San Juan 17:6 - El Nuevo Testamento

⁶ On tlakamej yejuan tejua otinechinmakak intsajlan on tlaltikpaktlakamej onikinmachistij akin tejua. Moyaxkauan* katkaj, niman tejua otinechinmakak, niman yokitlakamatkej on tlen otikijtoj.

In yencuic iyectlajtoltzin Dios itech ica toTeco Jesucristo

⁶ On tlacamej yejhuan tejhua otinechinmacac intzajlan on tlalticpactlacamej oniquinmachiltij aquin tejhua. Moyaxcahuan catcaj, niman tejhua otinechinmacac, niman yoquitlacamatquej on tlen otiquijtoj.

San Juan 17:6 Iomraidhean Croise

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 12:28

NoTajtsin, xchiua para ma mitsueyilikan. Kemaj okakistik sen tlajtojli de ne iluikak yejuan okijtoj: “Yonikchiu para ma nechueyilikan, niman oksejpa nikchiuas para ma nechueyilikan.”

San Juan 15:19

Tla nemejuamej nemouikaskiaj ken on tlaltikpaktlakamej yejuan xnechneltokaj, yejuamej mechtlajsojtlaskiaj* ken yejuamej notlajsojtlaj. Pero nejua onemechtlapejpenij intsajlan on tlaltikpaktlakamej. Yejua ika, on tlaltikpaktlakamej mechtlauelitaj pampa xok nemouikaj ken yejuamej.

San Juan 15:3

Nemejuamej yonenchipajkej itechkopa on temachtijli yejuan yonemechijlij.

San Juan 15:7

’Tla nemejuamej nennemiskej nouan niman nenkejeuaskej notlajtol ipan nemoyojlo, nenueliskej nentlajtlaniskej san tlen nenkinekiskej, niman noTajtsin mechmakas.

San Juan 17:12

Ijkuak nejua iminuan ninemiya ipan in tlaltikpaktli, on yejuan otinechinmakak onikinmanauij ikan mopoder. Onikinmanauij niman nion se xopoliu, yej san opoliu on yejuan ye ijki onkatka para poliuis para onocumpliroj on tlen kijtoua on Yektlajkuilojli.

San Juan 17:14

Nejua yonikinmakak motlajtoltsin, niman on tlaltikpaktlakamej kintlauelitaj, pampa yejuamej xok nouikaj ken on tlaltikpaktlakamej no ijki ken nejua xninouika ken on tlaltikpaktlakamej.

San Juan 17:16

Ijkon ken nejua xninouika ken on tlaltikpaktlakamej, yejuamej no xnouikaj ken on tlaltikpaktlakamej.

San Juan 17:2

Tejua tej, yotinechmakak poder para nikmandaros nochi tlakatl, niman para nikinmakas nemilistli para nochipa on yejuan yotinechinmakak.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 17:26

Yonikinmachistij akin tejua, niman sanken* moka nitemachistis para on tetlajsojtlalistli* yejuan tinechpiyalia ma kipiyakan, niman para sano nejua intech ma ninemi.

San Juan 17:7

Aman kimatstokej ika nochi tlajtlamach* yejuan otinechmakak ualeua motech,

San Juan 18:9

In onochiu san para onocumpliroj on tlen Jesús okijtoka: “On yejuan otinechinmakak nion se xopoliu.”

San Juan 6:37

Nochimej on kech nechinmakas noTajtsin uajlaskej notech, niman on yejuan uajlaskej notech nikinselis.

San Juan 6:39

Niman noTajtsin yejuan onechajtitlan xkineki nikpolos nion se on yejuan onechinmakak, yej ipan on sa ika nochi tonajli ma nikinyoliti niman ma nikinketsteua ipan intlalkon.

San Juan 8:51

Ika tlen melauak nemechijlia ika yejuan kichiua on tlen nejua nikijtoua, xkaman mikis.

San Juan 8:52

Ijkuakon on hebreos* okijlijkej: —Aman kuajli tikmatij ika tikpiya sen xkuajli espíritu. Abraham niman nochimej on tiotlajtojkej omikkej, niman tejua tikijtoua: “Yejuan kichiua on tlen nejua nikijtoua, xkaman mikis.”

Hechos 13:48

Niman ijkuak yejuamej on yejuan xhebreos okakkej on tlajtojli, opakkej niman opejkej kijtouaj ika on itlajtoltsin toTEKO sanoyej kuajli. Niman otlaneltokakej nochimej on yejuan Dios okintlapejpenij para kipiyaskej nemilistli para nochipa.

Romanos 11:2

Ijkuak xe onkatka in tlaltikpaktli, Dios ye kimatstikatka ika on hebreos* iyaxkauan* yeskej. Dios tej, xokintlalkauij on yejuan iyaxkauan. ¿Tlen xnenkimatij tlinon kijtoua on Yektlajkuilojli kampa Elías ikan ioración okinteixpanuij on hebreos*? Ijkin tej, okijtoj Elías:

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.

Colosenses 3:16

Xselikan nochi itemachtil Cristo ipan nemoyojlo. Xmomachtikan niman xmoyoleuakan iuan oksekimej ikan nochi tlamatkilistli*. Xmokuikatikan itech Dios ikan tlaxtlauijli ipan nemoyojlo. Xmokuikatikan salmos, himnos niman coros de yekteneualistli itech Dios.

2 Timoteo 1:13

No ijki, xmouika ipan on ejemplo yejuan onimitsmachtij itech on kuajli temachtilistli, niman xmokaua ipan on tlaneltoktli niman tetlajsojtlalistli* yejuan tikpiyaj pampa tinemij iuan Cristo Jesús.

Hebreos 2:12

Ipan in Yektlajkuilojli JesuCristo kijlia Dios: Nikimijlis on nokniuan akin tejua. Niman nimitsyekteneuas ikan kuikatl intsajlan on tlaneltokakej kampa nosentlaliaj.

Hebreos 3:6

Pero Cristo yejuan yolchipauak tekoneu, kuajli okichiu nochi itekiu yejuan Dios okimakak intech ikoneuan. Tejuamej tiikoneuan tla tikejeuaj totlaneltok niman totlamachalis* yejuan tikpiyaj.

1 Pedro 1:1

Nejua, Pedro, niiapóstol* JesuCristo. Nemechtlajkuiluiya nemejuamej yejuan xnenchantij nemochan, yej nenchantij tlajtlauis imanian iueyitlalpan Ponto, Galacia, Capadocia, Asia niman Bitinia.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

El Apocalipsis 2:13

Nejua nikmatstikaj nochi tlen tikchiua niman no nikmatstikaj kanon tichanti. Tichanti kampa on Satanás kipiya itrono. Pero maski nepa tichanti, notech tikuajpixtiu motlaneltok. Maski okimiktijkej Antipas, on yejuan melauak notenojnotsakau, ompa kampa chanti Satanás, tejua xotinechkau.

El Apocalipsis 3:10

Pampa yotiktlakamat notlanauatil para tikxikoua tlajyouilistli, nejua no nimitsmanauis ipan on hora ijkuak yejkos on tlajyouilistli yejuan nochi tlajtlakolej ipan uajlas. Yejua on tlajyouilistli onyas, para nochi tlaltikpaktlakatl notlatlatas.

El Apocalipsis 3:8

Yejua ijkin mitsijlia: Nejua nikmatstikaj nochi tlen tikchiua. Aman xkaki, nejua yonimitstlapouilij sen tsakuijlotl* yejuan xakaj uelis kitsakuas. Maski tejua xmás tikojtik, tiktlakamati notemachtil, niman xtinechneneki*.