San Juan 5:19 - El Nuevo Testamento

¹⁹ Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.

In yencuic iyectlajtoltzin Dios itech ica toTeco Jesucristo

¹⁹ Quemaj Jesús oquimijlij: ―Ica tlen melahuac nemechijlia ica nejhua yejhuan niiConeu Dios xhueli nicchihua itlaj noselti, yej san nihueli nicchihua on tlen niquita quichihua noTaj. On tlen noTaj quichihua no nicchihua.

San Juan 5:19 Iomraidhean Croise

San Mateo 26:39

Kemaj Jesús oyaj achijtsin más tlayakapan, niman ijkuak onotlakuantelkets niman onopachoj hasta ipan tlajli, okichiu oración itech Dios, niman okijlij: —NoTajtsin, tla ueliskia, xnechkauili maka nikijyouis in tlajyouilistli, pero maka ma nochiua ken nejua nikneki, yej ma nochiua ken tejua tikneki.

San Lucas 21:15

Ijkon xmoyolchikauakan, pampa on tlen tlajtojli niman tlamatkilistli* mechpolos, nejua nemechmakas yejuan nion se nemotlauelikniu xuelis kixikos nion xuelis kixnamikis.

San Juan 10:18

Xakaj nechkuilia nonemilis, yej nejua niktemaka ikan kuajli noyojlo. Niuelis niktemakas nonemilis, niman no niuelis oksejpa ninoyolitis. Ijkon noTajtsin onechnauatij para nikchiuas.

San Juan 12:49

Ijkon nochiuas pampa nejua xnikijtoua on tlen san nejua niknemilia, yej noTajtsin, yejuan onechajtitlan, yejua onechnauatij on tlen nikijtos niman nikteititis.

San Juan 12:50

Niman nikmatstikaj ika on tlen noTajtsin tlanauatia kitemaka nemilistli yejuan para nochipa. Yejua ika, on tlen nejua nikijtoua, nikijtoua on ken yejua onechijlij.

San Juan 14:10

¿Xtikneltoka ika nejua ninemi iuan noTajtsin niman noTajtsin nouan nemi? On tlajtlamach* tlen nemechijlia, xnejua notlajtol. On tekitl yejuan nikchiua, noTajtsin yejua kichiua notechkopa.

San Juan 2:19

Jesús okinmijlij: —Xikxoxotonikan yejua in tiopan niman ipan yeyi tonajli oksejpa niketsteuas.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

San Juan 5:21

Ijkon ken noTataj kinyoliuitis* on mikatsitsimej niman kinmakas nemilistli, nejua yejuan niiKoneu no ijki nikmakas nemilistli on yejuan niknekis nikmakas.

San Juan 6:38

Ijkin nikchiuas pampa nejua oniualeu iluikak xpara nikchiuas tlen nejua nikneki, yej para nikchiuas on tlen kineki on yejuan onechajtitlan.

San Juan 8:28

Yejua ika okinmijlij: —Ijkuak nemejuamej nennechajkopiloskej ipan sen kojnepanojli*, nejua yejuan oninochiu Tlakatl, ijkuakon nenkimatiskej akin nejua. Niman nenkimatiskej ika xitlaj* nikchiua yejuan san nejua nikneki, yej san nikijtoua on tlen noTajtsin yonechmachtij.

San Juan 9:4

Tejuamej ijka onkaj tikchiuaskej itekiu Dios yejuan onechajtitlan ipan in tonaltin pampa yejkoskej on tonaltin ijkuak xakaj uelis tekitis.

Hechos 2:24

Pero Dios okiyoliuitij* niman okuiteu ipan itlalkon. Yejua okimanauij ipan ipoder on mikilistli pampa ipoder on mikilistli xouel okiteltlalij Jesús.

Romanos 6:4

Ijkuak otitokuatekijkej, otitotlaltokakej iuan Cristo niman timiktoyaj iuan, para ijkon ken Cristo oyoliu* niman onokuiteu ipan itlalkon ikan iueyilis toTajtsin, tejuamej tinemij ika on yenkuik nemilistli.

