San Juan 4:14 - El Nuevo Testamento

¹⁴ Pero akin konis on atl yejuan nikmakas xkaman amikis, pampa on atl yejuan nikmakas yejua ijtik ken itlaj ameyajli yejuan kimakas nemilistli para nochipa.

In yencuic iyectlajtoltzin Dios itech ica toTeco Jesucristo

¹⁴ Pero aquin conis on atl yejhuan nicmacas xqueman amiquis, pampa on atl yejhuan nicmacas yejhua nochihuas ijtic quen itlaj ameyajli yejhuan quimacas nemilistli para nochipa.

San Juan 4:14 Iomraidhean Croise

San Mateo 25:46

Ijkon tej, yejuamej in yejuan xyolchipajkej yaskej ne kampa nochipa nemiskej ipan tlajyouilistli, pero on yejuan yolchipajkej yaskej ne kampa nochipa kipiyaskej on nemilistli.

San Mateo 5:6

’Dios kintiochiua on yejuan ikan nochi inyojlo kapismikij niman kamikij para kichiuaskej on tlen kuajli pampa Dios kimpaleuis para kichiuaskej.

San Juan 10:10

On tlachteketl uajlau san para tlachteki, temiktia niman tlaxoxotonia. Pero nejua oniuajlaj para xpiyakan nemilistli, niman xselikan nochi tlen kuajli.

San Juan 11:26

Niman nochi yejuan sanken* nemi niman nechneltoka, nemis para nochipa. ¿Tikneltoka in?

San Juan 4:10

Kemaj Jesús okijlij: —Tla tikmatiskia ika Dios kineki mitsmakas sen kuajli tetlayokolijli*, niman akin nejua yejuan nimitstlajtlanilijtikaj atl, tla ijkon, yej tejua tinechtlajtlaniliskia atl niman nejua nimitsmakaskia on atl yejuan kitemaka nemilistli.

San Juan 4:11

On siuatl okijlij: —Señor, nion siquiera xtikpiya tlinon ika tikixtis on atl niman in atlaltekontli* sanoyej* uejkatlan. ¿Kanon tikonkuis on atl yejuan kitemaka nemilistli para tinechmakas?

San Juan 4:13

Jesús okijlij: —On akin koni in atl oksejpa amiki.

San Juan 4:36

On yejuan kimpixka inalmas on tlakamej kiselia itlaxtlauil, niman on yejuan kimpixkaj kiseliskej nemilistli para nochipa. Tla ijkon tej, on yejuan tlatôka niman on yejuan pixka san sekan pakiskej.

San Juan 6:27

Maka xtekitikan ipampa on tlakuajli yejuan saniman tlami, yej xtekitikan ipampa on tlakuajli yejuan kisa itech Dios yejuan kitemaka nemilistli para nochipa. Nejua yejuan oninochiu Tlakatl nemechmakas in tlakuajli pampa noTajtsin onechmakak tlanauatijli para ijkin nikchiuas.

San Juan 6:35

Niman Jesús okinmijlij: —Nejua nipan yejuan kitemaka nemilistli. Yejuan notech uajlau xkaman apismikis, niman yejuan nechneltokas xkaman amikis.

San Juan 6:58

Nejua nipan yejuan oualeu iluikak. In pan xijki ken yejua on maná yejuan okuajkej nemoachtojtajuan niman omikkej. Yejuan kikuas in pan yejuan nikteneua, nemis para nochipa.

San Juan 7:37

On sa ika nochi tonajli ipan on iluitl más ueyi kitosneki. Ipan on tonajli Jesús onotelkets niman ikan chikauak tlajtojli okijtoj: —Tla yakaj amiki, ma uajla notech niman ma atli.

Romanos 5:21

Yejua ika, ijkon ken on tlajtlakojli okipix poder para otemiktij, iteiknelilis* Dios no ijki kipiya poder para techmaka nemilistli yejuan para nochipa. Yejua in nochiua ipampa on yolmelajkalistli yejuan tikseliaj itechkopa toTEKO JesuCristo.

Romanos 6:23

On tlajtlakojli kitemaka ken tlaxtlauijli mikilistli, pero itetlayokolil Dios kitemaka nemilistli yejuan para nochipa. Niman on nemilistli tikseliaj itechkopa toTEKO JesúCristo.

2 Corintios 1:22

Yejua yotechtlalilij isello yejuan kiteititia ika itech titeyaxkauan*, niman ipan toyojlo yokuajtitlan iEspíritu Santo yejuan techititijtikaj ika melauak tikseliskej nochi on tlatiochiualistli yejuan otechprometerouilij.

Efesios 4:30

Maka xkajmanakan iEspíritu Dios yejuan yolchipauak, pampa ika on Espíritu nemejuamej omechsellarojkej para nesi ika nenikoneuan Dios hasta ipan on tonajli ijkuak Cristo totemakixtijkau yejkos para kaxiltis totemakixtilis.

1 Pedro 1:22

Aman pampa nenkitlakamatij itlajtol Dios, nemoalma chipajkej para nenueliskej nenkintlajsojtlaskej* on tokniuan. Yejua ika sanoyej xmotlajsojtlakan* inuan oksekimej ikan nochi nemoyojlo.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

El Apocalipsis 7:16

Yejuamej tej, xok kaman apismikiskej nion amikiskej. Yejuamej xok kintlatis on tonaltsintli, nion xok tonalmikiskej,

El Apocalipsis 7:17

pampa on Borreguito yejuan nemi ixpan on ueyixtikaj trono* kincuidaros ken sen tlajpixki. Yejua tej, kimpiyas ken borreguitos, niman kinuikas kampa meya atl yejuan kitemaka nemilistli. Niman Dios kimpojpouilis nochi inmixayo.”