San Juan 3:11 - El Nuevo Testamento

¹¹ Ika tlen melauak nimitsijlia ika tejuamej titlajtlajtouaj ika on tlen tikmatij, niman ika on tlen yotikitakej tikteixpantiliaj, pero nemejuamej temachtijkej xnenkineltokaj tlen temechijliaj.

In yencuic iyectlajtoltzin Dios itech ica toTeco Jesucristo

¹¹ Ica tlen melahuac nimitzijlia ica tejhuamej titlajtlajtohuaj ica on tlen ticmatij, niman ica on tlen yotiquitaquej ticteixpantiliaj, pero nemejhuamej temachtijquej xnenquineltocaj tlen temechijliaj.

San Juan 3:11 Iomraidhean Croise

San Mateo 11:27

’NoTajtsin, yonechmakak nochi tekiuajyotl ipan nochi tlajtlamach*. Xakaj nechixmati, nejua yejuan niiKoneu, yej san yejua on noTajtsin. Niman xakaj kixmati noTajtsin, yej san nejua yejuan niiKoneu niman on yejuan nikintlapejpenia para nikchiua no ma kixmatikan.

San Mateo 23:37

’¡Ay Jerusalén! ¡Ay nemejuamej chanejkej Jerusalén! Nemejuamej nenkinmiktiaj on tiotlajtojkej niman nenkintemojmotlaj on yejuan Dios mechinuajtitlanilia. Miyekpa oniknek nemechsentlalis ken on kuanaka kinsentlalia ikoneuan itlan imastlakapaluan, pero xonenkinekkej.

San Lucas 10:22

Kemaj Jesús okijtoj: —NoTajtsin onechmaktilij nochi tlajtlamach*. Xakaj kimati akinon nejua yejuan niteKoneu, yej san noTajtsin. Niman xakaj kimati akinon noTajtsin, yej san nejua yejuan niteKoneu, niman on yejuan nikneki nikimpanextilia.

San Juan 1:11

Ouajlaj intech on hebreos* niman on hebreos* xokiselijkej.

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 12:49

Ijkon nochiuas pampa nejua xnikijtoua on tlen san nejua niknemilia, yej noTajtsin, yejuan onechajtitlan, yejua onechnauatij on tlen nikijtos niman nikteititis.

San Juan 14:24

Yejuan xnechtlajsojtla xkejeua on tlen nikijtoua. In kuajli tlajtojli yejuan yonemechijlij xkisa notech, yej kisa itech noTajtsin yejuan onechajtitlan.

San Juan 3:12

Tla xnennechneltokaj ijkuak nemechnojnotsa ika on tlajtlamach* yejuan kisa ipan in tlaltikpaktli, ¿kenijki nennechneltokaskej tla nemechnojnotsas ika on tlajtlamach* yejuan kisa ne iluikak?

San Juan 3:13

Xe yakaj tlejkoua iluikak, yej nejua yejuan oninochiu Tlakatl oniuajtemok de ne iluikak.

San Juan 3:3

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

San Juan 3:5

Niman Jesús okijlij: —Ika tlen melauak nimitsijlia, tla yakaj tlakatl xnokuatekiya ikan atl niman xtlakati itechkopa on Espíritu Santo, xuelis kalakis ne kampa Dios tlamandaroua.

San Juan 5:43

Nejua oniuajlaj nemotech ikan itokatsin noTajtsin, niman nemejuamej xnennechseliaj. Pero tla uajlas okse yejuan sano yejua teneuas ika kipiya tekiuajyotl, on kemaj nenkiseliskej.

San Juan 7:16

Jesús okinmijlij: —Notemachtil xnoyaxka*, yej onikselij itech on yejuan onechajtitlan.

San Juan 8:14

Jesús okinmijlij: —Tlen nejua nikijtoua, kemaj melauak maski sano nejua noka nitlajtoua, pampa nikmati kanon niualeua niman kanon niau. Pero nemejuamej xnenkimatij kanon niualeua nion kanon niau.

San Juan 8:26

Nikpiya miyek tlajtlamach* tlen nemoka nikijtos niman tlen nemechtlajtlakoltis. Pero noTajtsin yejuan onechajtitlan yejua kijtoua tlen melauak. Niman tlen nikijtoua ipan in tlaltikpaktli on yejua onikak itech.

San Juan 8:38

Nejua nikijtoua on tlen noTajtsin nechititia, niman nemejuamej nenkichiuaj tlen nemotataj mechijlia.

Hechos 22:18

Onikitak toTEKO, niman onechijlij: “Isijkapan xkisa nikan Jerusalén pampa xkiseliskej on tlen noka tikijtos.”

2 Corintios 4:4

Satanás, yejuan imindios on tlaltikpaktlakamej, yokintlamachilispoloj para maka kajsikamatiskej on kuajli tlajtojli yejuan kipantlantia iueyilis Cristo. Niman Cristo kipanextia Dios.

El Apocalipsis 1:5

No ijki, ma mechtiochiua JesuCristo yejuan nochipa kuajli tlajtoua ken testigo. Yejua achtoj oyoliu* niman onokuiteu ipan itlalkon para xok kaman mikis, niman kinmandaroua on reyes. Yejua techtlajsojtla* niman otechchipauilij toalma ikan iyesyo.

El Apocalipsis 3:14

’Xtlajkuilui ipastor on tiopan ne Laodicea niman ijkin xkijli: “In yejua itlajkuilol on yejuan itoka Amén*. In yejua itestigo Dios yejuan kuajli kipanextia on tlen melauak itechkopa Dios. Itechkopa yejua, Dios okichijchiu nochi tlen onkaj.