San Juan 17:8 - El Nuevo Testamento

⁸ pampa yonikinmakak motemachtil yejuan otinechmakak, niman yejuamej yokiselijkej. Aman yejuamej kimatij ika melauak motech oniualeu, niman kineltokaj ika tejua otinechajtitlan.

In yencuic iyectlajtoltzin Dios itech ica toTeco Jesucristo

⁸ pampa yoniquinmacac motemachtil yejhuan otinechmacac, niman yejhuamej yoquiselijquej. Aman yejhuamej quimatij ica melahuac motech onihualeu, niman quineltocaj ica tejhua otinechajtitlan.

San Juan 17:8 Iomraidhean Croise

San Mateo 13:11

Yejua okinmijlij: —Nemejuamej Dios yomechkauilij para nenkimatiskej on tlinon iyantikatka* kenijki yejua tlamandaroua. Pero yejuamej in tlakamej xkinkauilia ma kimatikan.

San Juan 12:49

Ijkon nochiuas pampa nejua xnikijtoua on tlen san nejua niknemilia, yej noTajtsin, yejuan onechajtitlan, yejua onechnauatij on tlen nikijtos niman nikteititis.

San Juan 14:10

¿Xtikneltoka ika nejua ninemi iuan noTajtsin niman noTajtsin nouan nemi? On tlajtlamach* tlen nemechijlia, xnejua notlajtol. On tekitl yejuan nikchiua, noTajtsin yejua kichiua notechkopa.

San Juan 15:15

Xok nemechtokayotis tekichijkej pampa sen tekichijketl xkimati tlinon kichiua iteko. Pero nemechtokayotia nennotlajsojkaikniuan pampa yonemechijlij nochi tlen noTajtsin onechijlij.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

San Juan 16:30

Aman tikmatij ika tejua tikmati nochi tlajtlamach*. Niman xpoliui yakaj itlaj mitstlajtoltis, pampa tikmati tlinon sen mitstlajtoltisneki ijkuak xe mitsnotsa. Yejua ika tikneltokaj ika otiualeu itech Dios.

San Juan 17:14

Nejua yonikinmakak motlajtoltsin, niman on tlaltikpaktlakamej kintlauelitaj, pampa yejuamej xok nouikaj ken on tlaltikpaktlakamej no ijki ken nejua xninouika ken on tlaltikpaktlakamej.

San Juan 17:18

Ijkon ken tejua otinechajtitlan kampa nemij in tlaltikpaktlakamej, no ijki nejua nikintitlani kampa nemij on tlaltikpaktlakamej.

San Juan 17:21

Nimitstlajtlanilia para nochimej yejuamej ma san sekan nemikan. NoTajtsin, yejuamej ma san sekan touan nemikan ijkon ken tejua tinemi nouan niman nejua mouan ninemi. Melauak tej, ma san sekan nemikan touan para on tlaltikpaktlakamej ma kineltokakan ika tejua otinechajtitlan.

San Juan 17:23

Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 3:17

Dios xokuajtitlan iKonetsin intech on tlaltikpaktlakamej para kintlajtlakolmakas, yej para on kimakixtis on tlaltikpaktlakamej.

San Juan 3:33

Pero tla yakaj kineltoka on tlen kijtoua on yejuan ouajtemok ne iluikak, kijtosneki ika Dios kijtoua on tlen melauak.

San Juan 6:68

Pero Simón Pedro okijlij: —NoTEKO, ¿akinon uelis tiaskej itech? San motlajtoltsin yejuan tikijtoua yejua kitemaka nemilistli yejuan para nochipa.

San Juan 8:42

Niman Jesús okinmijlij: —Tla melauak Dios nemoTajtsin yeskia, nemejuamej nennechtlajsojtlaskiaj*, pampa nejua niualeua itech Dios niman aman nikan ninemi. Xoniuajlaj san pampa oniknek, yej oniuajlaj pampa Dios onechajtitlan.

1 Corintios 11:23

Nejua yonemechmakak on temachtilistli yejuan onikselij itech toTEKO. In yejua on temachtilistli. Sano ipan on tlayoua, ijkuak toTEKO Jesús okitemaktilijkej, okontilan on pan,

1 Corintios 15:1

Aman nokniuan, nikneki nemechelnamiktis on kuajli tlajtojli yejuan kiteijlia ken Dios temakixtia yejuan ika onemechnojnots. In kuajli tlajtojli yejuan onenkiselijkej, niman aman ipan nenmelajkanemij.

1 Tesalonicenses 2:13

Niman no tikmakaj tlaxtlauijli Dios pampa ijkuak nemejuamej onenkiselijkej itlajtol yejuan tejuamej otemechmachtijkej, onenkiselijkej ken itlajtol yejua niman xken itlajtol yakaj tlakatl. Niman melauak yejua itlajtol Dios. Niman on itlajtol tekiti nemouan yejuan nentlaneltokaj.

1 Tesalonicenses 4:1

Aman nokniuan, in yejua sanoyej temechtlajtlaniliaj niman temechnauatiaj ikan itokatsin toTEKO Jesús, para sano ijki ken tejuamej otemechititijkej nenkipaktiskej Dios. Nochipa más ijki xchiuakan.

1 Juan 4:14

Niman sano tejuamej otikitakej iKonetsin Dios niman tiktepanextiliaj ika toTajtsin okuajtitlan para okinmakixtiko in tlaltikpaktlakamej.

El Apocalipsis 1:1

Ipan in tlajkuilolamatl nikijkuiloua on tlajtlamach* yejuan Dios okinek para JesuCristo ma kinmachisti on itekitkauan on tlen saniman nochiuas. Cristo okimachistij Juan in tlajtlamach* itechkopa sen ángel.