San Juan 7:26 - El Nuevo Testamento

²⁶ Aman tej, nikan tlajtlajtojtikaj teixpan, niman xakaj itlaj kijlia. ¿Manin on tekiuajkej melauak kineltokaj ika in tlakatl yejua Cristo yejuan Dios okitlalij para tlamandaros?

In yencuic iyectlajtoltzin Dios itech ica toTeco Jesucristo

²⁶ Aman, tej, nican tlajtlajtojticaj teixpan, niman xacaj itlaj quijlia. ¿Manin on tequihuajquej melahuac quineltocaj ica in tlacatl yejhua Cristo yejhuan Dios oquitlalij para tlanahuatiquetl yes?

San Juan 7:26 Iomraidhean Croise

San Mateo 22:16

Kemaj tej, on fariseos* okintitlankej itech Jesús on innomachtijkauan inuan on yejuan okipaleuijkej Herodes para ma kalaki rey. Yejuamej okijlijkej: —Temachtijketl, tikmatstokej ika nochipa tikijtoua on tlen melauak. On tlakamej kuajli tikintitia ken Dios kineki para nouikaskej. Tejua xtikchiuilia cuenta on tlen kijtouaj motechkopa on tlakamej, maski uejueyixtokej noso xuejueyixtokej.

San Lucas 23:13

Kemaj Pilato san sekan okinsentlalij intlayekankauan on tiopixkej, on tekiuajkej niman on tlakamej,

San Lucas 7:30

Pero on fariseos* niman on temachtijkej ikan itlanauatil Dios xokiselijkej itemachtil Dios, yejua ika xonokuatekijkej itech Juan.

San Juan 12:42

Maski ijkon okijtoj on tlajtojli, miyekej on hebreos* okineltokakej Jesús, hasta on yejuan tekiuajkej. Pero, pampa kinmakajsiyaj on fariseos*, xkijtouayaj ika tlaneltokaj tlamo kinuakixtiskej ipan on sinagoga*.

San Juan 18:20

Jesús okinmijlij: —Nejua onitlajtlajtoj ixpan nochi tlakatl. Nochipa nitemachtiaya ipan on sinagogas* niman ipan on ueyitiopan kampa nosentlaliaj nochimej on hebreos*. Ijkon tej, xitlaj* san onikichtakaijtoj.

San Juan 3:1

Nemiya sen fariseo* itoka Nicodemo yejuan tlayekanketl katka intech on hebreos*.

San Juan 4:29

—Xuajlakan, xkitakij sen tlakatl yejuan onechpanextijlij nochi tlen yonikchiu. ¿Manin xyejua Cristo?

San Juan 7:25

Sekimej yejuan chantiyaj Jerusalén opeu kinotlajtoltiaj: —¿Tlen xejua in kitejtemojtinemij para kimiktiskej?

San Juan 7:31

Pero miyekej okineltokakej, niman okijtojkej: —Tikneltokaj ika in tlakatl yejua Cristo pampa xakaj uelis uajlas yejuan kichiuas más milagros* ken yejua in tlakatl.

San Juan 7:48

¿Nenkitaj yakaj totlayekankau noso sen fariseo* yotlaneltokak?

San Juan 9:22

On intlayekankauan hebreos* yonotlajtolmakakaj para kuajkixtiskej ne sinagoga* san akinon yejuan kijtos ika Jesús yejua Cristo. Yejua ika, ijkon okijtojkej on itajuan pampa kinmakajsiyaj itlayekankauan on hebreos*.

Hechos 4:13

Ijkuak on más uejueyitekiuajkej ipan on Sanedrín* okitakej ken yolchikajkej Pedro niman Juan, niman ika yejuamej xonomachtijkej* ipan escuela nion xuejueyixtokej, okintlatlachaltij niman okinomakakej cuenta ika yejuamej iuan onouikakej Jesús.

Filipenses 1:14

Niman más miyekej tokniuan kipiyaj ipan inyojlo para kitemachtiaj on itlajtol Dios ikan más yolchikaualistli, niman xikan nemojtijli, pampa nikan nitsakutikaj.