San Juan 19:4 - El Nuevo Testamento

⁴ Kemaj Pilato oksejpa ouajkis, niman okinmijlij on hebreos*: —Xkitakan, nikan nikuajuika para xmatikan ika xitlaj* niknextilia tlen xkuajli okichiu.

In yencuic iyectlajtoltzin Dios itech ica toTeco Jesucristo

⁴ Quemaj Pilato ocsejpa ohuajquis, niman oquimijlij on hebreos: ―Xquitacan, nican nicuajhuica para xmatican ica xitlaj nicnextilia tlen xcuajli oquichiu.

San Juan 19:4 Iomraidhean Croise

San Mateo 27:19

No ijki, ijkuak Pilato yeuatikatka ne ipan on silla kampa kintlajtlakolmaka on yejuan xkuajkualtin tlakamej, isiuau otlanauatij ijkin ma kijlitij: “Maka itlaj ika timokalaktis tikchiuilis on yolchipauak tlakatl, pampa in tlayoua sanoyej* temojtij oniktemik san ipampa.”

San Mateo 27:24

Ijkuak Pilato okitak ika xuelis kimanauis Jesús, yej más najkomanayaj on tlakamej, otlanauatij ma kuilitij atl. Niman kemaj onomajtekij imixpan nochimej on tlakamej, niman okinmijlij: —Nejua xnikpiyas tlajtlakojli tla mikis in yolchipauak tlakatl. Ompa xkitilikan.

San Mateo 27:4

Okinmijlij: —Nejua yonitlajtlakoj pampa yoniktemaktilij sen tlakatl yolchipauak para ma kimiktikan. Pero yejuamej okijlijkej: —Niman aman, ¿tlinon totekiu* tejuamej? ¡On, tejua ompa xkontili ken tikchiuas!

San Mateo 27:54

Ijkuak on soldadojtlayekanki inuan isoldados yejuan ompa cuidarouayaj Jesús, okimatkej tlalolintikaj niman okitakej okseki tlajtlamach* nochijtikaj, sanoyej onomojtijkej, niman okijtojkej: —In tlakatl melauak iKoneu katka Dios.

San Lucas 23:4

Kemaj Pilato okinmijlij on intlayekankauan on tiopixkej inuan on tlakamej: —Xitlaj* niknextilia tla itlaj xkuajli okichiu in tlakatl.

San Lucas 23:41

Tejuamej techmelaua* ijkin ma titlajyouikan pampa on tlen xkuajli otikchijkej, pero in tlakatl xitlaj* tlajtlakojli kipiya.

San Lucas 23:47

Ijkuak on soldadojtlayekanki romano okitak tlinon onochiu, ijkin okueyilij Dios, niman okijtoj: —Ika tlen melauak, in tlakatl yolchipauak katka.

San Juan 18:33

Pilato oksejpa okalakito ipan ipalacio, okinots Jesús niman ijkin okitlajtoltij: —¿Tejua tiinRey on hebreos*?

San Juan 18:38

Pilato okijlij: —¿Niman katlejua on tlen melauak? Ijkuak ijkon yokitlajtoltij, oksejpa ouajkis para okinnots on hebreos*, niman okinmijlij: —Xoniknextij itlaj xkuajli yejuan okichiu in tlakatl para niktlajtlakolmakas.

San Juan 19:6

Ijkuak on tlayekankej tiopixkej niman on policías okitakej Jesús, opejkej tsajtsij: —¡Xkajkopilo ipan kojnepanojli*! ¡Xkajkopilo ipan kojnepanojli* para ma miki! Pilato okinmijlij: —Nemejuamej xkuikan niman xkajkopilokan ipan kojnepanojli, pampa nejua nion se itlajtlakol xoniknextilij.

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

Hebreos 7:26

Ijkon tej, Jesús yejua toueyitlayekankatiopixkau yejuan noneki tikpiyaskej. Yejua yolchipauak, niman xonkaj itlaj tlinon ika uelis yakaj kijixkomakas*. Yejua xkipiya itlaj tlajtlakojli. Yejua xnemi ne intsajlan on tlajtlakolejkej, yej nemi ne iluikak kampa kipiya ueyi tlakaitalistli.

1 Pedro 1:19

yej ikan iyesyo Cristo, on tlen patioj. Yejua onouentlalij ken sen borreguito yejuan nochi chipauak niman xkanaj tlakokojli* ipan itlakayo.

1 Pedro 2:22

On Yektlajkuilojli kijtoua itech ika Cristo: “Yejua nion se tlajtlakojli xokichiu, nion okajkayau yakaj.”

1 Pedro 3:18

Cristo otlajyouij niman omik ipampa tlajtlakojli. Yejua omik san sejpa para nochipa. Yejua yejuan xokipix tlajtlakojli, omik topampa yejuan xtiyolmelajkej para otechuikak itech Dios. Itlalnakayo omik pero iEspíritu oyoliu*.

1 Juan 3:5

Nemejuamej ye nenkimatstokej ika JesuCristo ouajlaj ipan in tlaltikpaktli para otechkixtiliko on totlajtlakoluan, niman ika yejua xkipiya tlajtlakojli.