Romanos 8:11

Niman tla nenkipiyaj iEspíritu Dios on yejuan okiyoliuitij* Jesús niman okikuiteu ipan itlalkon, no kimakas yenkuik nemilistli nemomikatlalnakayo itechkopa iEspíritu yejuan nenkipiyaj.

1 Corintios 15:12

Aman tej, tla titemachtiaj ika Cristo oyoliu* niman onokuiteu ipan itlalkon, ¿tline* semej nemejuamej nenkijtouaj ika xuelis yoliskej* niman nokuiteuaskej on mikatsitsimej?

2 Corintios 4:14

Titlajtlajtouaj pampa tikmatstokej ika Dios yejuan okiyoliuitij* niman okuiteu toTEKO Jesús ne ipan itlalkon no techyoliuitis niman techkuiteuas ipan totlalkon, pampa tinemij san sekan iuan Jesús. Niman san sekan nemouan techuikas ne ixpan.

2 Corintios 5:10

Ijkon tikchiuaj pampa, ika onkaj tinochimej tajsiskej ixpan Cristo, kampa techyolkuitis niman techtlaxtlauilis ken noneki on tlen kuajli noso xkuajli otikchijkej ijkuak tinemiyaj ikan totlalnakayo.

Efesios 2:5

okinyoliuitij toalmajtsitsiuan san sekan iuan Cristo, maski miktoyaj ixpan ipampa totlajtlakol. Dios omechmakixtij ikan iueyitetlajsojtlalis* yejuan xtechtocarouaya tikseliskej.

Efesios 3:16

Niktlajtlanilia toTajtsin ma kojtili nemoalma itechkopa iEspíritu ikan ipoder yejuan kisa itech iuejueyiriquezas,

Filipenses 3:21

para techpatilis totlaltikpaknakayo yejuan mikis, para no ijki nokauas ken de yejua, yejuan okiselij ijkuak otlejkok ne iluikak. Ijkon kichiuas ikan ipoder yejuan kipiya para kimandaroua nochi tlajtlamach*.

Filipenses 4:13

Nochi niueli nikselia tlen nopan nochiua pampa Cristo yejua nechpaleuiya.

Colosenses 1:11

No tiktlajtlaniliaj Dios para nenkipiyaskej yolchikaualistli ikan nochi iueyi poder, para ijki uelis nenkixikoskej nochi tlajtlamach* ikan miyek ijyouilistli niman pakilistli.

Colosenses 1:16

Itechkopa Cristo, Dios okichijchiu nochi tlen onkaj ne iluikak niman nikan ipan tlaltikpaktli, on yejuan tikitaj niman on yejuan xtikitaj. Niman itechkopa Cristo, Dios okintlalij espíritus yejuan kipiyaj poder, tekiuajyotl, niman tlamandarouaj. Dios okichijchiu nochi tlajtlamach* itechkopa Cristo, niman okichijchiu nochi tlajtlamach* no para Cristo.

1 Tesalonicenses 4:14

Tikneltokaj ika Jesús omik niman onokuiteu ipan itlalkon. Yejua ika tej, tikneltokaj ika Dios kinuikas iuan Jesús on tlaneltokakej yejuan yomikkej ijkuak uajlas oksejpa.

1 Pedro 3:18

Cristo otlajyouij niman omik ipampa tlajtlakojli. Yejua omik san sejpa para nochipa. Yejua yejuan xokipix tlajtlakojli, omik topampa yejuan xtiyolmelajkej para otechuikak itech Dios. Itlalnakayo omik pero iEspíritu oyoliu*.

El Apocalipsis 2:23

Niman ikoneuan on siuatl nikinmiktis. Ijkuak ijkon nikchiuas, on tlaneltokakej kimatiskej ika nejua nochi kuajli nikmati tlinon onkaj ipan itlamachilis niman ipan iyojlo cada se, niman cada se niktlaxtlauilis on tlen kichiua ken noneki.