San Juan 4:21 - El Nuevo Testamento

²¹ Jesús okijlij: —Siuatl, xnechneltokili ika uajlau on tonaltin ijkuak nion nikan ipan in tepetl, nion ne Jerusalén xnenkimauistiliskej Dios.

In yencuic iyectlajtoltzin Dios itech ica toTeco Jesucristo

²¹ Jesús oquijlij: ―Sihuatl, xnechneltoquili ica huajlau on tonaltin ijcuac nion nican ipan in tepetl nion ne Jerusalén xnenquimahuistilisquej Dios.

San Juan 4:21 Iomraidhean Croise

San Mateo 18:20

Yejua ijkon kichiuas pampa kampa omemej noso yeyimej nopampa nosentlaliaj, nejua ompa ninemi iminuan.

San Mateo 28:19

Yejua ika tej, xuiyan imanian nochi in tlaltikpaktli, niman xmachtikan nochi tlakatl para yejuamej no nonomachtijkauan yeskej. Xkinkuatekikan ikan itokatsin noTajtsin, niman ikan itoka on iKonetsin, niman ikan itoka on Espíritu Santo.

San Lucas 21:24

Sekimej mikiskej ipan nouijsokilistli, niman oksekimej kinuikaskej ken eslavos ipan miyek países. Niman on yejuan xhebreos* kichojcholoskej on ueyikalpan Jerusalén hasta kaman tlamis nocumpliros on tonaltin kech okintlalilijkej.

San Juan 14:6

Jesús okinankilij: —Nejua niojtli, nitlin melauak, niman ninemilistli. Tej, san nejua notechkopa uelis ajsiskej itech noTajtsin.

San Juan 16:2

Mechajkixtiskej ne ipan on sinagogas*. Niman ajsis on tonajli ijkuak san akinon mechmiktis kinemilis ika kitekipanoua Dios.

San Juan 16:32

Tej, ye uajlau on tonajli niman sano amantsin ijkuak nemejuamej nemoxexeloskej. Cada se yas sa kanika niman noselti nennechkauaskej. Pero xnoselti ninemis pampa noTajtsin nouan nemis.

San Juan 4:23

Pero uajlau on tonajli niman sano aman ijkuak on yejuan melauak kinekij kimauistiliaj toTajtsin, kimauistiliskej impan inyojlo niman ika tlen melauak ken Dios kineki. ToTajtsin tej, ijki kineki ma kichiuakan on yejuan kimauistiliaj.

San Juan 5:25

Ika tlen melauak nemechijlia ye uajlau on tonajli niman sano aman yoyejkok ijkuak on mikatsitsimej kakiskej notlajtol nejua yejuan niiKoneu Dios, niman on yejuan kitlakamatiskej nemiskej.

San Juan 5:28

Maka ma mechtlatlachalti yejua in, pampa yejkos on tonajli ijkuak nochimej on mikatsitsimej kakiskej notlajtol

Hechos 6:14

Tikakiliaj kijtoua ika Jesús yejuan ualeua Nazaret kuajxoxotonis in yektitikaj ueyitiopan, niman kuajpatlas in tlajtlamach* tlanauatijli yejuan Moisés otechmakak.

Efesios 2:18

Aman itechkopa Cristo, tla tihebreos* noso ka, tiueliskej tiaskej itech toTajtsin ikan sanno yejua Espíritu.

Efesios 3:14

Yejua ika tej, ninotlakuantelketsa ixpan iTajtsin toTEKO JesuCristo,

1 Timoteo 2:8

Yejua ika, nikneki nochiuiyan on tlakamej ma kichiuakan oración. Ma ketsteuakan inmauan ika chipauak inyojlo, niman maka ma tlauanikan, nion maka ma nokamauijsokikan.

1 Pedro 1:17

Tla nenkitokayotiaj “toTajtsin” on yejuan toDios, xkelnamikikan ika yejua xkinchikoita on tlakamej ijkuak kintlaxtlauilia, yej kintlaxtlauilia ken se kichiua. Yejua ika tej, xtlakaitakan Dios ikan nemojtijli ipan nochi tonaltin kech nennemiskej ipan in tlaltikpaktli. Niman xkelnamikikan ika tinemij ipan in tlaltikpaktli ken xtichanejkej.

El Apocalipsis 21:22

Ompa tej, nion sen tiopan xonikitak ipan on ueyikalpan, pampa toTEKO Dios yejuan nochi ueli kichiua niman on Borreguito, sano yejuamej tiopan.