San Juan 19:23 - El Nuevo Testamento

²³ Ijkuak on soldados yokajkopilojkej Jesús, okuikej itlaken niman naukantipan okinoxexelouilijkej cada se. Niman no okuikej itlaken pani, itoka manto, yejuan xtlajtsontli katka, yej san se ueyi katka.

In yencuic iyectlajtoltzin Dios itech ica toTeco Jesucristo

²³ Ijcuac on soldados yoquimajmasohuatiquej Jesús ipan cojnepanojli, oquitilanquej itlaquen niman naucantipan oquixelojquej, niman sejsetemej oquicuiquej. Niman no oquitilanquej itlaquen pani, itoca manto, yejhuan xtlajtzontli catca yej san se hueyi catca.

San Juan 19:23 Iomraidhean Croise

San Mateo 27:35

Ijkuak yokajkopilojkej, on soldados onotlatlankej para kitaskej cada se tlinon kiktis de on itlaken Jesús. Ijki onochiu ken okijtoka on tiotlajtojketl: “Onotlatlankej ikan suertes para okimatkej akinon itech nokauas notlaken.”

San Marcos 15:24

Kemaj okajkopilojkej, niman yejuamej onotlatlankej para kitaskej cada se tlinon kiktis de itlaken Jesús.

San Lucas 23:34

Niman ijkuak Jesús ye kajkopilojtikatkaj okijtoj: —NoTajtsin, xkintlapojpolui, pampa xkimatij tlinon kichiuaj. Niman on soldados onotlatlankej para okitakej cada se tlinon kiktis de on itlaken Jesús.

Hechos 12:4

Sakin ijkuak yokajsikej Pedro, okalaktijkej ipan cárcel kampa okitemaktilijkej itech naui grupo de soldados niman cada grupo kipiyaya naui soldado. Herodes kinemiliaya kixtis inmixpan on chanejkej para kiyolkuitis ijkuak yopanok on iluitl Pascua*.