San Juan 5:26 - El Nuevo Testamento

²⁶ Ijkon ken noTajtsin kitemaka nemilistli para nochipa, no ijki nejua yejuan niiKoneu niktemaka nemilistli para nochipa.

In yencuic iyectlajtoltzin Dios itech ica toTeco Jesucristo

²⁶ Ijcon quen noTajtzin quitemaca nemilistli para nochipa, no ijqui nejhua yejhuan niiConeu nictemaca nemilistli para nochipa.

San Juan 5:26 Iomraidhean Croise

San Juan 1:4

ITlajtoltsin Dios kitemaka on nemilistli yejuan para nochipa. Niman on nemilistli kitemaka tlauijli yejuan nochi tlakatl kimaka kajsikamatilistli.

San Juan 10:18

Xakaj nechkuilia nonemilis, yej nejua niktemaka ikan kuajli noyojlo. Niuelis niktemakas nonemilis, niman no niuelis oksejpa ninoyolitis. Ijkon noTajtsin onechnauatij para nikchiuas.

San Juan 11:25

Kemaj Jesús okijlij: —Nejua nikinyoliuitia on yejuan yomikkej niman nikinmaka nemilistli oksejpa. Yejuan nechneltokas, maski mikis, nemis oksejpa.

San Juan 11:26

Niman nochi yejuan sanken* nemi niman nechneltoka, nemis para nochipa. ¿Tikneltoka in?

San Juan 14:19

Sa keski tonaltin niman on tlaltikpaktlakamej xok nechitaskej, pero nemejuamej nennechitaskej. Niman nemejuamej nennemiskej pampa nejua ninemi.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 4:10

Kemaj Jesús okijlij: —Tla tikmatiskia ika Dios kineki mitsmakas sen kuajli tetlayokolijli*, niman akin nejua yejuan nimitstlajtlanilijtikaj atl, tla ijkon, yej tejua tinechtlajtlaniliskia atl niman nejua nimitsmakaskia on atl yejuan kitemaka nemilistli.

San Juan 6:57

NoTajtsin yejuan onechajtitlan kipiya nemilistli, niman nejua itechkopa ninemi. Niman no ijki tej, yejuan kikuas nonakayo, san nopampa nemis para nochipa.

San Juan 8:51

Ika tlen melauak nemechijlia ika yejuan kichiua on tlen nejua nikijtoua, xkaman mikis.

Hechos 17:25

Nion xuelis itlaj ika kitekipanoskej on tlakamej, pampa yejua xitlaj* kipoloua, yej sano yejua otechmakak tinochimej tijyo*, tonemilis, niman nochi tlajtlamach*.

1 Corintios 15:45

On Yektlajkuilojli ijkin kijtoua: “On achtoj tlakatl, yejua Adán. Ijkuak Dios okitlalij, okimakak nemilistli.” Pero on sa ika nochi Adán, yejua Cristo. Niman Cristo ikan iEspíritu kitemaka on yenkuik nemilistli para nochipa.

1 Timoteo 1:17

Yejua ika, ma tikmakakan nochi on tetlakaitalistli niman ueyilistli para nochipa on toueyiRey yejuan nemi nochipa, yejuan xkaman mikis, yejuan xueli tikitaj, yejuan san yejua Dios. Ma ijki nochiua.

1 Timoteo 6:16

San yejua xkaman mikis. Yejua nemi tlauilpan kampa xe yakaj ueli ajsi. Yejua xe kaman yakaj kita niman xkaman ueli kitaj. Yejua ika tej, yejua ma kiseli tetlakaitalistli niman ueyilistli para nochipa. Ma ijki nochiua.

Hebreos 1:2

Pero aman ipan in sa ika nochi tiempo, Dios yotechnojnots itechkopa iKonetsin. Dios okichijchiu nochi tlen onkaj itechkopa, niman aman yokimaktilij nochi.

El Apocalipsis 21:6

Kemaj onechijlij: “Ijki yonochiu. Nejua niachtoj niman nisa ika nochi de nochi on tlajtlamach*, no ijki ken on abecedario* peua ikan letra A niman ontlami ikan letra Z. Yejuan amikis, niktlayokolis atl de ameyajli yejuan kitemaka nemilistli para nochipa.

El Apocalipsis 22:1

Kemaj on ángel onechititij on río yejuan kipiya on atl de nemilistli. Niman on atl chipauak katka ken itlaj teskatl. On atl ualejtoya ne itech on ueyixtikaj itrono* Dios, niman itech on Borreguito,

El Apocalipsis 22:17

On Espíritu Santo niman isiuau on Borreguito ijkin mitsijlia: “¡Xuajla!” Niman on yejuan kakis, no ijki ma kijto: “¡Xuajla!” Niman on yejuan amiki, ma uajla, niman ma koni on atl de nemilistli yejuan notetlayokolia.

El Apocalipsis 7:17

pampa on Borreguito yejuan nemi ixpan on ueyixtikaj trono* kincuidaros ken sen tlajpixki. Yejua tej, kimpiyas ken borreguitos, niman kinuikas kampa meya atl yejuan kitemaka nemilistli. Niman Dios kimpojpouilis nochi inmixayo.”