San Juan 16:2 - El Nuevo Testamento

² Mechajkixtiskej ne ipan on sinagogas*. Niman ajsis on tonajli ijkuak san akinon mechmiktis kinemilis ika kitekipanoua Dios.

In yencuic iyectlajtoltzin Dios itech ica toTeco Jesucristo

² Mechajquixtisquej ne ipan on tiopantin. Niman ajsis on tonajli ijcuac san aquinon mechmictis quinemilis ica quitequipanohua Dios.

San Juan 16:2 Iomraidhean Croise

San Mateo 10:28

Maka xkinmakajsikan on yejuan uelis kimiktis nemotlalnakayo pero xuelis kimiktis nemoalma. Yej xmakajsikan Dios yejuan uelis kixoxotonis nemotlalnakayo niman kauas nemoalma ne miktlan kampa tetlajyouiltiloyan.

San Mateo 24:9

’Kemaj nemejuamej mechtemakaskej para mechtlajyouiltiskej, niman mechmiktiskej, niman san nopampa nochi tlakatl mechtlauelitas.

San Lucas 6:22

’Dios mechtiochiuas nemejuamej ijkuak on tlakamej mechtlauelitaskej, ijkuak xmechseliskej, ijkuak mechuijuikaltiskej, niman ijkuak mechtejteneuaskej san pampa nennechneltokaj nejua yejuan oninochiu Tlakatl.

San Juan 12:42

Maski ijkon okijtoj on tlajtojli, miyekej on hebreos* okineltokakej Jesús, hasta on yejuan tekiuajkej. Pero, pampa kinmakajsiyaj on fariseos*, xkijtouayaj ika tlaneltokaj tlamo kinuakixtiskej ipan on sinagoga*.

San Juan 16:25

’In tlajtlamach* yonemechijlij ikan ejemplos. Pero yejkos on tonajli ijkuak xok nemechnojnotsas ikan ejemplos, yej kuajli nemechmejlakanojnotsas itechkopa noTajtsin.

San Juan 16:32

Tej, ye uajlau on tonajli niman sano amantsin ijkuak nemejuamej nemoxexeloskej. Cada se yas sa kanika niman noselti nennechkauaskej. Pero xnoselti ninemis pampa noTajtsin nouan nemis.

San Juan 4:21

Jesús okijlij: —Siuatl, xnechneltokili ika uajlau on tonaltin ijkuak nion nikan ipan in tepetl, nion ne Jerusalén xnenkimauistiliskej Dios.

San Juan 4:23

Pero uajlau on tonajli niman sano aman ijkuak on yejuan melauak kinekij kimauistiliaj toTajtsin, kimauistiliskej impan inyojlo niman ika tlen melauak ken Dios kineki. ToTajtsin tej, ijki kineki ma kichiuakan on yejuan kimauistiliaj.

San Juan 9:22

On intlayekankauan hebreos* yonotlajtolmakakaj para kuajkixtiskej ne sinagoga* san akinon yejuan kijtos ika Jesús yejua Cristo. Yejua ika, ijkon okijtojkej on itajuan pampa kinmakajsiyaj itlayekankauan on hebreos*.

San Juan 9:34

Kemaj okijlijkej: —Tejua yejuan otitlakat tentikaj ikan tlajtlakojli, ¿tiknemilia yej tejua titechmachtis? Niman okuajkixtijkej ipan on sinagoga*.

Hechos 5:33

Ijkuak on más uejueyi tekiuajkej ipan on Sanedrín* ijkon okakkej, sanoyej kualaniyaj hasta kinekiliayaj para kinmiktiskej on apóstoles*.

Hechos 7:56

Kemaj okijtoj: —¡Xkitakan! Nejua nikita on iluikak tlapojtikaj, niman on yejuan onochiu Tlakatl ompa ijkatikaj iyekmakopa Dios.

1 Corintios 4:13

Ijkuak techteneuiliaj on tlen xkuajli, tikinnankiliaj ika tlajtojli yejuan yemanki. Hasta ipan in tonajli techpiyaj ken tlajsojli niman ken itlaj tentlakauijli.

Filipenses 3:6

Sanoyej onikintlauelitak niman onikintlajyouiltij on yejuan kineltokaj Cristo. Niyolmelaki katkaj. Xakaj kipiyaya tlinon kijtos notechkopa, pampa onikchiu nochi ken on tlanauatijli kijtoua.

El Apocalipsis 6:9

Ijkuak on Borreguito okitsayan on ika makuijli sello, ne tlatsintlan de on tlaixpan* onikitak inalma on yejuan okinmiktijkej pampa kineltokayaj itlajtol Dios, niman pampa kiteijliayaj itlajtol.