San Juan 21:15 - El Nuevo Testamento

¹⁵ Ijkuak yotlakuajkej, Jesús okitlajtoltij Simón Pedro: —Simón, ikoneu Jonás, ¿más tinechtlajsojtla* xken yejuamej in? Pedro okinankijlij: —Kemaj. NoTEKO, tejua tikmati ika nimitstlajsojtla. Jesús okijlij: —Tla ijkon xkintlakualti noborreguitos.

In yencuic iyectlajtoltzin Dios itech ica toTeco Jesucristo

¹⁵ Ijcuac yotlacuajquej, Jesús oquitlajtoltij Simón Pedro: ―Simón, iconeu Jonás, ¿más tinechtlajsojtla xquen yejhuamej in? Pedro oquijlij: ―Quemaj. NoTeco, tejhua ticmati ica nimitztlajsojtla. Jesús oquijlij: ―Tla ijcon xquintlacualti noborreguitos.

San Juan 21:15 Iomraidhean Croise

San Mateo 10:37

’On yejuan más kitlajsojtlas* itataj noso inanaj xken nejua, xkitocaroua* nouikas nouan. Niman yejuan más kitlajsojtlas* itelpoch noso ichpoch xken nejua, xkitocaroua nouikas nouan.

San Mateo 16:17

Jesús okijlij: —Dios yomitstiochiu tejua Simón, yejuan ikoneu Jonás, pampa xakaj tlakatl mitsijlia ika nejua niCristo yejuan Dios onechtlapejpenij para nitemakixtis. Yej noTajtsin iluikak chanej* yejua omitsmachistij.

San Mateo 18:10

’Xkintlajsojtlakan niman xkintlakaitakan in konetsitsimej. Tej, nemechijlia ika ne iluikak on inángeles nochipa nemij ne ixpan on noTajtsin iluikak chanej.

San Mateo 26:33

Kemaj Pedro okinankilij: —Maski nochimej mitstlalkauiskej, nejua ka.

San Mateo 26:35

Pero Pedro okijlij: —Maski mouan ma nimiki, nejua xnimitsnenekis*. Niman nochimej on nomachtijkej* sano ijki okijtojkej.

San Marcos 14:29

Kemaj Pedro okijlij: —Maski nochimej mitstlalkauiskej, nejua ka.

San Lucas 12:32

’Maka xmomojtikan maski xnenmiyekej, pampa nemoTajtsin kipiya paktli para mechkauilis nenkalakiskej kampa yejua tlamandaroua.

San Lucas 22:32

pero nejua moka yonitlajtlan itech Dios para maka tikpolos motlaneltok. Niman ijkuak oksejpa yotiuajlaj notech, xkimpaleui mokniuan para ma melajkanemikan.

San Juan 1:42

Kemaj Andrés okuikak Simón ne kampa nemiya Jesús. Niman ijkuak Jesús okitak, okijlij: —Tejua tiSimón ikoneu Jonás, pero motoka yes Cefas —yejuan kijtosneki Pedro.

San Juan 13:37

Kemaj Pedro okijlij: —NoTEKO, ¿tline* xuelis nias aman? Nikpiya noyojlo para nimikis san mopampa tla noneki.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

San Juan 21:12

Kemaj Jesús okinmijlij: —Xuajlakan, xtlakuakij. Niman nion semej de on nomachtijkej* xokinemilij kitlajtoltis akin yejua, pampa kimatstikatkaj ika yejua inTEKO.

San Juan 21:7

Kemaj on nomachtijketl yejuan Jesús sanoyej kitlajsojtlaya*, okijlij Pedro: —¡Tlakaj yejua toTEKO! Niman ijkuak Simón Pedro okak ika yejua inTEKO, nimantsin onotlakentij pampa onotlakenkixtijka. Kemaj, ijkuak yonotlakentij, onatlajkal.

San Juan 8:42

Niman Jesús okinmijlij: —Tla melauak Dios nemoTajtsin yeskia, nemejuamej nennechtlajsojtlaskiaj*, pampa nejua niualeua itech Dios niman aman nikan ninemi. Xoniuajlaj san pampa oniknek, yej oniuajlaj pampa Dios onechajtitlan.

Hechos 20:28

Niman aman sano nemejuamej nemopan xtlachakan niman impan xtlachakan nochimej on tlaneltokakej yejuan on Espíritu Santo intech omechtlalij ken tlajpixkej para impan nentlachaskej. Xkincuidarokan on tlaneltokakej yejuan iyaxkauan* Dios toTEKO, yejuan okinkou ikan iyesyo.

