San Juan 7:3 - El Nuevo Testamento

³ niman ikniuan okijlijkej: —Maka nikan xmokaua. Xuiya ne Judea para on monomachtijkauan yejuan ompa nemij no ma kitakan on milagros.

In yencuic iyectlajtoltzin Dios itech ica toTeco Jesucristo

³ niman icnihuan oquijlijquej: ―Ma ca nican xmocahua. Xhuiya ne Judea para on monomachtijcahuan yejhuan ompa nemij no ma quitacan on milagros yejhuan tictenehua ticchihua.

San Juan 7:3 Iomraidhean Croise

San Mateo 12:46

Chika Jesús kinnojnotstikatka on tlakamej, oajsikej inanaj niman ikniuan. Onokajkej ipan ojtli, niman kinekiyaj iuan tlajtoskej.

San Marcos 3:21

Ijkuak ifamilia okimat, oualajkej para kuikaskiaj, pampa yejuamej kuitiayaj xok kipiya itlamachilis.

San Marcos 3:31

Kemaj oualajkej inanaj niman ikniuan Jesús. Yejuamej onokajkej ipan calle, niman otlatitlankej ma kinotsatij Jesús.

San Lucas 8:19

Kemaj inanaj niman ikniuan Jesús oualajkej kampa yejua nemiya, pero xueliyaj kinisiuiyayaj pampa miyek tlakatl ompa nemiya.

San Lucas 8:20

Yakaj ijkin okijlij Jesús: —Monanaj niman mokniuan nepa nemij ipan ojtli niman kinekij mitsitaskej.

San Juan 2:2

Niman Jesús iuan inomachtijkauan* no okinnotskej ipan on tlanamiktilistli.

San Juan 6:60

Ijkuak miyekej inomachtijkauan* ijkon okakkej, okijtojkej: —Yejua in tlen tikijtoua sanoyej* ouijtikaj* para tikseliskej. ¿Akinon uelis kiselis in temachtijli?

San Juan 6:66

Desde ijkuakon opeu miyekej on yejuan kuikatinemiyaj onokuepkej, niman xok iuan okistinenkej.

San Juan 7:10

Sakin ijkuak yoyajkej ikniuan, yejua no oyaj ne ipan on iluitl. Pero xonoteititij, yej san ichtaka*.

San Juan 7:4

Ijkuak se kineki ma kuajli kixmatikan, xkichtakachiua on tlajtlamach* yejuan kichiua. Niman pampa tikteneua ika tikchiua in ken in tlajtlamach*, xchiua ixpan nochi tlakatl.

San Juan 7:5

On ikniuan ijkon okijlijkej pampa nion yejuamej xkineltokayaj.

Hechos 2:14

Kemaj Pedro ouajnotelkets inuan on majtlaktli uan se apóstoles*, niman ikan chikauak tlajtojli, okijtoj: —Tlakamej hebreos* niman nemochimej* akin nenchantij nikan Jerusalén, xmatikan nemejuamej yejua in, niman kuajli xkakikan tlinon nemechijlis.