San Juan 17:9 - El Nuevo Testamento

⁹ ’Nejua impampa nitlajtlani motech. Xniktlajtlani impampa on tlaltikpaktlakamej, yej impampa on yejuan otinechinmakak pampa yejuamej moyaxkauan*.

In yencuic iyectlajtoltzin Dios itech ica toTeco Jesucristo

⁹ ’Nejhua impampa motech nitlajtlani. Xictlajtlani impampa on tlalticpactlacamej, yej impampa on yejhuan otinechinmacac pampa yejhuamej moyaxcahuan.

San Juan 17:9 Iomraidhean Croise

San Lucas 22:32

pero nejua moka yonitlajtlan itech Dios para maka tikpolos motlaneltok. Niman ijkuak oksejpa yotiuajlaj notech, xkimpaleui mokniuan para ma melajkanemikan.

San Lucas 23:34

Niman ijkuak Jesús ye kajkopilojtikatkaj okijtoj: —NoTajtsin, xkintlapojpolui, pampa xkimatij tlinon kichiuaj. Niman on soldados onotlatlankej para okitakej cada se tlinon kiktis de on itlaken Jesús.

San Lucas 8:34

On yejuan tlajpiyayaj ikan on pitsomej, ijkuak okitakej tlinon onochiu, ikan innemojtil onotlajtlalojkej* para okitetlajtlajtouilitoj ipan on ueyikalpan niman nochiuiyan kampa chajchantiua.

San Juan 14:16

Niman nejua niktlajtlanilis noTajtsin ma mechajtitlanili okse yejuan mechyolchikauas, mechpaleuis niman nemouan nemis para nochipa.

San Juan 17:2

Tejua tej, yotinechmakak poder para nikmandaros nochi tlakatl, niman para nikinmakas nemilistli para nochipa on yejuan yotinechinmakak.

San Juan 17:20

’Pero xnitlajtlani san impampa yejuamej, yej no impampa on yejuan nechneltokaskej itechkopa on temachtijli yejuan kiteijliskej.

San Juan 17:6

On tlakamej yejuan tejua otinechinmakak intsajlan on tlaltikpaktlakamej onikinmachistij akin tejua. Moyaxkauan* katkaj, niman tejua otinechinmakak, niman yokitlakamatkej on tlen otikijtoj.

San Juan 6:37

Nochimej on kech nechinmakas noTajtsin uajlaskej notech, niman on yejuan uajlaskej notech nikinselis.

San Juan 6:39

Niman noTajtsin yejuan onechajtitlan xkineki nikpolos nion se on yejuan onechinmakak, yej ipan on sa ika nochi tonajli ma nikinyoliti niman ma nikinketsteua ipan intlalkon.

Hebreos 7:25

Yejua ika, yejua ueli kinmakixtia para nochipa on yejuan itechkopa kinisiuiyaj Dios, pampa yejua nochipa nemi para impampa kitlajtlanilijtikaj Dios ma kimpaleui.

Hebreos 9:24

Tikmatij ika Cristo xokalak ipan on yektiopan tlachijchijtli de tlakamej yejuan san kixneskayotia* on yejuan melauak tiopan onkaj ne iluikak. Yej Cristo okalak ne iluikak kampa nemi iuan Dios para topampa tlajtojtikaj.

1 Juan 5:19

Tikmatstokej ika titekoneuan itech Dios, niman no tikmatstokej ika on diablo* ipan ima kimpiya nochimej on tlakamej de in tlaltikpaktli.

El Apocalipsis 12:9

Ijkon tej, on ueyi dragón okuajkixtijkej ne iluikak. On dragón, sano yejua on kouatl yejuan desde yeuejkaui nemi, itoka diablo* noso Satanás. Yejua okajkayau nochi tlakatl chanej* ipan in tlaltikpaktli. Yejua tej, niman iángeles okinuajxinijkej ipan in tlaltikpaktli.

El Apocalipsis 13:8

Nochimej yejuan chantij ipan in tlaltikpaktli, kimauistiliskej on xkuajli yolki, on yejuan xtlajkuilolnestokej intoka ipan on amamoxtli*, yejuan kijtoua akinomej kipiyaj nemilistli para nochipa. In amamoxtli* iyaxka* on Borreguito yejuan okimiktijkej. Niman ijkuak okimiktijkej okitemakak temakixtilistli desde ijkuak opeu in tlaltikpaktli.

El Apocalipsis 20:15

On yejuan xtlajkuilolnestikatka imintoka ipan on amamoxtli yejuan kijtoua akinomej kipiyaj yenkuik nemilistli para nochipa, ompa okominxinijkej ipan on tliko.