San Juan 17:2 - El Nuevo Testamento

² Tejua tej, yotinechmakak poder para nikmandaros nochi tlakatl, niman para nikinmakas nemilistli para nochipa on yejuan yotinechinmakak.

In yencuic iyectlajtoltzin Dios itech ica toTeco Jesucristo

² Tejhua, tej, yotinechmacac on poder ipan nochi tlacatl, para niquinmacas nemilistli para nochipa nochimej on yejhuan yotinechinmacac.

San Juan 17:2 Iomraidhean Croise

San Mateo 11:27

’NoTajtsin, yonechmakak nochi tekiuajyotl ipan nochi tlajtlamach*. Xakaj nechixmati, nejua yejuan niiKoneu, yej san yejua on noTajtsin. Niman xakaj kixmati noTajtsin, yej san nejua yejuan niiKoneu niman on yejuan nikintlapejpenia para nikchiua no ma kixmatikan.

San Mateo 25:46

Ijkon tej, yejuamej in yejuan xyolchipajkej yaskej ne kampa nochipa nemiskej ipan tlajyouilistli, pero on yejuan yolchipajkej yaskej ne kampa nochipa kipiyaskej on nemilistli.

San Mateo 28:18

Kemaj Jesús okinnisiuij, niman okinmijlij: —Nejua yonechmakakej nochi tekiuajyotl para nitlamandaros ne iluikak niman nikan ipan in tlaltikpaktli.

San Juan 17:24

’NoTajtsin, nikneki para on yejuan otinechinmakak nouan nemiskej kampa ninemis para ma kitakan on ueyilistli yejuan otinechmakak. Nikpiya on ueyilistli pampa otinechtlajsojtlak desde ijkuak in tlaltikpaktli xe onkatka.

San Juan 17:6

On tlakamej yejuan tejua otinechinmakak intsajlan on tlaltikpaktlakamej onikinmachistij akin tejua. Moyaxkauan* katkaj, niman tejua otinechinmakak, niman yokitlakamatkej on tlen otikijtoj.

San Juan 17:9

’Nejua impampa nitlajtlani motech. Xniktlajtlani impampa on tlaltikpaktlakamej, yej impampa on yejuan otinechinmakak pampa yejuamej moyaxkauan*.

San Juan 3:35

On Tajtli kitlajsojtla* iKonetsin, niman yokimaktilij nochi itekiuajyo ipan nochi tlen onkaj.

San Juan 4:14

Pero akin konis on atl yejuan nikmakas xkaman amikis, pampa on atl yejuan nikmakas yejua ijtik ken itlaj ameyajli yejuan kimakas nemilistli para nochipa.

San Juan 6:27

Maka xtekitikan ipampa on tlakuajli yejuan saniman tlami, yej xtekitikan ipampa on tlakuajli yejuan kisa itech Dios yejuan kitemaka nemilistli para nochipa. Nejua yejuan oninochiu Tlakatl nemechmakas in tlakuajli pampa noTajtsin onechmakak tlanauatijli para ijkin nikchiuas.

San Juan 6:37

Nochimej on kech nechinmakas noTajtsin uajlaskej notech, niman on yejuan uajlaskej notech nikinselis.

San Juan 6:39

Niman noTajtsin yejuan onechajtitlan xkineki nikpolos nion se on yejuan onechinmakak, yej ipan on sa ika nochi tonajli ma nikinyoliti niman ma nikinketsteua ipan intlalkon.

Romanos 6:23

On tlajtlakojli kitemaka ken tlaxtlauijli mikilistli, pero itetlayokolil Dios kitemaka nemilistli yejuan para nochipa. Niman on nemilistli tikseliaj itechkopa toTEKO JesúCristo.

1 Corintios 15:25

Cristo ika onkaj tlamandaros hasta ijkuak Dios kintlajkalis ikxitlan nochimej on itlauelikniuan niman kitlakamatiskej.

Efesios 1:20

ijkuak okiyoliuitij* niman okuiteu Cristo ipan itlalkon, niman okitlalij iyekmakopa ne iluikak.

Filipenses 2:10

Yejua ika, ijkuak kakiskej kiteneuaj iTokatsin, nochimej on yejuan nemij iluikak niman ipan in tlaltikpaktli, niman no yejuan yomikkej, ma notlakuantelketsakan ixpan.

1 Timoteo 1:16

Yejua ika, Dios onechiknelij, nejua yejuan más niueyi tlajtlakolej, para JesuCristo ouel okiteititij nochi iijyouilis. Ijkon tej, nejua niejemplo para yejuamej on yejuan kineltokaskej JesuCristo niman kipiyaskej nemilistli para nochipa.

Hebreos 1:2

Pero aman ipan in sa ika nochi tiempo, Dios yotechnojnots itechkopa iKonetsin. Dios okichijchiu nochi tlen onkaj itechkopa, niman aman yokimaktilij nochi.

1 Pedro 3:22

Aman Cristo nemi ne iluikak iyekmakopa Dios kampa kinmandaroua on ángeles niman on tekiuajkej niman on yejuan kipiyaj poder.

1 Juan 1:2

JesuCristo yejua nemilistli. Yejua onopantlantij niman tejuamej otikitakej. Aman temechmachistiaj ika melauak otikitakej. Yejua nemilistli yejuan para nochipa. In nemilistli onkatka itech toTajtsin, niman aman sano yejua onopanextij totech.

1 Juan 2:25

Niman JesuCristo okitlalij ipan ipromesa ika techmakas yenkuik nemilistli para nochipa.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

Judas 1:21

Xnemilikan nochipa kenijki nenueliskej nenkiseliskej itetlajsojtlalis* Dios. Niman xchakan on yenkuik nemilistli para nochipa yejuan toTEKO JesuCristo techmakas ikan iteiknelilis*.