San Juan 5:23 - El Nuevo Testamento

²³ para nochimej ma nechtlakaitakan ken kitlakaitaj noTataj. Yejuan xnechtlakaitaj, no xkitlakaitaj noTataj yejuan onechajtitlan.

In yencuic iyectlajtoltzin Dios itech ica toTeco Jesucristo

²³ para nochimej ma nechtlacaitacan quen quitlacaitaj noTaj. Yejhuan xnechtlacaitaj, no xquitlacaitaj noTaj yejhuan onechajtitlan.

San Juan 5:23 Iomraidhean Croise

San Mateo 10:37

’On yejuan más kitlajsojtlas* itataj noso inanaj xken nejua, xkitocaroua* nouikas nouan. Niman yejuan más kitlajsojtlas* itelpoch noso ichpoch xken nejua, xkitocaroua nouikas nouan.

San Mateo 11:27

’NoTajtsin, yonechmakak nochi tekiuajyotl ipan nochi tlajtlamach*. Xakaj nechixmati, nejua yejuan niiKoneu, yej san yejua on noTajtsin. Niman xakaj kixmati noTajtsin, yej san nejua yejuan niiKoneu niman on yejuan nikintlapejpenia para nikchiua no ma kixmatikan.

San Mateo 12:21

Niman on yejuan xhebreos* ipan on naciones kineltokaskej ika yejua kinmakixtis.”

San Mateo 15:8

Yejuamej in tlakamej sannenkaj kijtoua nechtlakaitaj, pero xmelauak nechtlakaitaj ikan inyojlo.

San Mateo 28:19

Yejua ika tej, xuiyan imanian nochi in tlaltikpaktli, niman xmachtikan nochi tlakatl para yejuamej no nonomachtijkauan yeskej. Xkinkuatekikan ikan itokatsin noTajtsin, niman ikan itoka on iKonetsin, niman ikan itoka on Espíritu Santo.

San Lucas 10:16

’On yejuan mechkaki, nejua nechkaki. Niman on yejuan xmechselia, nejua xnechselia, niman on yejuan xnechselia, xkiselia on yejuan onechajtitlan.

San Juan 14:1

’Nemejuamej maka xmoyolajmanakan. Xneltokakan Dios niman nejua no xnechneltokakan.

San Juan 16:14

Yejua nechmakas ueyilistli pampa kiselis on tlen melauak noka nejua niman mechmachistis.

San Juan 17:10

Nochimej yejuan noyaxkauan no moyaxkauan*, niman nochimej yejuan moyaxkauan* no noyaxkauan, niman yejuamej nechueyiliaj.

Romanos 1:7

Nemechtlajkuiluiya tej, nochimej nemejuamej yejuan nenchantij ipan on ueyikalpan Roma yejuan nenitetlajsojkayaxkauan Dios. Ma Dios toTajtsin niman toTEKO JesuCristo mechmakakan inueyitetlajsojtlalis* niman inyolseuilis.

Romanos 15:12

Niman Isaías no kijtoua ipan itlajkuilol: b Sen teuejkakoneu* itech Isaí uajlas. Yejua kinmandaros on yejuan xhebreos*. Niman yejuamej itech kitlaliskej intlamachalis.

Romanos 6:22

Pero aman xok nenesclavos ipan on tlajtlakojli, yej nenesclavos itech Dios. Yejua ika nemonemilis kuajli chipauak itech Dios, niman ijkon tej, no nenkiseliaj on nemilistli yejuan para nochipa.

Romanos 8:9

Pero tla nenkipiyaj on iEspíritu Dios ipan nemoyojlo, tla ijkon, xnemouikaj ken nemotlalnakayo kineki, yej nemouikaj ken on Espíritu kineki. Niman tla yakaj xkipiya iEspíritu Cristo, yejua xteyaxka* itech Cristo.

1 Corintios 1:3

Ma Dios toTajtsin niman toTEKO JesuCristo mechmakakan intlatiochiualis niman inyolseuilis.

1 Corintios 10:31

Tla nemejuamej nentlakuaj, noso nentlaonij, noso itlaj okse nenkichiuaj, nochi xchiuakan para Dios ma kiseli ueyilistli.

