San Juan 4:34 - El Nuevo Testamento

³⁴ Pero Jesús okinmijlij: —Ijkon ken nemotlalnakayo kojtitikaj ijkuak nentlakuaj, no ijki noalma kojtitikaj ijkuak nikchiua tlen kineki on yejuan onechajtitlan para nitlamis itekiu. Yejua ika tej, in tekitl sano ijki ken notlakual.

In yencuic iyectlajtoltzin Dios itech ica toTeco Jesucristo

³⁴ Pero Jesús oquimijlij: ―Ijcon quen nemotlalnacayo cojtiticaj ijcuac nentlacuaj, no ijqui noalma cojtiticaj ijcuac nicchihua tlen quinequi on yejhuan onechajtitlan para nitlamis itequiu. Yejhua ica, tej, in tequitl sa no ijqui quen notlacual.

San Juan 4:34 Iomraidhean Croise

San Mateo 26:39

Kemaj Jesús oyaj achijtsin más tlayakapan, niman ijkuak onotlakuantelkets niman onopachoj hasta ipan tlajli, okichiu oración itech Dios, niman okijlij: —NoTajtsin, tla ueliskia, xnechkauili maka nikijyouis in tlajyouilistli, pero maka ma nochiua ken nejua nikneki, yej ma nochiua ken tejua tikneki.

San Mateo 3:15

Pero Jesús okijlij: —Xkaua para aman ijki ma nochiua, pampa ijki noneki tikchiuaskej nochi tlen Dios tlanauatia. Kemaj, Juan okikuatekij.

San Mateo 9:19

Yejua ika Jesús ouanotelkets niman iuan inomachtijkauan* oyajkej iuan on tlakatl.

San Lucas 15:10

Nemechijlia ika no ijki onkaj paktli ne intsajlan on iángeles Dios ipampa se tlajtlakolejketl yejuan noyolpatla.

San Lucas 19:10

Nejua tej, yejuan oninochiu Tlakatl oniuajlaj para onikintejtemoko niman onikinmakixtiko on yejuan yoixpolijkaj.

San Lucas 2:49

Niman Jesús okinmijlij: —¿Tline nennechtejtemouaj? ¿Tline xnenkimatij ika nejua ika onkaj ninotekimakas ipan on tlajtlamach* yejuan iyaxka* noTajtsin?

San Juan 17:4

Nejua yonitlan on tlen otinechnauatij nikchiuas. Ijkon tej, yonimitsueyilij ipan in tlaltikpaktli.

San Juan 19:28

Kemaj ijkuak nochi in yopanok, Jesús kimatstikatka ika nochi itekiu yotlan, niman para onocumpliroj on Yektlajkuilojli, ijkin okijtoj: —Nejua namiki.

San Juan 19:30

Ijkuak Jesús okonik on vinagre, okijtoj: —Nochi kuajli yonocumpliroj. Kemaj onotsonakapiloj, niman ouajnomikilij.

San Juan 4:32

Pero yejua okinmijlij: —Nejua nikpiya tlen nikuas yejuan nemejuamej xnenkimatij.

San Juan 5:30

’Nejua xueli itlaj nikchiua tla notataj xnechmaka tekiuajyotl. Nejua niteyolkuitia niman nitetlajtlakolmaka ken Dios nechijlia. Yejua ika niteyolkuitia niman nitetlajtlakolmaka ken kitocaroua pampa xnikchiua tlen nejua nikneki, yej tlen kineki noTajtsin yejuan onechajtitlan.

San Juan 5:36

Pero nejua nikpiya notestigo yejuan más ueyi kijtosneki xken on tlen okijtoj Juan. On tlen noTajtsin onechmakak para ma nikchiua kiteititia ika melauak noTajtsin onechajtitlan.

San Juan 6:33

On pan yejuan Dios kitemaka sano yejua on pan yejuan ouajtemok de ne iluikak niman kinmaka nemilistli on tlaltikpaktlakamej.

San Juan 6:38

Ijkin nikchiuas pampa nejua oniualeu iluikak xpara nikchiuas tlen nejua nikneki, yej para nikchiuas on tlen kineki on yejuan onechajtitlan.

San Juan 8:29

On yejuan onechajtitlan nouan nemi. NoTajtsin xnoselti nechkaua, pampa nejua nochipa nikchiua tlen yejua kuelita.

Hechos 20:35

Nochi tlen nejua onikchiu, ika onemechititij ika ijkin noneki nentekitiskej niman nenkimpaleuiskej on yejuan mayankej. Niman xkelnamikikan on itlajtoltsin toTEKO Jesús ken yejua okijtoj: “Más paki yejuan kitemaka xken on yejuan kiselia.”

Hebreos 12:2

Ma tikixkechikan Jesús yejuan itech ualeua totlaneltok niman sano yejua kimelajkatlalia. Jesús xokichiuilij cuenta on tlen tepinajtij ijkuak omik ipan kojnepanojli*, pampa kimatstikatka ika tla yotlajyouij, kipiyas paktli. Niman yejua onotlalij iyekmakopa itrono Dios kampa tlamandaroua.