San Juan 16:22 - El Nuevo Testamento

²² No ijki nochiuas nemouan. Aman nenmajmanaj, pero nejua niuajlas nemechalitas, niman ijkuakon nemoyojlo sanoyej pakis. Niman yejua on pakilistli xakaj uelis mechkuilis.

In yencuic iyectlajtoltzin Dios itech ica toTeco Jesucristo

²² No ijqui nochihuas nemohuan. Aman nenmajmanaj, pero nejhua nihuajlas nemechalitas, niman ijcuacon nemoyojlo sanoyej paquis. Niman yejhua on paquilistli xacaj huelis mechcuilis.

San Juan 16:22 Iomraidhean Croise

San Mateo 28:8

Niman on siuamej nimantsin onejkuanijkej itech on tlalkontli ikan nemojtijli niman no ikan miyek pakilistli. Yejuamej onotlajtlalojkej* para okinmachistitoj on nomachtijkej* on tlen okinmijlij on ángel.

San Lucas 10:42

Pero san se onkaj tlen kuajli yejuan más ueyi kijtosneki. Niman María okitlapejpenij on tlen más kuajli, niman xakaj kikuilis.

San Lucas 16:25

Pero Abraham okijlij: “Nokoneu, xkelnamiki ika tejua otikselij nochi tlen kuajli ipan monemilis, niman Lázaro okiselij nochi tlen xkuajli. Pero aman yejua kiselia pakilistli, niman tejua titlajyouiya.

San Lucas 19:26

On rey okinmijlij: “Nejua, tej, nemechijlia ika on yejuan kipiya miyek, más kimakaskej. Pero on yejuan san kipiya achijtsin hasta on kech kipiya kuiliskej.

San Lucas 24:41

Pero sanken* xkineltokayaj, pampa tlamojkaitayaj niman sanoyej pakilistlamatiyaj. Yejua ika Jesús okinmijlij: —¿Itlaj nenkipiyaj para nikuas?

San Juan 14:1

’Nemejuamej maka xmoyolajmanakan. Xneltokakan Dios niman nejua no xnechneltokakan.

San Juan 14:19

Sa keski tonaltin niman on tlaltikpaktlakamej xok nechitaskej, pero nemejuamej nennechitaskej. Niman nemejuamej nennemiskej pampa nejua ninemi.

San Juan 14:27

’Nejua nemechmaka yolseuilistli yejuan nejua noyoseuilis. Niman xnemechmaka ken on yejuan kitemakaj on tlaltikpaktlakamej. Yejua ika tej, maka xmotenmatikan, nion maka xmomojtikan.

San Juan 16:16

’San xuejkajtika xok nennechitaskej, niman kemaj sakin san xuejkajtika oksejpa nennechitaskej pampa nejua niau kampa nemi noTajtsin.

San Juan 16:20

Ika tlen melauak nemechijlia, nemejuamej nenchokaskej niman nenmajmanaskej, niman on tlaltikpaktlakamej pakiskej. Pero maski nenmajmanaskej, nemoajmanalis nokuepas pakilistli.

San Juan 16:6

Yej sanoyej* yonenmajmankej pampa onemechijlij in tlajtlamach*.

San Juan 21:7

Kemaj on nomachtijketl yejuan Jesús sanoyej kitlajsojtlaya*, okijlij Pedro: —¡Tlakaj yejua toTEKO! Niman ijkuak Simón Pedro okak ika yejua inTEKO, nimantsin onotlakentij pampa onotlakenkixtijka. Kemaj, ijkuak yonotlakentij, onatlajkal.

San Juan 4:14

Pero akin konis on atl yejuan nikmakas xkaman amikis, pampa on atl yejuan nikmakas yejua ijtik ken itlaj ameyajli yejuan kimakas nemilistli para nochipa.

Hechos 13:52

Pero on tlaneltokakej sanoyej pakiyaj niman on Espíritu Santo nochimej okinyoltemitij.

Hechos 16:25

Niman ijkuak kanaj tlajkoiuan katka, Pablo niman Silas kichiuayaj oración niman nokuitiayaj itech Dios. On oksekimej yejuan tsakutikatkaj kominkaktikatkaj.

Hechos 2:46

Mojmostla nosentlaliayaj ipan on ueyitiopan, niman inchajchan kikuayaj on Santa Cena, niman tlakuayaj san sekan ikan paktli niman yolyemanilistli.

Hechos 5:41

On apóstoles* ouajkiskej ne imixpan on más uejueyi tekiuajkej ipan on Sanedrín* ikan paktli, pampa Dios okinkauilij okimpijpinauijkej pampa kineltokayaj Jesús.

2 Corintios 6:10

Maski titajmanaj, xkaman tikpolouaj topakilis. Maski timayankej, miyekej tikinricojtlaliaj itech Dios. Niman maski xitlaj* tikpiyaj, nochi tlajtlamach* toyaxka.

2 Tesalonicenses 2:16

Ma toTEKO JesuCristo, niman Dios toTajtsin, yejuan techtlajsojtla* niman ikan iteiknelilis* otechmakak yolseuilistli para nochipa niman sen kuajli tlamachalistli*,

Hebreos 10:34

Nemejuamej onenkimiknelijkej on yejuan tsakutikatkaj. Niman hasta ikan paktli onenkimokauilijkej omechkixtilijkej on tlen nemoyaxka*, pampa nenkimatstokej ika ne iluikak nenkipiyaj on tlen más sanoyej kuajli niman ika nenkipiyaskej para nochipa.

Hebreos 6:18

Ipromesa Dios niman itlajtolmakalis xueli nopatla, pampa Dios xkaman kijtoua on tlen xmelauak. Yejua ika, tinochimej yejuan tikmatij ika yotechmakixtij, tikpiyaj toyoleualis para timelajkanemij ipan on tlamachalistli* yejuan otechprometerouilij.

1 Pedro 1:8

Nemejuamej nenkitlajsojtlaj* JesuCristo maski xkaman onenkitakej. Maski aman xnenkitaj, nenkineltokaj niman nempakij ikan pakilistli yejuan ajsitikaj*. In pakilistli sanoyej ueyi niman xueli nochi nenkijtouaj ikan tlajtojli.