San Juan 21:17 - El Nuevo Testamento

¹⁷ Ika yexpa okitlajtoltij: —Simón, ikoneu Jonás, ¿tinechtlajsojtla? Pedro onajman pampa ika yexpa okitlajtoltij tla kitlajsojtla, niman yejua okinankijlij: —NoTEKO, tejua nochi tikmati. Tejua tikmatstikaj ika nimitstlajsojtla. Jesús okijlij: —Tla ijkon xkintlakualti noborregos.

In yencuic iyectlajtoltzin Dios itech ica toTeco Jesucristo

¹⁷ Ica yexpa oquitlajtoltij: ―Simón, iconeu Jonás, ¿tinechtlajsojtla? Pedro onajman pampa ica yexpa oquitlajtoltij tla quitlajsojtla, niman yejhua oquijlij: ―NoTeco, tejhua nochi ticmati. Tejhua ticmatzticaj ica nimitztlajsojtla. Jesús oquijlij: ―Tla ijcon xquintlacualti noborregos.

San Juan 21:17 Iomraidhean Croise

San Juan 13:38

Jesús okijlij: —¿Melauak tikpiya moyojlo para timikis san nopampa? Ika tlen melauak nimitsijlia ika antes tsajtsis on kaxtil*, tejua yexpa tinechnenekis.

San Marcos 14:72

Kemaj nimantsin otsajtsiteu on kaxtil* ika okpa. Niman Pedro okelnamik on tlen Jesús okijlijka: “Achtoj ijkuak xe tsajtsi on kaxtil* okpa, tejua tinechnenekis yexpa.” Niman ijkuak yejua okelnamik on tlajtojli, opeu sanoyej ajmankachoka.

San Juan 16:30

Aman tikmatij ika tejua tikmati nochi tlajtlamach*. Niman xpoliui yakaj itlaj mitstlajtoltis, pampa tikmati tlinon sen mitstlajtoltisneki ijkuak xe mitsnotsa. Yejua ika tikneltokaj ika otiualeu itech Dios.

El Apocalipsis 2:23

Niman ikoneuan on siuatl nikinmiktis. Ijkuak ijkon nikchiuas, on tlaneltokakej kimatiskej ika nejua nochi kuajli nikmati tlinon onkaj ipan itlamachilis niman ipan iyojlo cada se, niman cada se niktlaxtlauilis on tlen kichiua ken noneki.

Efesios 4:30

Maka xkajmanakan iEspíritu Dios yejuan yolchipauak, pampa ika on Espíritu nemejuamej omechsellarojkej para nesi ika nenikoneuan Dios hasta ipan on tonajli ijkuak Cristo totemakixtijkau yejkos para kaxiltis totemakixtilis.

Hechos 15:8

Niman Dios yejuan nochi tlakatl kixmati ipan iyojlo, otechpantlantilij ika no kinselia ijkuak okititlan impan on iEspíritu Santo ijkon ken tejuamej otechajtitlanilij.

San Juan 15:10

Tla nenkitlakamatiskej notlanauatiluan, nemokauaskej ipan notetlajsojtlalis ijkon ken nejua niktlakamati itlanauatiluan noTajtsin niman ninokaua ipan itetlajsojtlalis*.

San Juan 14:15

’Tla nemejuamej nennechtlajsojtlaj, xtlakamatikan notlanauatiluan.

2 Pedro 3:1

Notlajsojkaikniuan, in yejua ika ome tlajkuilolamatl nemechtitlanilia. Niman ipan in omemej notlajkuilolamauan oniknek nemechtlanemililtis ipan on tlen kuajli tlamachilistli.

1 Pedro 1:6

Yejua ika tej, nemejuamej sanoyej* xpakikan maski kas nenkijyouiskej ipan keski tonajli miyek tlajtlamach* tetlatlatalistli.

2 Corintios 1:12

Sanoyej techpaktia temechijliaj ika totlamachilis techmachistia ika nochipa titouikaj yolchipajkej, niman yolmejlajkej pampa Dios techpaleuiya. Ijkon tej, titouikaj iuan nochi tlakatl, niman hasta más nemouan. Ijkon titouikaj xpampa techyekana totlamatkilis*, yej pampa techyekana iueyitetlajsojtlalis* Dios yejuan xtechtocarouaya tikseliskej.

Hechos 1:24

Niman kemaj ijkin okichikej oración: —ToTEKO, tejua yejuan tikixmati iyojlo nochi tlakatl, xtechititi katlejua tiktlapejpenia intech in omemej

San Juan 18:27

Pedro oksejpa okinenek*, niman kemaj nimantsin otsajtsik sen kaxtil*.

San Juan 18:4

Pampa Jesús ye kimatstikatka tlinon ipan nochiuas, ouajla okinnamikiko, niman okintlajtoltij: —¿Akinon nenkitejtemouaj?

San Juan 12:8

Nochipa nemotsajlan nenkimpiyaskej on mayankej, pero nejua xnochipa nikan nennechpiyaskej.

San Mateo 25:40

Niman nejua yejuan niRey nikimijlis: “Ika tlen melauak nemechijlia ika ijkon ken onenkimpaleuijkej in nokniuan yejuan xuejueyixtokej niman mayankej, sano nejua onennechpaleuijkej.”

El Apocalipsis 3:19

On yejuan nikintlajsojtla*, nikinchikajkanotsa, niman nikincastigaroua ijkuak kichiuaj tlen xkuajli. Yejua ika, xnechtlakamati ikan nochi moyojlo niman xmoyolpatla.

San Juan 21:18

Ika tlen melauak nimitsijlia ika ijkuak más tikonetl katka, san tiuajmotlakentiaya niman tiaya kampaka tejua tiknekiya, pero ijkuak ye tiueuentsin yes, san tikinuajmelauas momauan niman okse mitstlakentis, niman mitsuikas kampa xtiknekis tias.

San Juan 4:16

Jesús okijlij: —Xuiya xkanati moueuentsin niman kemaj xuajlakan nikan.

Hechos 11:10

In onochiu yexpa, niman kemaj nimantsin on ueyi manta istak oksejpa otlejkok.