San Juan 3:5 - El Nuevo Testamento

⁵ Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

In yencuic iyectlajtoltzin Dios itech ica toTeco Jesucristo

⁵ Niman Jesús oquijlij: ―Ica tlen melahuac nimitzijlia, tla yacaj tlacatl xnocuatequia ican atl niman xtlacati itechcopa on Espíritu Santo, xhuelis calaquis ne campa tlamandarohua Dios.

San Juan 3:5 Iomraidhean Croise

San Mateo 18:3

Niman okijtoj: —Ika tlen melauak nemechijlia, ika tla nemotlamachilis xnopatla niman xnokuepa ken intlamachilis on kokonej, xnenkalakiskej ne kampa tlamandaroua on iluikak chanej.

San Mateo 19:24

Oksejpa nemechijlia ika más ouijtikaj* para sen rico kalakis ne kampa Dios tlamandaroua xken para sen camello panos ipan on kampa tlakoyoniaj ikan aguja.

San Mateo 21:31

¿Katlejua tej, de on omemej iknijtin okitlakamat itataj? Yejuamej okijtojkej: —On yejuan achtoj okinots itataj. Kemaj Jesús okinmijlij: —Ika tlen melauak nemechijlia ika on yejuan tlacobrarouaj ikan impuestos, niman on siuamej yejuan san auilnemij kalakiskej achtopa ne kampa Dios tlamandaroua xken nemejuamej.

San Mateo 28:19

Yejua ika tej, xuiyan imanian nochi in tlaltikpaktli, niman xmachtikan nochi tlakatl para yejuamej no nonomachtijkauan yeskej. Xkinkuatekikan ikan itokatsin noTajtsin, niman ikan itoka on iKonetsin, niman ikan itoka on Espíritu Santo.

San Mateo 3:11

Melauak nejua nemechkuatekiya ikan atl para nenkiteititiaj ika yonenkajkajkej nenkichiuaj on tlen xkuajli, pero on yejuan nechajtoka kipiya más poder xken nejua, niman nejua xnechmelaua* nion achijtsin para nikakkixtis. Yejua tej, mechkuatekis ikan Espíritu Santo niman ikan tlitl.

San Mateo 5:20

Yejua ika, nemechijlia ika xnenueliskej nenkalakiskej ne kampa tlamandaroua Dios iluikak chanej, tla xnenmouikaskej más kuajli xken on temachtijkej ikan tlanauatijli niman on fariseos*.

San Marcos 10:14

Pero ijkuak Jesús okitak, okualan, niman okinmijlij: —Xkinkauakan on kokonej ma uajlakan notech, niman maka xkinteltikan, pampa yejuan yolyemankej* ken in kokonej kalakiskej ne kampa Dios tlamandaroua.

San Marcos 16:16

On yejuan tlaneltokas niman nokuatekis, makisas. Pero on yejuan xtlaneltokas kitlajtlakolmakaskej.

San Marcos 9:47

Niman tla mixtololoj mitschiuilia para titlajtlakoua, xkixti. Ijkon xchiua pampa más kuajli tikpiyas san se mixtololoj ijkuak tikalakis kampa Dios tlamandaroua, xken tla tajsitias niman yej mitsontlajkalis miktlan,

San Lucas 13:24

—On tsakuijlotl yejuan onkaj ipan ikalakiloyan iluikak pitsauak. Xchiuakan kanika para xkalakikan ipan on tsakuijlotl pampa nemechijlia ika miyekej kinekiskej ompa kalakiskej pero xueliskej.

San Lucas 13:3

Nemechijlia ika ka. Yej, tla nemejuamej xnenkajkauaskej ika nenkichiuaj on tlen xkuajli, nochimej nemejuamej no ijki nenmikiskej.

San Lucas 13:5

Nemechijlia ika ka, yej tla nemejuamej xnenkajkauaskej ika nenkichiuaj on tlen xkuajli, nochimej nemejuamej no ijki nenmikiskej.

