San Juan 3:6 - El Nuevo Testamento

⁶ Ijkuak sen tlakatl tlakati itech inanaj, san kiselia nemilistli itlalnakayo, pero ijkuak tlakati itech on Espíritu Santo, kiselia nemilistli ipan ialma.

In yencuic iyectlajtoltzin Dios itech ica toTeco Jesucristo

⁶ Ijcuac se tlacati itech inan quiselia san nemilistli ipan itlalnacayo para nemis quen inan, pero ijcuac tlacati itech on Espíritu Santo quiselia yencuic nemilistli ipan ialma.

San Juan 3:6 Iomraidhean Croise

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 3:7

Maka mitstlatlachalti on ika nimitsijlia: “Ika onkaj oksejpa titlakatis.”

Romanos 7:18

Nejua tej, nikmati ika ipan notlalnakayo xitlaj* onkaj tlen kuajli, pampa maski nikneki nikchiuas on tlen kuajli, xueli nikchiua.

Romanos 7:5

Ijkuak xe timikiyaj iuan Cristo, titlajtlakouayaj ken toyojlo kinekiya. Niman ijkuak otikmatkej tlen kijtoua on tlanauatijli, toyojlo más kinekiya tlajtlakos, niman in otechajkuilij mikilistli.

Romanos 8:13

pampa tla nemejuamej nemouikaj ken nemotlalnakayo kineki, nemoalma mikis. Pero nemoalma kipiyas nemilistli tla itechkopa on Espíritu Santo nenkipopolouaj on tlajtlakojli yejuan nenkichiuaj.

1 Corintios 6:17

Pero ijkuak sen tlakatl nosentlalia san sekan iuan toTEKO, san se espíritu uajnochiuaj.

2 Corintios 5:17

Yejua ika, tla yakaj nemi san seknek iuan Cristo, yejua sen yenkuik tlakatl ipan inemilis. On xkuajli inemilis yejuan kipiyaya yopanok, niman aman kipiya yenkuik inemilis.

Gálatas 5:24

Niman on yejuan kineltokaj Cristo Jesús, xok kauiliaj intlalnakayo ma kichiua on tlen xkuajli keleuiyaj.

Efesios 2:3

Ipan okse tiempo, tinochimej ijkon tinemiyaj. Tiktlakamatiyaj on xkuajli toeleuilis*. Tikchiuayaj nochi tlajtlamach* tlen xkuajli yejuan kinekiya totlalnakayo niman totlamachilis. Yejua ika tej, pampa ijkon tikchiuayaj, timemiyaj ipan on temojtij iueyitlauel Dios sano ijki ken oksekimej nemij.

Colosenses 2:11

No ijki pampa Cristo nemi ipan nemoyojlo, onenkiselijkej on neskayotl itoka circuncisión*. Pero xejua on neskayotl yejuan notetlalilia ipan tenakayo ken kichiuaj on hebreos*, yej ika on neskayotl yejuan Cristo okitlalij ipan teyojlo. On yejuan kipiyaj on neskayotl ipan inyojlo xok kichiuaj on tlen inxkuajli eleuilis* kineki.

1 Juan 3:9

Xakaj yejuan ikoneu Dios kistinemi ipan tlajtlakojli, pampa inemilis Dios nokaua ipan. Niman yejua xuelis más kistinemis ipan tlajtlakojli, pampa yejua yotlakat itech Dios.