San Juan 7:31 - El Nuevo Testamento

³¹ Pero miyekej okineltokakej, niman okijtojkej: —Tikneltokaj ika in tlakatl yejua Cristo pampa xakaj uelis uajlas yejuan kichiuas más milagros* ken yejua in tlakatl.

In yencuic iyectlajtoltzin Dios itech ica toTeco Jesucristo

³¹ Pero miyequej oquineltocaquej, niman oquijtojquej: ―Ticneltocaj ica in tlacatl yejhua Cristo pampa xacaj huelis huajlas yejhuan quichihuas más milagros quen yejhua in tlacatl.

San Juan 7:31 Iomraidhean Croise

San Mateo 12:23

Nochi tlakatl okitlatlachaltij, niman okijtojkej: —¿Manin in yejua teuejkakoneu* itech David yejuan Dios okitlapejpenij para techmandaros?

San Lucas 8:13

On tepetlayoj yejuan seki xinachtli ipan oxin, kijtosneki inyojlo on tlakamej yejuan kakij itlajtol Dios niman kiseliaj ikan paktli. Pero tlaneltokaj san keski tonajli, pampa on itlajtol Dios xnoneluayotia uejkatlan ipan inyojlo. Yejua ika ijkuak kintlatlata on tlen xkuajli, noxelouaj itech on tlaneltoktli.

San Juan 11:45

Miyekej hebreos* yejuan oualajkej iuan María okineltokakej Jesús ijkuak okitakej on tlen okichiu.

San Juan 12:11

pampa san yejua ipampa miyekej on hebreos* ye notsijtsinkixtiayaj intech niman yej kineltokayaj Jesús.

San Juan 12:42

Maski ijkon okijtoj on tlajtojli, miyekej on hebreos* okineltokakej Jesús, hasta on yejuan tekiuajkej. Pero, pampa kinmakajsiyaj on fariseos*, xkijtouayaj ika tlaneltokaj tlamo kinuakixtiskej ipan on sinagoga*.

San Juan 2:11

Yejua in tlen Jesús okichiu ne Caná de Galilea, yejua iachtoj milagro yejuan okiteititij iueyilis, niman on inomachtijkauan* okineltokakej.

San Juan 3:2

Nikodemo oyaj okinotsato Jesús ijkuak tlayoua, niman okijlij: —Temachtijketl, tikmatstokej ika Dios omitsajtitlan para otitechmachtiko, pampa xakaj ueli kiteititia ipoder ikan milagros* ken tejua tikchiua tla Dios xkipaleuiya.

San Juan 4:29

—Xuajlakan, xkitakij sen tlakatl yejuan onechpanextijlij nochi tlen yonikchiu. ¿Manin xyejua Cristo?

San Juan 4:39

Niman miyekej samaritanos yejuan chanejkej ipan on ueyikalpan okineltokakej Jesús ipampa on tlen okinmijlij on siuatl ijkuak okinmijli: “Onechpanextilij nochi tlen nejua yonikchiu.”

San Juan 6:2

Sanoyej miyek tlakatl yaya iuan, pampa yokitakaj on milagros* yejuan okichiu ika okimpajtij on kokoxkej.

San Juan 7:26

Aman tej, nikan tlajtlajtojtikaj teixpan, niman xakaj itlaj kijlia. ¿Manin on tekiuajkej melauak kineltokaj ika in tlakatl yejua Cristo yejuan Dios okitlalij para tlamandaros?

San Juan 9:16

Kemaj sekimej fariseos* okijtojkej: —On tlakatl ika ijkon okichiu xualeua itech Dios, pampa xkitlakamati on tlanauatijli yejuan technauatia para maka ma titekitikan ipan on tonajli sábado. Pero oksekimej kijtouayaj: —¿Kenijki ueliskia kinchiuaskia in uejueyi milagros* tla yejua tlajtlakolej yeskia? Niman ijkin onotlajkoxelojkej.

Hechos 8:13

Niman hasta Simón no otlaneltokak niman onokuatekij. Yejua opeu kuikatinemi Felipe, niman ika okitak on uejueyi tlamauisoltin niman milagros* yejuan nochiuaya sanoyej tlapakaitaya.

Santiago 2:26

Ijkon ken sen tlalnakayotl ijkuak xkipiya ialma miki, no ijki miktikaj itlaneltok sen tlakatl tla xkichiua tlajtlamach* tlen kuajli.