San Juan 17:11 - El Nuevo Testamento

¹¹ ’Aman nejua niau para mouan nonemis. Xok ninokauas ipan in tlaltikpaktli, pero yejuamej nokauaskej ipan in tlaltikpaktli. NoyekTajtsin, xkinmanaui ikan mopoder yejuan otinechinmakak para san sekan ma nemikan ijkon ken tejua nouan tinemi.

In yencuic iyectlajtoltzin Dios itech ica toTeco Jesucristo

¹¹ ’Aman nejhua niau para mohuan ninemis. Xoc ninocahuas ipan in tlalticpactli, pero yejhuamej nocahuasquej ipan in tlalticpactli. NoyecTajtzin, xquinmanahui ican mopoder yejhuan otinechinmacac para san secan ma nemican ijcon quen tejhua nohuan tinemi.

San Juan 17:11 Iomraidhean Croise

San Mateo 10:16

’¡Xkakikan! Nejua nemechtitlani intsajlan on xkuajkualtin tlakamej ken itlaj borreguitos yejuan kistinemij intsajlan on lobos. Yejua ika kuajli xmocuidarokan sano nemejuamej ken on kouamej* niman xyolyemankej* ken on palomas.

San Mateo 5:48

Nemejuamej tej, xnemikan yolchipakej niman xmochiuakan kuajkualtin ipan nochi tlajtlamach* para nennemiskej ken nemoTajtsin iluikak chanej.

San Mateo 6:9

Yejua ika tej, ijkin xchiuakan oración: ToTajtsin, akin tinemi ne iluikak, ma mitsyekteneua nochi tlakatl.

San Juan 13:1

Sa se tonajli poliuiya ijkuak on hebreos* kichiuaj on iluitl itoka Pascua*. Jesús kimatstikatka ika yoyejkok on tiempo para yejua kajteuas in tlaltikpaktli niman yas itech iTajtsin. Yejua nochipa okintlajsojtlak* on iyaxkauan* yejuan nemij ipan in tlaltikpaktli, niman aman kintitia kech ika sanoyej* kintlajsojtla.

San Juan 14:20

Ipan on tonajli nemejuamej nenkimatiskej ika ninemi iuan noTajtsin, niman nemejuamej nouan nennemij, niman nejua ninemi nemouan.

San Juan 16:28

Melauak nejua onikis itech noTajtsin niman oniuajlaj ipan in tlaltikpaktli. Niman aman nikajteuas in tlaltikpaktli niman oksejpa nias itech noTajtsin.

San Juan 16:33

Nochi in nemechijlia para nenkipiyaskej yolseuilistli, pampa san sekan nennemij nouan. Ipan in tlaltikpaktli nentlajyouiskej, pero xpiyakan yolchikaualistli pampa nejua yoniktlan ipoder in tlaltikpaktli.

San Juan 17:23

Nejua ninemi iminuan niman tejua tinemi nouan para yejuamej uajnochiuaj melauak san se niman ijki on tlaltikpaktlakamej uelis kimatiskej ika tejua otinechajtitlan, niman ika mokoneuan tikintlajsojtla* ken nejua tinechtlajsojtla.

San Juan 17:25

NoyekTajtsin, on tlaltikpaktlakamej xmitsixmatij, pero nejua nimitsixmati, niman in yejuan achtopa otinechinmakak ye kimatstokej ika tejua otinechajtitlan.

San Juan 17:6

On tlakamej yejuan tejua otinechinmakak intsajlan on tlaltikpaktlakamej onikinmachistij akin tejua. Moyaxkauan* katkaj, niman tejua otinechinmakak, niman yokitlakamatkej on tlen otikijtoj.

San Juan 7:33

Niman Jesús okijtoj: —Sa keski tonajli nemouan ninemis, niman kemaj nias itech on yejuan onechajtitlan.

Hechos 3:21

Pero Cristo ika onkaj nokauas ne iluikak hasta ijkuak Dios nochi tlajtlamach* kuajli kitlalis, ijkon ken okijtoj intechkopa on iyektiotlajtojkauan yejuan onenkej ye uejkaui.

Romanos 12:5

Aman no ijki, maski tejuamej timiyekej, san se tlalnakayotl tiuajtochiuaj iuan Cristo. Ijkon tej, ipan sen tlalnakayotl tisesentenemij niman titopaleuiyaj iuan cada se.

Romanos 9:17

Ipan in Yektlajkuilojli Dios ijkin okijlij on rey de Egipto: “Nejua onimitstlalij tirey, san para niuelis nikpantlantis nopoder itechkopa on milagros* yejuan mopan nikchiuas. Niman ijkin nochimej kimatiskej akin nejua imanian nochi in tlaltikpaktli.”

