San Juan 17:23 - El Nuevo Testamento

²³ Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

In yencuic iyectlajtoltzin Dios itech ica toTeco Jesucristo

²³ Nejhua ninemi inhuan niman tejhua tinemi nohuan para yejhuamej huajnochihua san se niman ijqui on tlalticpactlacamej huelis quimatisquej ica tejhua otinechajtitlan, niman ica moconehuan tiquintlajsojtla quen nejhua tinechtlajsojtla.

San Juan 17:23 Iomraidhean Croise

San Juan 10:38

Pero tla melauak nikchiua itekiu, xneltokakan on tlen nikchiua maski xnenkinneltokaj on tlen nemechijlia. Ijkon tej, xneltokakan para xmatikan ika melauak noTajtsin nouan nemi, niman nejua iuan ninemi.

San Juan 13:35

Tla nemotlajsojtlaj inuan oksekimej, nochi tlakatl kitas ika nennotemachtijkauan.

San Juan 14:10

¿Xtikneltoka ika nejua ninemi iuan noTajtsin niman noTajtsin nouan nemi? On tlajtlamach* tlen nemechijlia, xnejua notlajtol. On tekitl yejuan nikchiua, noTajtsin yejua kichiua notechkopa.

San Juan 14:23

Jesús okijlij: —Yejuan nechtlajsojtla* kejeuas on tlen nikijtoua. Niman noTajtsin kitlajsojtlas, niman noTajtsin niman nejua tiuajlaskej para iuan tichantiskej.

San Juan 15:9

Nejua nemechtlajsojtla* ijkon ken noTajtsin nechtlajsojtla*. Tla ijkon tej, nochipa xmokauakan ipan notetlajsojtlalis.

San Juan 16:27

pampa sano yejua toTajtsin mechtlajsojtla*. Mechtlajsojtla pampa nemejuamej nennechtlajsojtlaj niman nenkineltokaj ika nejua itech oniualeu.

San Juan 17:11

’Aman nejua niau para mouan nonemis. Xok ninokauas ipan in tlaltikpaktli, pero yejuamej nokauaskej ipan in tlaltikpaktli. NoyekTajtsin, xkinmanaui ikan mopoder yejuan otinechinmakak para san sekan ma nemikan ijkon ken tejua nouan tinemi.

San Juan 17:21

Nimitstlajtlanilia para nochimej yejuamej ma san sekan nemikan. NoTajtsin, yejuamej ma san sekan touan nemikan ijkon ken tejua tinemi nouan niman nejua mouan ninemi. Melauak tej, ma san sekan nemikan touan para on tlaltikpaktlakamej ma kineltokakan ika tejua otinechajtitlan.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 17:26

Yonikinmachistij akin tejua, niman sanken* moka nitemachistis para on tetlajsojtlalistli* yejuan tinechpiyalia ma kipiyakan, niman para sano nejua intech ma ninemi.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 17:8

pampa yonikinmakak motemachtil yejuan otinechmakak, niman yejuamej yokiselijkej. Aman yejuamej kimatij ika melauak motech oniualeu, niman kineltokaj ika tejua otinechajtitlan.

San Juan 3:17

Dios xokuajtitlan iKonetsin intech on tlaltikpaktlakamej para kintlajtlakolmakas, yej para on kimakixtis on tlaltikpaktlakamej.

San Juan 6:56

Yejuan kikua nonakayo niman koni noyesyo nemis san sekan nouan, niman nejua no ninemis san sekan iuan.

1 Corintios 1:30

Pero sano yejua Dios yomechsentlalij iuan Cristo Jesús. Niman itechkopa Cristo tikpiyaj tlamatkilistli, yolmelaualistli niman yolchipaualistli. Niman no itechkopa okitlaxtlau totlajtlakol ikan iyesyo.

2 Corintios 5:21

Maski Cristo xokichiu nion se tlajtlakojli, Dios san topampa okimakak castigo ken tlajtlakolej yeskia. In onochiu para Dios ma techseli ken tiyolmelajkej ijkuak san sekan tinemij iuan Cristo.

Gálatas 3:28

Aman xitlaj kijtosneki tla nenhebreos* noso xnenhebreos*, nenesclavos noso xnenesclavos, nentlakamej noso nensiuamej. Xitlaj kijtosneki, pampa tla nennemij san sekan iuan Cristo Jesús, nochimej nemejuamej san sekan nennemij inuan oksekimej.

Filipenses 3:15

Ijkon tej, nochimej nemejuamej yejuan kuajli yochikau nemotlaneltok, no ijki noneki xnemilikan ken nejua niknemilia. Tla itlaj oksekneka nenkinemiliaj, Dios no mechititis tlen kuajli.

Colosenses 1:28

Tejuamej titenojnotsaj itechkopa Cristo. Tikintlakanonotsaj nochimej, niman tikinmachtiaj cada se ikan nochi totlamatkilis* para tikinmajxitiskej kuajkualtin ixpan Cristo.

Colosenses 2:2

Nikinnekilia para yejuamej ma noyoleuakan, niman ma kuajli san sekan nemikan ikan tetlajsojtlalistli*. Nikneki para kipiyaskej on riqueza de kajsikamatilistli para uelis kimatiskej on tlen Dios kiyantikatka yejuan sano yejua Cristo.

Colosenses 3:14

In yejua más ueyi kijtosneki, xmotlajsojtlakan* iuan oksekimej, pampa on tetlajsojtlalistli* yejua más kuajli kichiua para melauak notlajsojtlalo.

1 Pedro 5:10

Sakin ijkuak nemejuamej yonentlajyouijkej ipan achijtsin tiempo, sano yejua Dios mechkueltlalis, mechmelajkapiyas, mechkojtilis, niman mechyektlalis ipan nemotlaneltok. Sano yejua Dios techmaka nochi iteiknelilis*, niman otechnots para tikpiyaskej iueyilis yejuan para nochipa onyas itechkopa Cristo.

1 Juan 1:3

Temechijliaj tej, on tlen otikitakej niman otikakkej, para nemejuamej san sekan touan xnemikan, ijkon ken tejuamej tinemij san sekan iuan Dios toTajtsin niman iuan iKonetsin JesuCristo.

1 Juan 3:1

¡Xmatikan kenijki sanoyej* techtlajsojtla* Dios toTajtsin, hasta techtokayotiaj tiikoneuan Dios, niman melauak tiikoneuan! Yejua ika, on tlaltikpaktlakamej xtechixmatij pampa no xkixmatij Dios.

1 Juan 4:19

Tejuamej tiktlajsojtlaj Dios pampa yejua achtopa otechtlajsojtlak.

El Apocalipsis 3:9

Xkinta tej, on xkuajkualtin tlakamej yejuan nemij ipan isinagoga* Satanás. Yejuamej noteneuaj hebreos*, pero xnejli hebreos*. Yejuamej tlakajkayajkej. Nikchiuas para mokxitlan ma notlakuantelketsakan, para ijkon kimatiskej ika nimitstlajsojtla*.