “Yejua sen kuajli tlakatl.” Pero oksekimej kijtouayaj: “Ka. Xkuajli tlakatl pampa kinkajkayaua on tlakamej.”

San Juan 8:54

Jesús okinmijlij: —Tla sano nejua ninotlakaita, notlakaitalis xitlaj* kijtosneki. Pero noTajtsin kemaj nechtlakaita, on yejuan nemejuamej nenkijtouaj ika nemoDios.

Hechos 19:2

Niman okintlajtoltij: —¿Onenkiselijkej Espíritu Santo ijkuak onentlaneltokakej? Yejuamej okinankilijkej: —Ka, tejuamej xkaman otikakkej tla nemi on Espíritu Santo.

Hechos 2:17

Dios kijtoua: “Ipan on sa ika nochi tonaltin, niktlalis noEspíritu ipan nochimej tlaltikpaktlakamej. Niman nemokoneuan tlakamej niman siuamej, kiteijliskej tiotlajtojli yejuan kiseliskej itech Dios. Niman nemotelpochuan kitaskej tlatlachalistli yejuan ken intemikpan, niman on ueuentsitsinmej temikiskej.

Hechos 2:33

Ijkon tej, Dios yokitlejkoltij yokitlalij iyekmakopa para más ueyixtias. Niman Jesús yokiselij on Espíritu Santo itech iTataj yejuan okiprometerouilij kimakas. Niman aman yotechmakak on tlen nenkitaj niman nenkakij.

Hechos 2:38

Kemaj Pedro okinmijlij: —Xmoyolpatlakan niman xmokuatekikan cada se de nemejuamej ikan itokatsin JesuCristo para nemotlajtlakoluan mechtlapojpoluiliskej, niman nenkiseliskej on itetlayokolil Dios yejuan Espíritu Santo.

Hechos 2:4

Niman on Espíritu Santo nochimej okinyolten. Kemaj opejkej tlajtlajtouaj ikan sesekneka yenkuik tlajtojli* ijkon ken on Espíritu Santo kimpaleuiyaya para ma tlajtlajtokan.

Hechos 3:13

On iDios Abraham niman Isaac, niman Jacob niman yejuan no iminDios on toachtojtajuan okueyilij Jesús on iKonetsin. Pero nemejuamej yej onenkitemaktilijkej, niman onenkinenekej* ixpan Pilato ijkuak yejua kinekiya kimakauas.

Hechos 4:31

Ijkuak otlan noueyikatsajtsiliaj, ne kampa onosentlalijkej otlalolin, niman on Espíritu Santo nochimej okinyoltemitij, niman otemachtijkej itlajtol Dios ikan yolchikaualistli.

Romanos 8:9

Pero tla nenkipiyaj on iEspíritu Dios ipan nemoyojlo, tla ijkon, xnemouikaj ken nemotlalnakayo kineki, yej nemouikaj ken on Espíritu kineki. Niman tla yakaj xkipiya iEspíritu Cristo, yejua xteyaxka* itech Cristo.

2 Corintios 3:8

tla ijkon itekiu on Espíritu Santo kipanextia más sanoyej ueyilistli.

Efesios 4:30

Maka xkajmanakan iEspíritu Dios yejuan yolchipauak, pampa ika on Espíritu nemejuamej omechsellarojkej para nesi ika nenikoneuan Dios hasta ipan on tonajli ijkuak Cristo totemakixtijkau yejkos para kaxiltis totemakixtilis.