San Juan 3:15 - El Nuevo Testamento

¹⁵ para nochi on yejuan nechneltokas xmikis, yej kipiyas nemilistli para nochipa.

In yencuic iyectlajtoltzin Dios itech ica toTeco Jesucristo

¹⁵ para nochi on yejhuan nechneltocas xmiquis, yej quipias nemilistli para nochipa.

San Juan 3:15 Iomraidhean Croise

San Mateo 18:10

’Xkintlajsojtlakan niman xkintlakaitakan in konetsitsimej. Tej, nemechijlia ika ne iluikak on inángeles nochipa nemij ne ixpan on noTajtsin iluikak chanej.

San Mateo 25:46

Ijkon tej, yejuamej in yejuan xyolchipajkej yaskej ne kampa nochipa nemiskej ipan tlajyouilistli, pero on yejuan yolchipajkej yaskej ne kampa nochipa kipiyaskej on nemilistli.

San Marcos 16:16

On yejuan tlaneltokas niman nokuatekis, makisas. Pero on yejuan xtlaneltokas kitlajtlakolmakaskej.

San Lucas 19:10

Nejua tej, yejuan oninochiu Tlakatl oniuajlaj para onikintejtemoko niman onikinmakixtiko on yejuan yoixpolijkaj.

San Juan 1:12

Pero nochimej on yejuan okiselijkej niman itech otlaneltokakej, okinkauilij para onochijkej ikoneuan Dios.

San Juan 16:33

Nochi in nemechijlia para nenkipiyaskej yolseuilistli, pampa san sekan nennemij nouan. Ipan in tlaltikpaktli nentlajyouiskej, pero xpiyakan yolchikaualistli pampa nejua yoniktlan ipoder in tlaltikpaktli.

San Juan 20:31

Pero yejua in tlen okijkuilojkej, okijkuilojkej para nemejuamej xneltokakan ika Jesús yejua Cristo iKonetsin Dios, niman para ijkuak nenkineltokaskej nenkipiyaskej nemilistli itechkopa JesuCristo.

San Juan 3:16

’Tej, Dios sanoyej* okintlajsojtlak* on tlaltikpaktlakamej, hasta okitemakak isenteKonetsin para nochi on akin kineltokas xpoliuis, yej kipiyas nemilistli para nochipa.

San Juan 3:36

Yejuan kineltoka iKonetsin Dios kipiya nemilistli para nochipa, pero on yejuan xkitlakamati xkipiyas in nemilistli, yej kiselis on temojtij icastigo Dios.

San Juan 5:24

’Ika tlen melauak nemechijlia: Yejuan kuajli kaki on tlen nikijtoua niman kineltoka on yejuan onechajtitlan kipiya nemilistli para nochipa. Niman xkitlajtlakolmakaskej, yej ialma yonomanauij itech mikilistli, niman aman kipiya nemilistli para nochipa.

San Juan 6:27

Maka xtekitikan ipampa on tlakuajli yejuan saniman tlami, yej xtekitikan ipampa on tlakuajli yejuan kisa itech Dios yejuan kitemaka nemilistli para nochipa. Nejua yejuan oninochiu Tlakatl nemechmakas in tlakuajli pampa noTajtsin onechmakak tlanauatijli para ijkin nikchiuas.

San Juan 6:40

Yejua kineki para nochimej on yejuan kimatij akin nejua yejuan niiKoneu Dios niman nechneltokaj, ma kipiyakan nemilistli para nochipa. Niman nejua nikinyolitis niman nikinkuiteuas ipan intlalkon ipan on sa ika nochi tonajli.

San Juan 6:47

Ika tlen melauak nemechijlia, ika on yejuan nechneltoka kipiya nemilistli yejuan para nochipa.

Hechos 13:41

Xkitakan tepijpinauijkej. Xmojkatlachakan niman xmopolokan, pampa nejua yejuan niDios, nikchiuas ipan in tonaltin chika nennemij sen tekitl sanoyej ueyi yejuan xnenkineltokaskej maski yakaj mechtlajtlajtouilis.

Hechos 8:36

Niman ijkuak panotiayaj ipan ojtli, oyejkokej kampa onkatka atl. Niman on ueyi tekiuaj okijlij Felipe: —Nikan onkaj atl. ¿Xuelis tinechkuatekis?

Romanos 5:21

Yejua ika, ijkon ken on tlajtlakojli okipix poder para otemiktij, iteiknelilis* Dios no ijki kipiya poder para techmaka nemilistli yejuan para nochipa. Yejua in nochiua ipampa on yolmelajkalistli yejuan tikseliaj itechkopa toTEKO JesuCristo.

1 Corintios 1:18

Para on yejuan yauij ipan on ojtli de ixpoliuilistli, xitlaj* kijtosneki on kuajli temachtijli yejuan techijlia kenijki Cristo topampa omik ne ipan on kojnepanojli*. Pero para tejuamej yejuan tiauij ipan on ojtli de temakixtilistli, on temachtilistli kipiya ipoder Dios.

2 Corintios 4:3

Pero tla sekimej xkajsikamatij on kuajli tlajtojli, xkajsikamatij pampa yejuamej yauij ipan on ojtli para popoliuiskej.

Gálatas 2:16

Pero tikmatstokej ika Dios xkiteneua sen tlakatl ika nochi itlajtlakoluan yokimpopoloj pampa kitlakamati itlanauatil Moisés, yej pampa kineltoka ika JesuCristo ipampa omik ne ipan kojnepanojli*. Yejua ika, no tejuamej tikneltokaj ika JesuCristo topampa omik para ijkon Dios kiteneua ika nochi totlajtlakoluan yokintlapojpoluij. In nochiua itechkopa on totlaneltok itech Cristo niman xpampa tiktlakamatij itlanauatil Moisés. Sano ijki ken onijkuiloj ipan on Yektlajkuilojli: Dios xkijtoua ika nochi itlajtlakoluan yakaj tlakatl kintlapojpoluiya pampa kitlakamati itlanauatil Moisés.

Gálatas 2:20

Ijkuak Cristo omik ipan kojnepanojli, nejua no iuan onimik. Aman nejua xok ninemi, yej Cristo nemi ipan noyojlo. On nemilistli yejuan aman nikpiya ipan notlalnakayo, nikpiya ikan notlaneltok itech iKonetsin Dios, akin sanoyej onechtlajsojtlak* niman nopampa onotemakak para omik.

Hebreos 10:39

Pero xtejuamej on yejuan tiktlalkauiyaj Dios niman tixpoliuij para nochipa. Yej tejuamej tikpiyaj tlaneltoktli niman ijki tikejeuaj toalma.

Hebreos 7:25

Yejua ika, yejua ueli kinmakixtia para nochipa on yejuan itechkopa kinisiuiyaj Dios, pampa yejua nochipa nemi para impampa kitlajtlanilijtikaj Dios ma kimpaleui.

1 Juan 2:25

Niman JesuCristo okitlalij ipan ipromesa ika techmakas yenkuik nemilistli para nochipa.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.