San Juan 17:25 - El Nuevo Testamento

²⁵ NoyekTajtsin, on tlaltikpaktlakamej xmitsixmatij, pero nejua nimitsixmati, niman in yejuan achtopa otinechinmakak ye kimatstokej ika tejua otinechajtitlan.

In yencuic iyectlajtoltzin Dios itech ica toTeco Jesucristo

²⁵ NoyecTajtzin, on tlalticpactlacamej xmitzixmatij, pero nejhua nimitzixmati, niman yejhuamej in yejhuan achtopa otinechinmacac ye quimatztoquej ica tejhua otinechajtitlan.

San Juan 17:25 Iomraidhean Croise

San Mateo 11:27

’NoTajtsin, yonechmakak nochi tekiuajyotl ipan nochi tlajtlamach*. Xakaj nechixmati, nejua yejuan niiKoneu, yej san yejua on noTajtsin. Niman xakaj kixmati noTajtsin, yej san nejua yejuan niiKoneu niman on yejuan nikintlapejpenia para nikchiua no ma kixmatikan.

San Mateo 16:16

Kemaj, Simón Pedro okijlij: —Tejua tiCristo yejuan Dios okitlapejpenij para temakixtis. Tejua tiiKonetsin Dios yejuan melauak nemi.

San Lucas 10:22

Kemaj Jesús okijtoj: —NoTajtsin onechmaktilij nochi tlajtlamach*. Xakaj kimati akinon nejua yejuan niteKoneu, yej san noTajtsin. Niman xakaj kimati akinon noTajtsin, yej san nejua yejuan niteKoneu, niman on yejuan nikneki nikimpanextilia.

San Juan 1:18

Xkaman yakaj kitaya Dios. Pero isenTekonetsin yejuan toTajtsin sanoyej kitlajsojtla* yejua yokiteititij.

San Juan 15:21

Nochi in mechchiuiliskej san nopampa, pampa xkixmatij on yejuan onechajtitlan.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

San Juan 16:3

Yejua in kichiuaskej pampa xkaman okixmatkej noTajtsin nion nejua.

San Juan 16:30

Aman tikmatij ika tejua tikmati nochi tlajtlamach*. Niman xpoliui yakaj itlaj mitstlajtoltis, pampa tikmati tlinon sen mitstlajtoltisneki ijkuak xe mitsnotsa. Yejua ika tikneltokaj ika otiualeu itech Dios.

San Juan 17:11

’Aman nejua niau para mouan nonemis. Xok ninokauas ipan in tlaltikpaktli, pero yejuamej nokauaskej ipan in tlaltikpaktli. NoyekTajtsin, xkinmanaui ikan mopoder yejuan otinechinmakak para san sekan ma nemikan ijkon ken tejua nouan tinemi.

San Juan 17:18

Ijkon ken tejua otinechajtitlan kampa nemij in tlaltikpaktlakamej, no ijki nejua nikintitlani kampa nemij on tlaltikpaktlakamej.

San Juan 17:21

Nimitstlajtlanilia para nochimej yejuamej ma san sekan nemikan. NoTajtsin, yejuamej ma san sekan touan nemikan ijkon ken tejua tinemi nouan niman nejua mouan ninemi. Melauak tej, ma san sekan nemikan touan para on tlaltikpaktlakamej ma kineltokakan ika tejua otinechajtitlan.

San Juan 17:23

Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 17:8

pampa yonikinmakak motemachtil yejuan otinechmakak, niman yejuamej yokiselijkej. Aman yejuamej kimatij ika melauak motech oniualeu, niman kineltokaj ika tejua otinechajtitlan.

San Juan 3:17

Dios xokuajtitlan iKonetsin intech on tlaltikpaktlakamej para kintlajtlakolmakas, yej para on kimakixtis on tlaltikpaktlakamej.

San Juan 6:19

Niman ijkuak yokinejnenkej kanaj makuijli noso chikuasen kilómetros, okitakej Jesús nejnentiu ipan on atl niman ye kinisiuijtiaya on barco. Niman yejuamej onomojtijkej.

San Juan 7:29

Pero nejua kemaj nikixmati pampa itech niualeua, niman yejua onechajtitlan.

San Juan 8:19

Kemaj okitlajtoltijkej: —¿Kanon nemi moTajtsin? Jesús okinnankilij: —Nemejuamej xnennechixmatij, nion noTajtsin xnenkixmatij. Tla nennechixmatiskiaj, no nenkixmatiskiaj noTajtsin.

