San Juan 3:8 - El Nuevo Testamento

⁸ On ajakatl tlalpitsa san kanon kineki. Tikaki on tlen kakistilia, pero xtikmati kanon ualeua niman kanon yau. No ijki tej, on yejuan tlakatij ikan on Espíritu Santo.

In yencuic iyectlajtoltzin Dios itech ica toTeco Jesucristo

⁸ On ajacatl tlalpitza san canon quinequi. Ticaqui on tlen yejhua caquistilia, pero xticmati canon hualehua niman canon yau. No ijqui, tej, on yejhuan tlacatij ican on Espíritu Santo.

San Juan 3:8 Iomraidhean Croise

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 3:7

Maka mitstlatlachalti on ika nimitsijlia: “Ika onkaj oksejpa titlakatis.”

San Juan 3:9

Kemaj Nicodemo okitlajtoltij: —¿Kenijki uelis nochiuas yejua in?

Hechos 2:2

Kemaj nimantsin ouajtlakokomokak ne ipan cielo ken ijkuak sanoyej* chikauak ajaka. Niman on ajakatl okakistik ijtik nochi on kajli kampa yejuamej yejyeuatikatkaj.

Hechos 4:31

Ijkuak otlan noueyikatsajtsiliaj, ne kampa onosentlalijkej otlalolin, niman on Espíritu Santo nochimej okinyoltemitij, niman otemachtijkej itlajtol Dios ikan yolchikaualistli.

1 Corintios 12:11

Nochi in tlajtlamach* san se Espíritu kichiua. Niman ken sano yejua kineki, ijki kimaka itlayokolil cada tlakatl.

1 Corintios 2:11

Xakaj uelis kimatis kenijki kinemilia sen tlakatl, yej sano yejua on tlakatl kimati ipan itlamachilis. Sano ijki tej, xakaj kimati kenijki kinemilia Dios, yej san on iEspíritu kimati.

1 Juan 2:29

Nemejuamej ye nenkimatstokej ika Dios yejua yolmelajki. Yejua ika, nenkimatij ika nochimej on yejuan kichiuaj on tlen kuajli yejuamej tekoneuan itech Dios.