Hechos 20:29

Nikmatstikaj ika ijkuak nejua yoniaj, uajlaskej xkuajkualtin tlakamej yejuan kinekiskej kinchajchayauaskej on tlaneltokakej yejuan iyaxkauan* Dios ijkon ken on yolkej lobos kinchajchayauaj on borreguitos.

Romanos 14:1

Xselikan sen tokniu yejuan xkojtik ipan itlaneltok. Pero maka nemokamauijsokiskej ika on tlen yejua xkajsikamati.

Romanos 15:1

Tejuamej yejuan tikojtikej ipan totlaneltok noneki tikimpaleuiskej on yejuan xkojtikej ipan intlaneltok. Maka tej, sano tejuamej ma titopaktikan.

1 Corintios 8:11

Tla ijkon tej, mokniu yejuan xkojtik ipan itlaneltok poliuis san ipampa on tlen timoteneua tikmati. Xkelnamiki ika Cristo no ipampa omik.

Gálatas 5:6

Tla san sekan tinemij iuan Cristo Jesús, xitlaj* kijtosneki tla tikpiyaj circuncisión* noso ka. Yej kemaj ueyi kijtosneki ma tikpiyakan totlaneltok, niman in tlaneltoktli kichiua para ma titetlajsojtlakan*.

Efesios 4:14

Yejua ika, xok titouikaskej ken kokonej yejuan ijkuak kinmachtiaj yenkuik temachtiltin nimantsin kipatlaj intlamachilis, niman onxinij ipan tlakajkayaualistli, pampa kinkajkayauaj on tlakamej yejuan sanoyej kimatij ken tlakajkayauaskej. Yejuamej kinuikasnekij ipan on xkuajli ojtli.

Efesios 6:24

Niman Dios ma kinmakaj iueyitetlajsojtlalis* nochimej on yejuan kitlajsojtlaj toTEKO JesuCristo ikan tetlajsojtlalistli* yejuan xkaman nopatla. Ma ijki nochiua.

Hebreos 13:20

Dios, yejuan techmaka yolseuilistli, okiyoliuitij* niman okuiteu ipan itlalkon toTEKO JesuCristo yejuan ueyi Tlajpixki intech on borreguitos. Yejua ueyi Tlajpixki pampa itechkopa iyesyotsin, okipeualtij on yenkuik pacto* yejuan para nochipa onyas.

Hebreos 4:13

Xitlaj onkaj nion xakaj nemi yejuan uelis niyanas ixpan Dios, yej nochi tlen onkaj niman nemi yejua kuajli kimatstikaj. Yejua ika tej, ika onkaj ixpan titoyolkuitiskej de nochi tlen tikchiuaj.

1 Pedro 1:8

Nemejuamej nenkitlajsojtlaj* JesuCristo maski xkaman onenkitakej. Maski aman xnenkitaj, nenkineltokaj niman nempakij ikan pakilistli yejuan ajsitikaj*. In pakilistli sanoyej ueyi niman xueli nochi nenkijtouaj ikan tlajtojli.

1 Pedro 2:2

Aman tej, sanoyej* xnekikan ichipajkatlajtol Dios ken on selikakokonej* yejuan sanoyej kinekij chichiskej. No ijki sanoyej xnekikan on chipajkatlajtojli para ika nemoskaltiskej niman nenkiseliskej temakixtilistli,

1 Pedro 2:25

Ipan se tiempo nenchayajkakistinemiyaj ken borreguitos yejuan polijtinemij. Pero aman yonenualajkej itech Cristo yejuan mechcuidaroua ken sen tlajpixki niman yejuan kimejeua nemoalmas.

1 Juan 4:19

Tejuamej tiktlajsojtlaj Dios pampa yejua achtopa otechtlajsojtlak.

1 Juan 5:1

Nochimej yejuan kineltokaj ika Jesús yejua Cristo yejuan Dios okuatitlan, yejuamej ikoneuan Dios. Nochimej yejuan kitlajsojtlaj* sen tajtli no ijki kintlajsojtlaj ikoneuan on tajtli.

El Apocalipsis 2:23

Niman ikoneuan on siuatl nikinmiktis. Ijkuak ijkon nikchiuas, on tlaneltokakej kimatiskej ika nejua nochi kuajli nikmati tlinon onkaj ipan itlamachilis niman ipan iyojlo cada se, niman cada se niktlaxtlauilis on tlen kichiua ken noneki.