San Juan 21:22 - El Nuevo Testamento

²² Jesús okijlij: —Tla nejua nikneki para yejua ma nemi hasta ijkuak oksejpa niuajlas, on xejua motekiu. Tejua xuajla nouan.

In yencuic iyectlajtoltzin Dios itech ica toTeco Jesucristo

²² Jesús oquijlij: ―Tla nejhua nicnequi para yejhua ma nemi hasta ijcuac ocsejpa nihuajlas, ¿tlin ticmati tejhua? Tejhua xhuajla nohuan.

San Juan 21:22 Iomraidhean Croise

San Mateo 16:24

Kemaj Jesús okinmijlij on inomachtijkauan*: —Tla yakaj kineki nouan yas, ma kelkaua nochi on tlen más kitlajsojtla, ma nemi listo para tlajyouis noso mikis nopampa, niman kemaj ma uajla nouan.

San Mateo 24:27

Maka xneltokakan, pampa ijkuak nejua yejuan oninochiu Tlakatl niuajlas, nochi tlakatl nechitas ken on tlapetlanajli nochi tlakatl kita ijkuak ne ikisayan tonaltsintli ompa peua petlani niman hasta ne ikalakiyan tonaltsintli ontlami petlani.

San Mateo 24:3

Niman ijkuak yeuatikatka Jesús ne ipan on tepetl itoka Olivos, on nomachtijkej* oyajkej itech niman ijkin sa inseltimej okitlajtoltijkej: —Xtechijli, ¿kamanon nochiuas on tlajtlamach*, niman tlinon tlamauisojli nesis ijkuak tejua tiuajlas oksejpa, niman ijkuak tlatlalpoliuis?

San Mateo 24:44

Yejua ika, nemejuamej no nochipa xnemikan listos, pampa ijkuak xnenkinemilijtiaskej ika niuajlas, nejua yejuan oninochiu Tlakatl ijkuakon niuajlas.

San Mateo 25:31

’Ijkuak nejua yejuan oninochiu Tlakatl niuajlas ikan noueyilis inuan nochimej noángeles, ninotlalis ken rey ipan noueyixtikaj trono* para nitetlajtlakolmakas niman niteyekteneuas.

San Mateo 8:22

Pero Jesús okijlij: —Amantsin xuajla nouan, niman xkinkaua on yejuan miktokej ixpan Dios ma kintôkakan on inmikatsitsiuan.

San Marcos 9:1

No okinmijlij Jesús: —Ika tlen melauak nemechijlia ika sekimej yejuan aman nikan nemij xmijkiskej hasta kitaskej Dios tlamandaros ikan poder.

San Juan 21:19

Ijkuak Jesús ijkon okijtoj, okimachistij kenijki mikis Pedro niman ijki kueyilis Dios. Kemaj okijlij: —¡Xuajla nouan!

San Juan 21:21

Niman ijkuak Pedro okontak, ijkin okitlajtoltij Jesús: —NoTEKO, niman in uej, ¿tlinon ipan nochiuas?

1 Corintios 11:26

Hasta kaman toTEKO oksejpa uajlas, nochipa ijkuak nenkuaskej in pan niman nenkoniskej in vino, nenkiteititijtiaskej ika yejua nemopampa omik.

1 Corintios 4:5

Yejua ika tej, maka yakaj xtlajtlakolmakakan itlaj ika ijkuak xe yejko on tonajli ijkuak uajlas toTEKO. Ipan on tonajli yejua kipanextis nochi on yejuan iyantikaj, niman kiteititis ken cada se kinemilia ipan iyojlo. Niman ijkuakon Dios kiyekteneuas cada se ken noneki.

1 Tesalonicenses 2:19

Tla ijkon tej, ¿akinomej yes on yejuan inka tikpiyaskej totlamachalis*, topakilis niman tocoronas yejuan techyolpaktis, tla xsano nemejuamej? Melauak nentopakilis yeskej ijkuak toTEKO uajnokuepas.

Santiago 5:7

Nokniuan, xchakan ikan yolseuilistli hasta kaman toTEKO JesuCristo uajlas. Xkitakan kenijki sen tokaketl kicha ika kuajlotika hasta yejko on tonajli para kiselia on tlakyotl. No ijki yejua kicha ika kuajlotika on tonaltin ijkuak yejko on kiautli.

Santiago 5:8

Nemejuamej tej, no xchakan ika kualotika niman xmelajkanemikan, pampa ye nisiu para uajlas toTEKO.

El Apocalipsis 1:7

Xkitakan, Cristo uajlas ipan moxtli. Niman nochi tlakatl kitas hasta on yejuan okimiktijkej. Niman nochimej on tlaltikpaktlakamej chokaskej yejua ipampa. Kemaj melauak ijki nochiuas. Ma ijki nochiua.

El Apocalipsis 2:25

Pero on tlen nenkineltokaj xkejeuakan hasta ijkuak nejua oksejpa niuajlas.

El Apocalipsis 22:20

On yejuan kitojua in tlatlamach, ijkin kijtoua: “Kemaj, saniman oksejpa niuajlas.” Ma ijki nochiua. ¡Xuajla toTEKO Jesús!

El Apocalipsis 22:7

Kemaj Jesús onechijlij: “¡Saniman oksejpa niuajlas! Sanoyej* tlatiochijtli yes on yejuan kitlakamatis in temachtijli yejuan tlajkuilolnestikaj ipan in amamoxtli* yejuan techititia on tlen nochiuas.”

El Apocalipsis 3:11

Nejua tej, saniman niuajlas. On tlen tikpiya xkejeua, para maka yakaj mitskuilis motetlayokolil yejuan Dios kineki mitsmakas.