1 Corintios 16:22

Tla yakaj xkitlajsojtla toTEKO, itlauel Dios ipan ma uajla. ¡Xuajla ToTEKO!

1 Corintios 6:19

¿Tlen xnenkimatij ika nemotlalnakayo yejua itiopan on Espíritu Santo? Yejua in Espíritu, Dios omechmakak, niman yejua chanti nemopan. Ijkon tej, nemotlalnakayo xnemoyaxka.

2 Corintios 1:9

Titomatiyaj ken on yejuan yokintlajtlakolmakakej para ma mikikan. Pero in onochiu para maka san tejuamej ma titonmatikan, yej para ma tiktlalikan toyojlo san itech Dios yejuan kinyoliuitia on mikatsitsimej.

2 Corintios 13:14

Xselikan itlatiochiualis toTEKO JesuCristo niman itetlajsojtlalis* Dios. Niman ma nemi nemouan on Espíritu Santo. Ma ijki nochiua.

2 Corintios 5:14

Pampa itetlajsojtlalis* Cristo techyekana, tikmatij ika yejua okiselij icastigo nochi tlakatl ijkuak omik. Yejua ika, aman Dios kita nochi tlakatl ken yokiselij icastigo ika on mikilistli.

2 Corintios 5:19

In tej, kijtosneki ika ipan on kojnepanojli* Dios nemiya iuan Cristo, niman ompa otlauelseu inuan on tlaltikpaktlakamej, niman okinselij, niman intech kitlalijtikatka iyolseuilis. Yejua xok okichiuilij cuenta on intlajtlakol. Niman tejuamej otechtlalij para tiktemachistiskej on temachtijli yejuan kijtoua kenijki Dios tlauelseui inuan on tlaltikpaktlakamej niman kinselia ikan yolseuilistli.

Efesios 6:24

Niman Dios ma kinmakaj iueyitetlajsojtlalis* nochimej on yejuan kitlajsojtlaj toTEKO JesuCristo ikan tetlajsojtlalistli* yejuan xkaman nopatla. Ma ijki nochiua.

2 Timoteo 1:12

Yejua ika, aman tlamach nikijyouiya. Pero nejua xnipinaua, pampa nikmatstikaj akinon yonikneltokak. Niman kuajli nikmatstikaj ika yejua uelis kejeuas on tlen onechtlaktitij hasta ipan on tonajli ijkuak oksejpa uajlas.

Hebreos 1:6

Pero ijkuak okuajuikak on iyenkuiyoKonetsin ipan in tlaltikpaktli, okijtoj: Nochimej iángeles Dios ma kimauistilikan.

2 Pedro 1:1

Nejua, Simón Pedro, niitekitkau JesuCristo niman niiapóstol. Nemechijkuilouilia in tlajkuilolamatl para nemejuamej yejuan nenmelajkatlakamej ixpan Dios niman JesuCristo totemakixtijkau. Nemejuamej nenkipiyaj kualtsin nemotlaneltok yejuan sanoyej ueyi kijtosneki, no ijki ken tejuamej tikpiyaj.

2 Pedro 3:18

Pero xkixmatstiakan más kuajli toTEKO on toTemakixtijkau JesuCristo, niman xmoskaltikan más ikan iueyitetlajsojtlalis*. Sanken aman niman para nochipa, yejua ma kiseli ueyilistli. Ma ijki nochiua.

1 Juan 2:23

On yejuan kijtoua ika Jesús xejua Cristo yejuan iKonetsin toTajtsin Dios, xnouika iuan toTajtsin. Pero on yejuan kijtoua ika Jesús melauak Cristo yejuan iKonetsin toTajtsin Dios, yejua nouika iuan toTajtsin.

2 Juan 1:9

San akinon yejuan kitlalkauiya itemachtil Cristo niman kitoka okse temachtilistli, xnemi san sekan iuan Dios. Pero on yejuan nokaua itech itemachtil Cristo, san sekan iuan toTajtsin nemi, niman no nemi san sekan iuan JesuCristo on iKonetsin.