San Juan 1:13

Yejuamej onochijkej ikoneuan Dios xpampa ijki okinekkej imintataj noso iminnanaj, yej otlakatikoj ken Dios okinek para otlakatkej itech.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

San Juan 3:4

Niman Nikodemo okitlajtoltij: —Pero ¿kenijki sen tlakatl yejuan yonoskaltij uelis oksejpa tlakatis? ¿Tla ijkon, uelis kalakis ijtik inanaj para oksejpa tlakatis?

Hechos 2:38

Kemaj Pedro okinmijlij: —Xmoyolpatlakan niman xmokuatekikan cada se de nemejuamej ikan itokatsin JesuCristo para nemotlajtlakoluan mechtlapojpoluiliskej, niman nenkiseliskej on itetlayokolil Dios yejuan Espíritu Santo.

Hechos 3:19

Tla ijkon tej, xmoyolpatlakan niman xpatlakan nemonemilis para nemotlajtlakol popoliuis. Niman toTEKO Dios mechajtitlanilis yoltlalilistli,

Romanos 14:17

pampa kampa Dios tlamandaroua, tlen tikua noso tikoni xitlaj* kijtosneki. Pero on yolchipaualistli niman yolseuilistli, niman on paktli yejuan tikpiyaj itechkopa Espíritu Santo, yejua ueyi kijtosneki.

Romanos 8:2

Itechkopa JesuCristo, ipoder on tlanauatijli yejuan kisa itech on Espíritu Santo yonechmanauij itech ipoder on tlanauatijli de tlajtlakojli. On tlanauatijli de tlajtlakojli nechuikaya ipan mikilistli, pero aman on Espíritu Santo nechuika ipan nemilistli.

1 Corintios 15:50

Nokniuan nejua in nemechijlia, ika totlalnakayo yejuan tlachijchijtli ikan nakatl, ikan yestli, niman ikan omitl, xuelis kalakis kampa tlamandaroua Dios iluikak chanej. In nemechijlia pampa on totlalnakayo yejuan ueli palani xuelis kalakis ne iluikak kampa onkaj on tlen xkaman palani nion ijtlakaui.

1 Corintios 2:12

Niman tejuamej xotikselijkej on uejueyi tlamatkilistli yejuan on tlaltikpaktlakamej kipiyaj, yej otikselijkej on Espíritu yejuan ualeua itech Dios para yejua ika ueli tikajsikamatij on tlatiochiualistin yejuan Dios yotechmakak.

1 Corintios 6:11

Sekimej nemejuamej nenkichiuayaj on ken on tlajtlakojli. Pero itechkopa toTEKO JesuCristo, niman itechkopa on iEspíritu toDios, yomechyolchipajkej niman nenmejejtokej itech Dios, niman sano Dios yokijtoj ika nochi nemotlajtlakoluan yokintlapojpoluij.

Gálatas 6:15

Tla tinemij iuan Cristo Jesús, xitlaj* kijtosneki tla otikselijkej circuncisión noso ka. Yej tlinon ueyi kijtosneki, ma tinemikan ken tiyenkuikej tlakamej ipan tonemilis.

Efesios 5:26

Yejua ijkon okichiu para on yejuan tlaneltokaj okinnochipauilij. Okinnochipauilij ikan atl niman ikan itlajtoltsin Dios.

1 Pedro 1:2

Dios toTajtsin omechtlapejpenij para ikoneuan pampa okimat ika ipan in tiempo nenkineltokaskej JesuCristo. Itechkopa on Espíritu Santo, Dios omechchipauilij nemotlajtlakol para nenkitlakamatiskej JesuCristo niman para yejua omechchipau ikan iyesyotsin. Xpiyakan tej, miyek tlatiochiualistli niman yolseuilistli.

1 Pedro 3:21

Niman on atl, aman yejua kixneskayotia* on tlakuatekilistli. Ijkuak titokuatekiyaj, nesi ika timakisaj itechkopa iyoliuilis Cristo ijkuak Dios oketsteu ipan itlalkon. On tlakuatekilistli xkichipaua tonakayo, yej tiktlajtlaniliaj Dios para techmakas sen chipajkatlamachilistli.

1 Juan 2:29

Nemejuamej ye nenkimatstokej ika Dios yejua yolmelajki. Yejua ika, nenkimatij ika nochimej on yejuan kichiuaj on tlen kuajli yejuamej tekoneuan itech Dios.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.