San Juan 6:14 - El Nuevo Testamento

¹⁴ Kemaj ijkuak on tlakamej okitakej on milagro yejuan Jesús okichiu, okijtojkej: —Melauak in yejua tiotlajtojketl yejuan ye onkatka para uajlaskia ipan in tlaltikpaktli.

In yencuic iyectlajtoltzin Dios itech ica toTeco Jesucristo

¹⁴ Quemaj ijcuac on tlacamej oquitaquej on milagro yejhuan Jesús oquichiu, oquijtojquej: ―Melahuac in yejhua tiotlajtojquetl on yejhuan ye oncatca para huajlasquia ipan in tlalticpactli.

San Juan 6:14 Iomraidhean Croise

San Mateo 11:3

para kitlajtoltiskej tla yejua melauak Cristo yejuan ye onkaj para uajlas, noso yej kichaskej okse.

San Mateo 21:11

Niman on yejuan yayaj iuan Jesús okijtojkej: —In yejua tiotlajtojketl Jesús, yejuan chanej* Nazaret yejuan onkaj ipan iueyitlalpan Galilea.

San Lucas 24:19

Niman Jesús okinmijlij: —¿Tlinon tej, onochiu? Niman yejuamej okijlijkej: —On tlen ipan onochiu Jesús yejuan ualeua Nazaret. Yejua sen tiotlajtojketl katka niman ixpan Dios niman imixpan on tlakamej okipix ueyi poder ika on tlen kichiuaya niman ika on tlen kijtouaya.

San Lucas 7:16

Ijkuak nochimej ijkon okitakej, onomojtijkej niman opeu kueyiliaj Dios. Ijkin kijtouayaj: —Sen ueyi tiotlajtojketl ononextij totsajlan. No kijtouayaj: —Dios youajlaj, okimpaleuiko ikoneuan.

San Juan 1:21

Kemaj okitlajtoltijkej: —Tla ijkon, ¿akin tejua? ¿Tejua titiotlajtojketl Elías? Niman Juan okijtoj: —Ka, xnejua. Kemaj ijkin okitlajtoltijkej: —Tla ijkon, ¿tejua titiotlajtojketl on yejuan ika onkatka uajlas? Niman yejua okijtoj: —Ka.

San Juan 11:27

Yejua okijlij: —Kemaj noTEKO. Nejua nikneltoka ika tejua tiCristo yejuan Dios okuajtitlan para tlamandaros. Niman nikneltoka ika tejua tiiKoneu Dios yejuan ye ijki onkatka para uajlas ipan in tlaltikpaktli.

San Juan 2:11

Yejua in tlen Jesús okichiu ne Caná de Galilea, yejua iachtoj milagro yejuan okiteititij iueyilis, niman on inomachtijkauan* okineltokakej.

San Juan 4:19

Niman ijkuak on siuatl ijkon okak, okijlij Jesús: —Señor, nejua nikita ika tejua titiotlajtojketl.

San Juan 4:25

On siuatl okijlij: —Nejua nikmatstikaj ika uajlas on Mesías, on yejuan itoka Cristo. Ijkuak yejua uajlas, nochi tlajtlamach* techmelajkaijlis.

San Juan 4:42

Kemaj okijlijkej on siuatl: —Aman tikneltokaj xsan pampa on tlen otitechijlij, yej no pampa sano tejuamej yotikakkej. Niman tikmatstokej ika melauak yejua temakixtijketl yejuan kinmakixtis on tlaltikpaktlakamej.

San Juan 6:2

Sanoyej miyek tlakatl yaya iuan, pampa yokitakaj on milagros* yejuan okichiu ika okimpajtij on kokoxkej.

San Juan 6:26

Pero Jesús okinmijlij: —Ika tlen melauak nemechijlia nemejuamej nennechtejtemouaj xpampa onenkajsikamatkej tlen kijtosneki on milagro yejuan onikchiu yaloua ijkuak onemechtlakualtij, yej san pampa onentlakuajkej hasta kampa onemixuikej.

San Juan 6:30

Niman kemaj ijkin okitlajtoltijkej: —¿Tlen tlamauisojli titechititis para ijkuak yotikitakej timitsneltokaskej? ¿Tlinon tej, tikchiuas?

San Juan 7:40

Sekimej yejuan nemiyaj intsajlan on tlakamej, ijkuak ijkon okakkej, okijtojkej: —Tlakaj melauak, in tlakatl yejua tiotlajtojketl yejuan ika onkatka para uajlas.

Hechos 7:37

Moisés sano yejua okinmijlijka on hebreos*: “Dios mechajtitlanilis sen tiotlajtojketl yejuan sano nemotsajlan kisas ijkon ken nejua onechajtitlan. Yejua xkakikan tlinon yejua mechijlis.”