San Juan 16:3 - El Nuevo Testamento

³ Yejua in kichiuaskej pampa xkaman okixmatkej noTajtsin nion nejua.

In yencuic iyectlajtoltzin Dios itech ica toTeco Jesucristo

³ Yejhua in quichihuasquej pampa xqueman oquixmatquej noTajtzin nion nejhua.

San Juan 16:3 Iomraidhean Croise

San Lucas 10:22

Kemaj Jesús okijtoj: —NoTajtsin onechmaktilij nochi tlajtlamach*. Xakaj kimati akinon nejua yejuan niteKoneu, yej san noTajtsin. Niman xakaj kimati akinon noTajtsin, yej san nejua yejuan niteKoneu, niman on yejuan nikneki nikimpanextilia.

San Juan 15:21

Nochi in mechchiuiliskej san nopampa, pampa xkixmatij on yejuan onechajtitlan.

San Juan 15:23

Tej, on yejuan nechtlauelitaj, no kitlauelitaj noTajtsin.

San Juan 17:25

NoyekTajtsin, on tlaltikpaktlakamej xmitsixmatij, pero nejua nimitsixmati, niman in yejuan achtopa otinechinmakak ye kimatstokej ika tejua otinechajtitlan.

San Juan 17:3

In nemilistli yejuan para nochipa se kiselia ijkuak mitsixmati tejua yejuan san moselti melauak tiDios, niman nejua niJesuCristo yejuan otinechajtitlan.

San Juan 8:19

Kemaj okitlajtoltijkej: —¿Kanon nemi moTajtsin? Jesús okinnankilij: —Nemejuamej xnennechixmatij, nion noTajtsin xnenkixmatij. Tla nennechixmatiskiaj, no nenkixmatiskiaj noTajtsin.

San Juan 8:55

Nemejuamej xnenkixmatij, pero nejua, kemaj nikixmati. Tla nikijtoskia xnikixmati, tla ijkon, nitlakajkayajki yeskia no ken nemejuamej. Pero nejua melauak nikixmati niman nikchiua nochi on tlen yejua kijtoua.

Hechos 3:17

’Ye nikmatstikaj, nokniuan, ika ijkuak nemejuamej niman nemotlayekankauan onenkimiktijkej Jesús xnenkimatiyaj tlinon nenkichiuayaj.

1 Corintios 2:8

Nion se yejuan tekiuajketl ipan in tlaltikpaktli kajsikamati itlamatkilis* Dios. Tla kajsikamatiskiaj xkipiloskiaj on toueyiTEKO ipan kojnepanojli*.

2 Tesalonicenses 1:8

Uajlas ikan tlitl para kinuajcastigaros on yejuan xkiseliaj Dios niman on yejuan xkitlakamatij on kuajli tlajtojli itech ika toTEKO JesuCristo.

1 Timoteo 1:13

Maski nejua achtopa onikijtouilij Cristo tlen xkuajli, niman oniktlaueltotokatinen niman nikpijpinauiyaya, yejua sanoyej* onechiknelij*, pampa nejua xe nitlaneltokaya niman xnikmaktiya tlinon nikchiuaya.

1 Juan 2:23

On yejuan kijtoua ika Jesús xejua Cristo yejuan iKonetsin toTajtsin Dios, xnouika iuan toTajtsin. Pero on yejuan kijtoua ika Jesús melauak Cristo yejuan iKonetsin toTajtsin Dios, yejua nouika iuan toTajtsin.

1 Juan 3:1

¡Xmatikan kenijki sanoyej* techtlajsojtla* Dios toTajtsin, hasta techtokayotiaj tiikoneuan Dios, niman melauak tiikoneuan! Yejua ika, on tlaltikpaktlakamej xtechixmatij pampa no xkixmatij Dios.

1 Juan 4:8

On yejuan xtetlajsojtla xkixmati Dios, pampa Dios yejua tetlajsojtlalistli*.

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.