San Juan 18:11 - El Nuevo Testamento

¹¹ Pero Jesús okijlij Pedro: —Xkalakti moespada kampa otikixtij. ¿Tlen tiknemilia xijki noneki nitlajyouis ken noTajtsin okitlalij para nitlajyouis?

In yencuic iyectlajtoltzin Dios itech ica toTeco Jesucristo

¹¹ Pero Jesús oquijij Pedro: ―Xcalacti moespada ne campa oticxicopin. ¿Tlen ticnemilia xijqui nonequi niquijyohuis on tlajyohuilistli yejhuan noTajtzin oquitlalij para niquijyohuis?

San Juan 18:11 Iomraidhean Croise

San Mateo 20:22

Pero Jesús okinmijlij: —Nemejuamej xnenkimatij tlinon nenkitlajtlanij. ¿Nenueliskej nenkijyouiskej on tlen nejua ye onkaj para nikijyouis? Yejuamej okijtojkej: —Uelis titlajyouiskej ken tejua.

San Mateo 26:39

Kemaj Jesús oyaj achijtsin más tlayakapan, niman ijkuak onotlakuantelkets niman onopachoj hasta ipan tlajli, okichiu oración itech Dios, niman okijlij: —NoTajtsin, tla ueliskia, xnechkauili maka nikijyouis in tlajyouilistli, pero maka ma nochiua ken nejua nikneki, yej ma nochiua ken tejua tikneki.

San Mateo 26:42

Ika okpa oyaj, niman ijkin onoueyikatsajtsilij: —NoTajtsin, tla xuelis para tejua tikchiuas para maka nikijyouis in tlajyouilistli, tla ijkon, ma nochiua tlen tejua tikneki.

San Lucas 12:30

pampa on tlakamej yejuan xkineltokaj Dios san on tlajtlamach* kitejtemouaj. Pero nemoTajtsin ye kimatstikaj ika mechpoloua on tlajtlamach*.

San Lucas 22:42

Niman okijtoj: —NoTajtsin, tla tikneki, xnechmanaui para maka nikijyouis in tlen sanoyej* teajman. Pero maka nochiuas ken nejua nikneki, yej ma nochiua ken tejua tikneki.

San Juan 15:10

Tla nenkitlakamatiskej notlanauatiluan, nemokauaskej ipan notetlajsojtlalis ijkon ken nejua niktlakamati itlanauatiluan noTajtsin niman ninokaua ipan itetlajsojtlalis*.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 18:36

Kemaj Jesús okinankilij: —Nejua xnitlamandaroua nikan ipan in tlaltikpaktli ken se rey. Tla nitlamandaroskia nikan, on yejuan nouan kistinemij nechmanauiskiaj para nejua xnechtemakaskiaj intech on hebreos*. Pero nejua xnitlamandaroua nikan ipan in tlaltikpaktli.

San Juan 20:17

Jesús okijlij: —Maka xnechkiktsi pampa xe niau itech noTajtsin. Pero xuiya niman xkimijliti nokniuan ika yeniau itech noTajtsin niman nemoTajtsin, itech noDios niman nemoDios.

2 Corintios 10:4

On armastin yejuan tikintekitiltiaj ijkuak teuan titouijsokij xkenomej inarmas on oksekimej tlaltikpaktlakamej. On armastin yejuan tikintekitiltiaj kipiyaj ipoder Dios niman ueli kixoxotoniaj ipoder on diablo*.

2 Corintios 6:7

Otiktemachtijkej on tlen melauak niman otikpanextijkej ipoder Dios ipan nochi tlen otikchijkej. Tiktekitiltiaj on melajkanemilistli ken toarmas para titeixnamikij niman para titomanauiyaj ijkuak techixnamikij.

Hebreos 12:2

Ma tikixkechikan Jesús yejuan itech ualeua totlaneltok niman sano yejua kimelajkatlalia. Jesús xokichiuilij cuenta on tlen tepinajtij ijkuak omik ipan kojnepanojli*, pampa kimatstikatka ika tla yotlajyouij, kipiyas paktli. Niman yejua onotlalij iyekmakopa itrono Dios kampa tlamandaroua.