1 Corintios 1:10

Nokniuan, sanoyej* nemechtlajtlanilia ikan itokatsin toTEKO JesuCristo, kuajli xmouikakan niman maka xxexelijtiakan. Yej san se tlanemilijli niman nemoyojlo xpiyakan.

Gálatas 3:28

Aman xitlaj kijtosneki tla nenhebreos* noso xnenhebreos*, nenesclavos noso xnenesclavos, nentlakamej noso nensiuamej. Xitlaj kijtosneki, pampa tla nennemij san sekan iuan Cristo Jesús, nochimej nemejuamej san sekan nennemij inuan oksekimej.

Efesios 4:4

Nochimej nemejuamej san se tiopan nemochiuaj itech Dios, niman san se Espíritu mechsentlalia, no ijki san se tlamachalistli* omechmakak Dios.

Filipenses 2:9

Yejua ika, Dios okimakak más ueyilistli yejuan xakaj okse kipiya, niman itokatsin yejua más ueyi kijtosneki xken yakaj okse kipiya itoka.

Hebreos 1:3

Cristo yejua kipantlantia iueyilis Dios niman sano yejua kixneskayotia* nochi kenijki nemi Dios. Niman no yejua kejeua nochi on tlen onkaj ikan itlajtol yejuan kipiya poder. Kemaj ijkuak yomik Cristo para otechkixtilij totlajtlakol, onotlalij iyekmakopa itrono Dios kampa tlamandaroua ne iluikak.

Hebreos 9:24

Tikmatij ika Cristo xokalak ipan on yektiopan tlachijchijtli de tlakamej yejuan san kixneskayotia* on yejuan melauak tiopan onkaj ne iluikak. Yej Cristo okalak ne iluikak kampa nemi iuan Dios para topampa tlajtojtikaj.

Santiago 4:4

¡Ay nemejuamej tlakamej yejuan xok nenkitokaj Dios! Nemejuamej ken sen siuatl yejuan auilnemi. ¿Xnenkimatij ika on yejuan kinekij ikan xkuajli eleuilistli on tlajtlamach* yejuan onkaj ipan in tlaltikpaktli, yejuamej nochiuaj itlauelikniuan Dios? San akinon yejuan ikan xkuajli eleuilistli kineki on tlajtlamach* yejuan onkaj ipan in tlaltikpaktli nochiua itlauelikniu Dios.

1 Pedro 1:5

Niman pampa nemejuamej nenkineltokaj Dios, yejua mechmanauijtias ikan ipoder hasta ipan on sa ika nochi tonajli ijkuak mechititis ika yokaxitij nemotemakixtilis.

1 Juan 3:12

Maka ma tikchiuakan ken Caín okichiu, yejuan tekoneu katka itech on diablo*, niman okimiktij ikniu. ¿Niman tline* okimiktij? Okimiktij pampa Caín kichiuaya on tlen xkuajli, niman on ikniu kichiuaya tlen kuajli.

1 Juan 5:19

Tikmatstokej ika titekoneuan itech Dios, niman no tikmatstokej ika on diablo* ipan ima kimpiya nochimej on tlakamej de in tlaltikpaktli.

Judas 1:1

Nejua Judas, niitekitkau JesuCristo, niman niikniu Santiago. Nemechtlajkuiluiya nemejuamej yejuan Dios toTajtsin omechnots para ikoneuan niman omechxeloj intech on tlajtlakolejkej niman mechejeua pampa nennemij san sekan iuan JesuCristo.

Judas 1:24

Dios toTemakixtijkau uelis mechejeuas para maka nenuetsiskej ipan tlajtlakojli. Niman yejua uelis mechuikas nenchipajkej niman sanoyej nempakiskej itech kampa yejua nemi ikan iueyilis.

El Apocalipsis 15:4

¿Akinon tej, xmitstlakaitas? ¿Akinon xmitsueyilis toTEKO? Tej, san tejua tiyektli. Niman nochi tlakatl de nochiuiyan países uajlaskej mixpan niman mitsmauistiliskej, pampa yones ika motekiu otikchiu ken kitocaroua.

El Apocalipsis 19:12

Ixtololojuan ken itlaj tlimilinajli katka niman miyek coronas kitkiya ipan itsontekon. Niman ipan yejua tlajkuilolnestikatka sen tokayotl yejuan xakaj kimatiya tlinon kijtosneki, yej san yejua kimatiya.

El Apocalipsis 4:8

Niman cada yolki kipiyaya chikuasen imastlakapal. Niman nochiuiyan ipan imintlalnakayo, hasta tlatsintlan de inmastlakapal, tentikatkaj ikan inmixtololojuan. Cada tonajli niman cada yeuajli xkajkauayaj ika ijkin kijtouayaj: ¡Yektli, yektli, yektli, toTEKO Dios yejuan nochi ueli. Nochipa nemiya, niman aman nemi, niman yejuan uajlas!