San Juan 19:11 - El Nuevo Testamento

¹¹ Jesús okijlij: —Xtikpiyaskia itlaj tekiuajyotl noka nejua tla Dios xmitsmakaskia. Yejua ika, kipiya más ueyi tlajtlakojli on yejuan motech onechtemakak xken tejua.

In yencuic iyectlajtoltzin Dios itech ica toTeco Jesucristo

¹¹ Jesús oquijlij: ―Xticpiasquia itlaj tequihuajyotl nopan tla Dios xmitzmacasquia. Yejhua ica quipia más hueyi tlajtlacojli xquen tejhua on yejhuan motech onechtemacac.

San Juan 19:11 Iomraidhean Croise

San Mateo 26:65

Ijkuakon on más ueyi tlayekanketl intech on tiopixkej sanoyej okualan niman onotlakentsayantiaj*, niman okijtoj: —In tlakatl kuijuikaltia Dios ikan itlajtol. ¿Tlinon más para tikinnekij testigos? Nemejuamej yonenkakkej ken yokuijuikaltij Dios.

San Mateo 27:2

Kemaj ijkuak yokisalojkej Jesús, okuikakej niman okitemaktilitoj itech on gobernador Poncio Pilato.

San Mateo 6:13

Niman xtechpaleui para maka titlajtlakoskej, yej xtechejeua maka tikchiuaskej tlen xkuajli. Ijkin timitstlajtlaniliaj pampa tejua tikpiya tekiuajyotl, niman poder, niman ueyilistli para nochipa. Ma ijki nochiua.

San Marcos 14:44

Niman Judas, on yejuan kitemaktiliaya Jesús, ijkin okinmijlijka on tlakamej: —On yejuan niktenkuas*, yejua Jesús. Xkajsikan, kuajli xsasalokan niman xkuikakan.

San Lucas 22:53

Mojmostla nemouan ninemiya ne ipan iueyitiopan Dios, niman xonennechajsikej, pero ipan in hora Dios mechkauilia nenkichiuaj on tlen nenkinekij. Aman ipoder Satanás tetlani.

San Juan 18:13

Kemaj okuikakej itech Anás. Anás imontaj katka Caifás yejuan ipan on xipan más ueyi tlayekanki katka intech on tiopixkej.

San Juan 18:3

Niman Judas oajsik ompa inuan miyekej soldados. Niman no okinuikak sekimej ipolicías on ueyitiopan yejuan oualajkej ikan intlanauatil on fariseos* niman intlayekankauan on tiopixkej. Yejuamej yayaj ikan armas niman kitkiyaj inlámparas niman okopiltin.

San Juan 19:10

Niman Pilato okijlij: —¿Xitlaj ika tinechnankilis? ¿Tlen xtikmati ika nikpiya tekiuajyotl para nimitsajkopilos ipan kojnepanojli, niman no nikpiya tekiuajyotl para nimitsmakauas?

San Juan 3:27

Kemaj Juan okinmijlij: —Xakaj uelis kipiyas itlaj tla Dios xkuajtitlanilia de ne iluikak.

San Juan 7:30

Kemaj kinekiyaj kajsiskej, pero xakaj okajsik pampa sanken* xe ajsiya on tonajli para ijkon nochiuas.

San Juan 9:41

Jesús okinmijlij: —Tla xnenkajsikamatiskiaj, xnenkipiyaskiaj tlajtlakojli. Pero pampa nenkijtouaj ika nenkajsikamatij, on tlajtlakojli nemopan onkaj.

Hechos 2:23

Dios kimatstikatka on tlen nenkichiuiliskiaj Jesús niman yejua okitlalij ipan iyojlo para notekauilis nenkitemaktiliskej intech on xkuajkualtin tlakamej para ma kajkopilokan ipan kojnepanojli*.

Hechos 3:13

On iDios Abraham niman Isaac, niman Jacob niman yejuan no iminDios on toachtojtajuan okueyilij Jesús on iKonetsin. Pero nemejuamej yej onenkitemaktilijkej, niman onenkinenekej* ixpan Pilato ijkuak yejua kinekiya kimakauas.

Hechos 4:28

Ijkon tej, yejuamej okichijkej nochi tlen tejua otiknek niman yotiktlalijkaj ipan moyojlo para nochiuas.

Romanos 11:36

Xakaj ueli, pampa nochi tlajtlamach* itech Dios ualejtikaj, niman nochi in tlajtlamach* onkaj san yejua ipampa, niman para iueyilis yejua. ¡Ma Dios kiseli ueyilistli para nochipa! Ma ijki nochiua.

Romanos 13:1

Nochi tlakatl ma tetlakamati intech on tekiuajkej, pampa xnemij tekiuajkej yejuan Dios xokinkalaktij, yej nochi kech tekiuajkej nemij Dios okinkalaktij.

Santiago 1:17

Nochi kuajli tetlayokolijli* yejuan tikseliaj ualeua ne tlakpak. Nochi on tetlayokolijli* ualeua itech toTajtsin yejuan okichijchiu nochi on tlauiltin ne ipan cielo*. ToTajtsin xken on tlaseuajlomej yejuan nochipa nopatlajtiu, yej yejua nochipa kichiua on tlen kuajli.

Santiago 4:17

Sen tlakatl yejuan kimati tlen kuajli para kichiuas niman xkichiua, tlajtlakoua.