San Juan 17:22 - El Nuevo Testamento

²² Yejuamej yonikinmakak sano yejua on ueyilistli yejuan tejua otinechmakak para san sekan ma nemikan, ijkon ken tejua niman nejua tinemij san seknek.

In yencuic iyectlajtoltzin Dios itech ica toTeco Jesucristo

²² Yejhuamej yoniquinmacac sa no yejhua on hueyilistli yejhuan tejhua otinechmacac para san secan ma nemican, ijcon quen tejhua niman nejhua tinemij san secnec.

San Juan 17:22 Iomraidhean Croise

San Marcos 6:7

Niman kemaj okinsentlalij on majtlaktli uan ome inomachtijkauan*, niman opeu kintijtitlani ojomemej. Niman yejua okinmakak poder para ma kintekixtilikan on xkuajkualtin espíritus.

San Lucas 22:30

Nenmatliskej niman nentlakuaskej ipan nomesa. Niman nemotlaliskej ipan on uejueyixtokej sietas para nenkinyolkuitiskej niman nenkintlajtlakolmakaskej on majtlaktli uan ome tribus* de Israel.

San Juan 1:14

Niman on yejuan Tlajtojli onochiu tlakatl niman totsajlan onen. Yejua sanoyej* otetlajsojtlak* niman otemachtij tlen melauak. Niman otikitakej iueyilis. On ueyilistli yejua kipiya, pampa yejua isenTekoneu toTajtsin.

San Juan 1:16

Tinochimej tikselijtiuij nochi on tlajtlamach* tlen kuajli yejua kipiya ikan iueyitetlajsojtlalis* yejuan xtechtocarouaya tikseliskej.

San Juan 14:20

Ipan on tonajli nemejuamej nenkimatiskej ika ninemi iuan noTajtsin, niman nemejuamej nouan nennemij, niman nejua ninemi nemouan.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

Hechos 5:41

On apóstoles* ouajkiskej ne imixpan on más uejueyi tekiuajkej ipan on Sanedrín* ikan paktli, pampa Dios okinkauilij okimpijpinauijkej pampa kineltokayaj Jesús.

Romanos 8:30

Ijkon tej, Dios okinnots on yejuan okintlalij para nemiskej ken iKonetsin. Xsan okinnots, yej kijtoua ika nochi intlajtlakoluan yokintlapojpoluij niman on yejuan kijtoua ika nochi intlajtlakoluan yokintlapopoluij no okinmakakak ueyilistli.

2 Corintios 3:18

Tinochimej tejuamej yopoliu topan on tela para otitochijkej ken itlaj espejo yejuan ipan ueli petlani iueyilis toTEKO. Niman titochijtiuij más ken yejua ipan itlachalis pampa tikpiyaj más niman más de iueyilis. Niman in kichiua toTEKO yejuan Espíritu.

2 Corintios 5:20

Ijkon tej, Cristo otechtlalij para tiitenojnotskauan. Niman aman sano Dios mechnojnotsa totechkopa. Aman tej, sanoyej temechtlajtlaniliaj ken technauatia Cristo: xkauilikan Dios ma tlauelseui nemouan, niman ma mechseli ikan yolseuilistli.

2 Corintios 6:1

Ijkon tej, pampa titekitij ipan itekiu Dios, sanoyej* temechtlajtlaniliaj maka san xkauilmatikan iueyitetlajsojtlalis* yejuan xtechtocarouaya tikseliskej,

Efesios 2:20

Nemejuamej nemochiuaj itiopan Dios yejuan ken sen kajli yejuan onkaj ipan sen cimiento*. On cimiento sano yejua on temachtijli yejuan on apóstoles* niman on tiotlajtojkej okitlalijkej. Niman iesquineroj on cimiento* sano yejua Cristo Jesús.

Filipenses 1:29

Ipampa Cristo, Dios omechkauilij xsan para nenkineltokaskej Cristo, yej para no nentlajyouiskej ipampa.

Colosenses 1:24

Aman sanoyej nipaki ika on tlen nemopampa nikijyouiya. Aman ikan notlalnakayo nikajxitijtias on tlajyouilistli yejuan kijyouiya Cristo impampa on tlaneltokakej yejuan nochiuaj itiopan.

1 Juan 1:3

Temechijliaj tej, on tlen otikitakej niman otikakkej, para nemejuamej san sekan touan xnemikan, ijkon ken tejuamej tinemij san sekan iuan Dios toTajtsin niman iuan iKonetsin JesuCristo.

1 Juan 3:24

On yejuan kitlakamatij itlanauatiluan Dios, san sekan nochipa iuan nemij, niman Dios san sekan nochipa inuan nemi. Niman itechkopa iEspíritu yejuan otechmakak tikmatstokej ika yejua touan nemi.

1 Juan 4:17

Tla tiktlajsojtlaj Dios niman no tikintlajsojtlaj tokniuan ikan nochi toyojlo ken yejua kineki, xtitomojtiskej ixpan Dios ipan on tonajli ijkuak teyolkuitis. Xtitomojtiskej ipan on tonajli pampa titetlajsojtlaj nikan ipan in tlaltikpaktli ken Cristo tetlajsojtla.

El Apocalipsis 21:14

Kampa peua icimiento itepanchinan on ueyikalpan, onkatkaj majtlaktli uan ome temej. Niman ipan cada tetl tlajkuilolnestikatka sen itoka de on majtlaktli uan ome iapóstoles* on Borreguito.