San Juan 8:55

Nemejuamej xnenkixmatij, pero nejua, kemaj nikixmati. Tla nikijtoskia xnikixmati, tla ijkon, nitlakajkayajki yeskia no ken nemejuamej. Pero nejua melauak nikixmati niman nikchiua nochi on tlen yejua kijtoua.

Hechos 17:23

Ijkin nikijtoua pampa kampaka oniuajpanotiaj onikitak miyekan kampa nenkinmauistiliaj nemodioses. Niman no onikitak sen tlaixpan* kampa tlajkuilolnestikaj in tlajtojli: “Para on Dios yejuan xakaj kixmati.” On tej, yejuan nemejuamej nenkimauistiliaj maski xnenkixmatij, on yejua Dios yejuan nejua nemechmachistia.

Hechos 26:18

Nejua intech nimitstitlani para tikintitis on tlen melauak. Ijkon tej, tikintitis para xok yaskej ipan on ojtli yejuan kinuika para mikilistli, yej para uelis kajsiskej on ojtli yejuan kinuikas ipan temakixtilistli. No ijki tej, tikintitis para maka sa ma kinyekana ipoder on Satanás, yej ma kitokatiakan Dios. Ijkon tej, nochimej on yejuan nechneltokaj kiseliskej on tetlapojpoluilistli de on intlajtlakol niman sen chanyotl* intsajlan on yolchipajkej.”

Romanos 1:28

Pampa xok kinekij kimatiskej tlajtlamach* de Dios, Dios okinkau okinemilijkej on tlen sanenkaj. Yejua ika, yejuamej kichiuaj on tlen xkitocaroua kichiuaskej.

Romanos 3:11

Xnemi yejuan kajsikamati iojui Dios; xnemi yejuan kineki kitejtemos Dios.

Romanos 3:26

Aman ipan in tonaltin kiteititia ika yejua yolmelajki niman kinmijlia yejuan kineltokaj Cristo ika nochi intlajtlakoluan yokimpopoloj.

1 Corintios 1:21

Dios ikan itlamatkilis* xokinkauilij on tlakamej ma kixmatikan on tlamatkilistli yejuan kisa ipan in tlaltikpaktli. Yej Dios okitlalij iyojlo para kinmakixtis on yejuan tlaneltokaj itechkopa on temachtijli yejuan tikteijliaj, maski yejua in temachtijli nesi ken xitlaj* kijtosneki para on tlaltikpaktlakamej.

1 Corintios 15:34

Xmelajkatlalikan nemotlamachilis niman maka sa xchiuakan tlajtlakojli. Sekimej nemejuamej xnenkixmatij Dios, niman in nikijtoua para xpinauakan.

2 Corintios 4:4

Satanás, yejuan imindios on tlaltikpaktlakamej, yokintlamachilispoloj para maka kajsikamatiskej on kuajli tlajtojli yejuan kipantlantia iueyilis Cristo. Niman Cristo kipanextia Dios.

2 Tesalonicenses 1:8

Uajlas ikan tlitl para kinuajcastigaros on yejuan xkiseliaj Dios niman on yejuan xkitlakamatij on kuajli tlajtojli itech ika toTEKO JesuCristo.

Hebreos 8:11

Niman xok nonekis yakaj kimachtis icompañero noso yakaj ikniu, niman ijkin kijlis: Xkixmati toTEKO, pampa nochimej nechixmatiskej. Desde on más pitentsin hasta on yejuan más ueyi nechixmatis.

1 Juan 1:9

Pero tla titoyolkuitiaj itech Dios, yejua kichiuas on tlen okijtoj. Yejua kiyekchiuas niman techtlapojpoluilis totlajtlakoluan, niman techchipauas de nochi tlen xkuajli.

El Apocalipsis 13:8

Nochimej yejuan chantij ipan in tlaltikpaktli, kimauistiliskej on xkuajli yolki, on yejuan xtlajkuilolnestokej intoka ipan on amamoxtli*, yejuan kijtoua akinomej kipiyaj nemilistli para nochipa. In amamoxtli* iyaxka* on Borreguito yejuan okimiktijkej. Niman ijkuak okimiktijkej okitemakak temakixtilistli desde ijkuak opeu in tlaltikpaktli.

El Apocalipsis 16:5

Kemaj on ángel yejuan cuidarouaya on atl onikak okijtoj: Tejua toTEKO Dios yolchipauak yejuan aman nemi niman nochipa nemiya, otitetlaxtlauilij ken kitocaroua.