San Juan 17:1 - El Nuevo Testamento

¹ Ijkuak Jesús yotlan kijtoua in tlajtlamach*, oajkotlachix ne iluikak, niman okijtoj: —NoTajtsin, yoyejkok in hora. Xnechueyili nejua yejuan nimoKoneu para nejua no nimitsueyilis.

In yencuic iyectlajtoltzin Dios itech ica toTeco Jesucristo

¹ Ijcuac Jesús yotlan quijtohua in tlajtlamach, oajcotlachix ne ilhuicac, niman oquijtoj: ―NoTajtzin, yoyejcoc yejhua on hora. Xnechhueyili nejhua yejhuan nimoConeu para nejhua no ma nimitzhueyili.

San Juan 17:1 Iomraidhean Croise

San Marcos 14:41

Ijkuak ika yexpa ouajlaj intech, okinmijlij: —¿Hasta aman nenkochij niman nemoseuijtokej? Yoyejkok on hora ijkuak nechtemaktiliskej. Xkitakan. Nejua, yejuan oninochiu Tlakatl, nechtemaktiliskej impan inmauan on tlajtlakolejkej.

San Lucas 18:13

Pero on tlacobrarojketl san uejka onokau niman xkinekiya nion achijtsin para ajkotlachas ne iluikak, yej san noyelpanuitekiya ikan ajmantli niman kijtouaya: “¡Ay Dios, noTajtsin, xnechikneli*! Nejua sanoyej nitlajtlakolej.”

San Lucas 22:53

Mojmostla nemouan ninemiya ne ipan iueyitiopan Dios, niman xonennechajsikej, pero ipan in hora Dios mechkauilia nenkichiuaj on tlen nenkinekij. Aman ipoder Satanás tetlani.

San Juan 11:4

Ijkuak Jesús ijkon okak, okijtoj: —On kualolistli xkimiktis, yej san para noteititis iueyilis Dios niman no itechkopa kiteititis noueyilis nejua yejuan niiKoneu Dios.

San Juan 11:41

Kemaj okejkuanijkej on tetl. Niman Jesús oajkotlachix ne iluikak, niman okijtoj: —NoTajtsin, nimitsmaka tlaxtlauijli pampa tinechkaki.

San Juan 12:23

Niman Jesús okinmijlij: —Yoyejkok on tonajli ijkuak nejua yejuan oninochiu Tlakatl nikselis ueyilistli.

San Juan 13:1

Sa se tonajli poliuiya ijkuak on hebreos* kichiuaj on iluitl itoka Pascua*. Jesús kimatstikatka ika yoyejkok on tiempo para yejua kajteuas in tlaltikpaktli niman yas itech iTajtsin. Yejua nochipa okintlajsojtlak* on iyaxkauan* yejuan nemij ipan in tlaltikpaktli, niman aman kintitia kech ika sanoyej* kintlajsojtla.

San Juan 16:32

Tej, ye uajlau on tonajli niman sano amantsin ijkuak nemejuamej nemoxexeloskej. Cada se yas sa kanika niman noselti nennechkauaskej. Pero xnoselti ninemis pampa noTajtsin nouan nemis.

San Juan 7:30

Kemaj kinekiyaj kajsiskej, pero xakaj okajsik pampa sanken* xe ajsiya on tonajli para ijkon nochiuas.

San Juan 7:39

Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

San Juan 8:20

Jesús okijtoj in tlajtlamach* chika temachtiaya ne ijtik on ueyitiopan kampa kejeuayaj on uentomin. Pero xakaj okajsik, pampa sanken* xe yejkoya on tonajli para ijkon ipan nochiuas.

Hechos 3:13

On iDios Abraham niman Isaac, niman Jacob niman yejuan no iminDios on toachtojtajuan okueyilij Jesús on iKonetsin. Pero nemejuamej yej onenkitemaktilijkej, niman onenkinenekej* ixpan Pilato ijkuak yejua kinekiya kimakauas.

1 Pedro 1:21

Ipampa Cristo nemejuamej nenkineltokaj Dios, yejuan okiyolitij, niman oketsteu ipan itlalkon, niman okimakak ueyilistli. Ijkon tej, nemejuamej nenkipiyaj nemotlaneltok niman nemotlamachalis* itech Dios.