San Juan 6:53 - El Nuevo Testamento

⁵³ Jesús okinmijlij: —Nejua yejuan onochiu Tlakatl ika tlen melauak nemechijlia, tla nemejuamej xnenkikuaj nonakayo niman xnenkonij noyesyo, xnennemiskej para nochipa.

In yencuic iyectlajtoltzin Dios itech ica toTeco Jesucristo

⁵³ Jesús oquimijlij: ―Nejhua yejhuan onochiu Tlacatl ica tlen melahuac nemechijlia, tla nemejhuamej xnenquicuaj nonacayo niman xnenconij noyesyo, xnennemisquej para nochipa.

San Juan 6:53 Iomraidhean Croise

San Mateo 18:3

Niman okijtoj: —Ika tlen melauak nemechijlia, ika tla nemotlamachilis xnopatla niman xnokuepa ken intlamachilis on kokonej, xnenkalakiskej ne kampa tlamandaroua on iluikak chanej.

San Mateo 5:18

Ika tlen melauak nemechijlia ika xakaj kixtilis sentetl letra nion sentetl punto itlanauatil Dios chika onkaj on cielo* niman in tlaltikpaktli. Xitlaj nokixtilis hasta ijkuak nochi yonochiu on tlen tlajkuilolnestikaj.

San Mateo 8:20

Pero Jesús okijlij: —On ostotsitsintin kipiyaj intekal, niman on totomej kipiyaj intepajsol, pero nejua yejuan oninochiu Tlakatl xnikpiya kanon nikochis.

San Lucas 13:3

Nemechijlia ika ka. Yej, tla nemejuamej xnenkajkauaskej ika nenkichiuaj on tlen xkuajli, nochimej nemejuamej no ijki nenmikiskej.

San Lucas 13:5

Nemechijlia ika ka, yej tla nemejuamej xnenkajkauaskej ika nenkichiuaj on tlen xkuajli, nochimej nemejuamej no ijki nenmikiskej.

San Juan 13:8

Pero Pedro okijlij: —Nejua xkaman tinechimpajpakilis nokxiuan. Jesús okijlij: —Tla xnimitsimpajpakilis, xok nouan timopouas.

San Juan 15:4

Nochipa xnemikan nouan, niman nejua nochipa ninemis nemouan. Tla xnennemiskej nouan, xuelis nentlakiskej sano ijki ken imatsitsiuan on uvas xueliskej tlakiskej tla xonkaj ipan itemekayo.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

San Juan 3:36

Yejuan kineltoka iKonetsin Dios kipiya nemilistli para nochipa, pero on yejuan xkitlakamati xkipiyas in nemilistli, yej kiselis on temojtij icastigo Dios.

San Juan 3:5

Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

San Juan 6:47

Ika tlen melauak nemechijlia, ika on yejuan nechneltoka kipiya nemilistli yejuan para nochipa.

San Juan 6:51

Nejua nipan yejuan kitemaka nemilistli niman yejuan oniualeu iluikak. Yejuan kikuas in pan nemis para nochipa. On pan yejuan nejua nikmakas sano yejua nonakayo yejuan nikuentlalis para on tlaltikpaktlakamej ueliskej nemiskej para nochipa.

San Juan 6:55

Ijkon nochiuas pampa nonakayo yejua melauak tlakuajli, niman noyesyo yejua melauak tlaonijli.

San Juan 6:62

¿Tlinon nenkinemiliskiaj tla nennechitaskiaj nejua yejuan oninochiu Tlakatl nitlejkoua ne kampa achtoj ninemiya?

1 Juan 5:12

On yejuan kipiya iKonetsin Dios ipan iyojlo, no kipiya yejua in nemilistli. Pero on yejuan xkipiya iKonetsin Dios ipan iyojlo, xkipiya yejua in nemilistli.

El Apocalipsis 2:17

Xpiyakan cuidado on tlen on Espíritu Santo kinmijlia on tlaneltokakej. On yejuan tetlaniskej nikinmakas ma kuakan on maná yejuan iyantikaj. Niman no nikinmakas sen tetsintli istak kampa tlajkuilolnestias sen yenkuik tokayotl yejuan xakaj kixmatis, yej san on yejuan kiselia kixmatis.”

El Apocalipsis 2:7

Xpiyakan cuidado on tlen on Espíritu Santo kinmijlia on tlaneltokakej. On yejuan tetlantiskej nikinkauilis ma kikuakan itlakijlo on kojtlakijlotl yejuan onkaj iluikak kampa nemi Dios. On tlakijlotl kitemaka nemilistli para nochipa.”