San Juan 16:14 - El Nuevo Testamento

¹⁴ Yejua nechmakas ueyilistli pampa kiselis on tlen melauak noka nejua niman mechmachistis.

In yencuic iyectlajtoltzin Dios itech ica toTeco Jesucristo

¹⁴ Yejhua nechmacas hueyilistli pampa quiselis on tlen melahuac noca nejhua niman mechpantlantilis.

San Juan 16:14 Iomraidhean Croise

San Juan 14:21

Yejuan kimati niman kitlakamati notlanauatiluan, melauak nechtlajsojtla*. Niman on yejuan nechtlajsojtla* noTajtsin no kitlajsojtlas. Niman nejua no niktlajsojtlas niman ninoteititis itech.

San Juan 15:26

’Pero nikuajtitlanis on Tlapaleuijketl yejuan kisas itech noTajtsin. Yejua on Espíritu Santo yejuan tekajsikamachiltis on tlen melauak. Ijkuak yejua uajlas noka tenojnotsas.

San Juan 7:39

Jesús okijtoj in itechkopa on Espíritu Santo yejuan kiseliskej on yejuan kineltokaskej. Ipan on tonaltin sanken* xe uajlaya on Espíritu Santo, pampa Jesús sanken* xe tlejkouaya ne iluikak para kiselis ueyilistli.

1 Corintios 12:3

Yejua ika, nikneki kuajli xmatikan ika yejuan tlajtoua ikan ipoder on Espíritu Santo xuelis kijtos: “¡Jesús yejua xkuajli tlakatl!” Niman no on yejuan xtlajtoua ikan ipoder Espíritu Santo, xuelis kijtos: “¡Jesús yejua toTEKO!”

2 Corintios 4:6

Dios, yejuan otlanauatij ma petlani on tlauijli ne kampa tlayouatok, no yotechueliltij para itlauil ma petlani ipan toyojlo, niman ijkon yotikixmatkej iueyilis yejuan kipantlantia ipan ixayak JesuCristo.

Gálatas 5:5

Pero tejuamej itechkopa on Espíritu niman pampa tikneltokaj Cristo, titlamachixtokej ika Dios kijtos ika nochi totlajtlakoluan yokintlapojpoluij.

1 Pedro 2:7

Aman yejua no sanoyej ueyi kijtosneki para nemejuamej yejuan nentlaneltokaj. Pero para on yejuan xtlaneltokaj, impan nochiua yejua in tlen kijtoua in Yektlajkuilojli: “On tetl yejuan on tepanchijchijkej xokiselijkej, aman yejua yonotlalij yakatstikaj.”

1 Juan 3:23

Niman in yejua itlanauatil Dios: “Ma tikneltokakan iKonetsin JesuCristo, niman ma titotlajsojtlakan* inuan oksekimej ken yejua yotechnauatij.”

1 Juan 5:20

No tikmatstokej ika iKonetsin Dios youajlaj, niman yotechmakak kajsikamatilistli para tikixmatiskej yejuan melauak Dios. Aman tinemij san sekan iuan on yejuan melauak Dios. In kijtosneki tinemij san sekan iuan iKonetsin. JesuCristo yejua melauak Dios, niman yejua techmaka yenkuik nemilistli para nochipa.

1 Juan 5:6

On yejuan ouajlaj, yejua JesuCristo. Yejua okipanextij ika yejua iKoneu Dios ijkuak onokuatekij ikan atl niman no ijkuak okitoyau iyesyo ne ipan on kojnepanojli*. Xsan ika onokuatekij, pero yej no ika okitoyau iyesyo. On Espíritu Santo sano yejua kitepannextilia ika in melauak, niman on Espíritu nochipa kijtoua on tlen melauak.

El Apocalipsis 19:10

Ijkuak yejua onechijlij in, oninotlakuantelkets ikxitlan on ángel para nikmauistiliskia, pero yejua onechijlij: “Maka ijkon xchiua. Nejua tej, san niitekichiuilijkau Dios, sano ijki ken tejua niman mokniuan yejuan melajkanemij ipan on tlen melauak yejuan Jesús otemachtij. Tejua san Dios xmauistili.” Yejua on tej, tlen melauak yejuan Jesús otemachtij, yejua kintlamachilistia* on tiotlajtojkej.