San Juan 5:30 - El Nuevo Testamento

³⁰ ’Nejua xueli itlaj nikchiua tla notataj xnechmaka tekiuajyotl. Nejua niteyolkuitia niman nitetlajtlakolmaka ken Dios nechijlia. Yejua ika niteyolkuitia niman nitetlajtlakolmaka ken kitocaroua pampa xnikchiua tlen nejua nikneki, yej tlen kineki noTajtsin yejuan onechajtitlan.

In yencuic iyectlajtoltzin Dios itech ica toTeco Jesucristo

³⁰ ’Nejhua xhueli itlaj nicchihua itechcopa notequiyo. Nejhua niteyolcuitia niman nitetlajtlacolmaca quen Dios nechijlia. Yejhua ica niteyolcuitia niman nitetlajtlacolmaca quen quitocarohua pampa xnicchihua tlen nejhua nicnequi, yej tlen quinequi noTajtzin yejhua onechajtitlan.

San Juan 5:30 Iomraidhean Croise

San Mateo 26:39

Kemaj Jesús oyaj achijtsin más tlayakapan, niman ijkuak onotlakuantelkets niman onopachoj hasta ipan tlajli, okichiu oración itech Dios, niman okijlij: —NoTajtsin, tla ueliskia, xnechkauili maka nikijyouis in tlajyouilistli, pero maka ma nochiua ken nejua nikneki, yej ma nochiua ken tejua tikneki.

San Juan 14:10

¿Xtikneltoka ika nejua ninemi iuan noTajtsin niman noTajtsin nouan nemi? On tlajtlamach* tlen nemechijlia, xnejua notlajtol. On tekitl yejuan nikchiua, noTajtsin yejua kichiua notechkopa.

San Juan 17:4

Nejua yonitlan on tlen otinechnauatij nikchiuas. Ijkon tej, yonimitsueyilij ipan in tlaltikpaktli.

San Juan 18:11

Pero Jesús okijlij Pedro: —Xkalakti moespada kampa otikixtij. ¿Tlen tiknemilia xijki noneki nitlajyouis ken noTajtsin okitlalij para nitlajyouis?

San Juan 4:34

Pero Jesús okinmijlij: —Ijkon ken nemotlalnakayo kojtitikaj ijkuak nentlakuaj, no ijki noalma kojtitikaj ijkuak nikchiua tlen kineki on yejuan onechajtitlan para nitlamis itekiu. Yejua ika tej, in tekitl sano ijki ken notlakual.

San Juan 5:19

Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.

San Juan 6:38

Ijkin nikchiuas pampa nejua oniualeu iluikak xpara nikchiuas tlen nejua nikneki, yej para nikchiuas on tlen kineki on yejuan onechajtitlan.

San Juan 8:28

Yejua ika okinmijlij: —Ijkuak nemejuamej nennechajkopiloskej ipan sen kojnepanojli*, nejua yejuan oninochiu Tlakatl, ijkuakon nenkimatiskej akin nejua. Niman nenkimatiskej ika xitlaj* nikchiua yejuan san nejua nikneki, yej san nikijtoua on tlen noTajtsin yonechmachtij.

San Juan 8:42

Niman Jesús okinmijlij: —Tla melauak Dios nemoTajtsin yeskia, nemejuamej nennechtlajsojtlaskiaj*, pampa nejua niualeua itech Dios niman aman nikan ninemi. Xoniuajlaj san pampa oniknek, yej oniuajlaj pampa Dios onechajtitlan.

San Juan 8:50

Nejua xniktejtemoua para on tlakamej ma nechtlakaitakan. Nemi okse yejuan kintejtemoua tlakamej para ma nechtlakaitakan. Yejua teyolkuitia niman tetlajtlakolmaka.

Romanos 15:3

Ijkon ma tikchiuakan pampa Cristo xsanno yejua onopaktij. In Yektlajkuilojli kijtoua on tlen Cristo okijlij Dios: “Nopan ouets intlauel on yejuan mitstlauelitayaj.”

Romanos 2:2

Tikmatstokej tej, ika ijkuak Dios tetlajtlakolmaka, itetlajtlakolmakalis kixtia ipan on tlen melauak se kichiua.

Romanos 2:5

Pero ijkuak sen tlakatl yoltechikaktik niman xkineki noyolpatlas, on tlajyouilistli sano yejua kinomiyekilijtiu para kiselis ipan on tonajli ijkuak Dios tecastigaros. Ipan on tonajli Dios kiteititis ika yejua tetlajtlakolmaka ken kitocaroua.