San Juan 3:29 - El Nuevo Testamento

²⁹ Ne kampa nonamiktilo, on novio yejua kiselia on novia. Niman itlajsojkaikniu* on novio no sanoyej paki ijkuak kaki tlajtlajtoua on novio. Nejua ken niitlajsojkaikniu on novio. Yejua ika tej, sanoyej nipaki ijkuak nikaki ika nochi tlakatl yau itech Jesús.

In yencuic iyectlajtoltzin Dios itech ica toTeco Jesucristo

²⁹ Ne campa nonamictilo, on montli yejhua quiselia sihuamontli. Niman itetlajsojcau on montli no sanoyej paqui ijcuac caqui tlajtlajtohua on montli. Nejhua quen itetlajsojcau on montli. Ijcon, tej, sanoyej nipaqui ijcuac nicaqui ica nochi tlacatl yau itech Jesús.

San Juan 3:29 Iomraidhean Croise

San Mateo 22:2

—Ne kampa tlamandaroua on iluikak chanej* sano ijki ken on iluitl yejuan okichiu on rey ijkuak ononamiktij itelpoch.

San Mateo 25:1

’Ipan on tonajli ijkuak niuajlas, ne kampa Dios tlamandaroua no ijki yes ken on majtlaktli ichpokamej. Cada se okitkik itlauil ikan aceite niman oyajkej ne kampa konamikiskej on novio, yejuan uajlaya para nonamiktis.

San Mateo 9:15

Jesús okinmijlij: —Xuelis najmanaskej on yejuan tlanotsaltin kampa nonamiktiua, chika on novio ompa inuan nemi. Pero yejkos on tonajli ijkuak nejua yejuan ken ninovio nechkixtiskej on notlauelikniuan intech on notlanotskauan. Niman ijkuakon, kemaj yejuamej nosauaskej ikan ajmantli.

San Lucas 15:6

Niman ijkuak ajsi ichan, kinsentlalia itlajsojkaikniuan* niman inisiuchanejkauan* niman kinmijlia: “Nouan xpakikan, pampa yoniknextij on borreguito yejuan onikpolojka.”

San Juan 15:11

’Nejua ijkon nemechnojnotsa para nikpiyas paktli nemouan niman nemejuamej nemopakilis ajsitias.

San Juan 16:24

Hasta aman nemejuamej xe itlaj nenkitlajtlanij ikan notokatsin. Xtlajtlanikan tlen nenkinekiskej niman nenkiseliskej para ajsitias nemopakilis.

San Juan 17:13

’Aman ye niau kampa tejua tinemi, pero chika sanken* ninemi ipan in tlaltikpaktli nikijtoua in tlatlamach para yejuamej ma kipiyakan sano yejua on pakilistli yejuan nejua nikpiya.

San Juan 3:30

Ijkon tej, ika onkaj yejua más ueyixtias niman nejua yej más nitemotias.

2 Corintios 11:2

Nejua nemechtlajsojtla* ika on tetlajsojtlalistli* yejuan Dios mechpiyalia. Nejua onemechtemakak para xmonamiktikan san iuan Cristo. Ijkon onikchiu para uelis nemechtemaktilis itech Cristo ken sen chipauak ichpochtli.

Filipenses 2:2

tla ijkon, xnechajxiltilikan on paktli. Xpiyakan san se tlanemilijli. Cada se xmopiyalikan san se tetlajsojtlalistli*. San se nemoyojlo niman san se tlamachilistli xpiyakan.

1 Juan 1:4

No ijki temechtlajkuiluiyaj in tlajtlamach* para topakilis ma ajsitia.

2 Juan 1:12

Maski más miyek nikpiya tlen nikneki nenkimatiskej, xnikneki nemechijkuilouilis ipan in tlajkuilolamatl. Yej, nikchas ijkuak nias nemechontas niman nemechnojnotsas para ijkon tinochimej ajsis topakilis.

El Apocalipsis 21:9

Kemaj semej on chikomemej ángeles yejuan kipiyayaj on chikome copas tetentokej ikan on chikome sa ika nochi plagas notech ouajlaj, niman onechijlij: “Xuajla, niman nimitsititis on novia yejuan isiuau on Borreguito.”