San Juan 15:8 - El Nuevo Testamento

⁸ Ijkuak nemejuamej nenkipiyaj miyek tlakyotl, noTajtsin kiselia ueyilistli, niman ijki nenkiteititiaj ika nemejuamej melauak nennotemachtijkauan.

In yencuic iyectlajtoltzin Dios itech ica toTeco Jesucristo

⁸ Ijcuac nemejhuamej nenquipiaj miyec tlacyotl, noTajtzin quiselia hueyilistli, niman ijqui nenquiteititiaj ica nemejhuamej melahuac nennotemachtijcahuan.

San Juan 15:8 Iomraidhean Croise

San Mateo 5:16

Nemejuamej tej, ken nenlámparas. Yejua ika, xchiuakan para nemotlauil ma tlauilo imixpan on tlakamej para ijki kitaskej on tlen kuajli nenkichiuaj, niman yejua ika kueyiliskej nemoTajtsin yejuan nemi iluikak.

San Mateo 5:44

Pero nejua nemechijlia: Xkintlajsojtlakan* on nemotlauelikniuan. Xkinchiuilikan tlen kuajli on yejuan mechteneuiliaj tlen xkuajli, niman xkinchiuilikan tlen kuajli on yejuan mechtlauelitaj. Xchiuakan oración impampa on yejuan mechchiuiliaj tlen xkuajli, niman yejuan mechtlauelitaj, miman tlajtlamach* ika mechtlajyouiltiaj.

San Mateo 9:8

Niman ijkuak on tlakamej ijkon okitakej, onomojtijkej, niman okueyilijkej Dios ipampa on poder yejuan okimakak Jesús.

San Lucas 6:35

Pero nemejuamej xkimintlajsojtlakan on yejuan mechtlauelitaj niman xkinchiuilikan on tlen kuajli. Niman itlaj xkimintlanejtikan pero maka nenkichaskej itlaj intech nenkiseliskej. Tla ijkon nenkichiuaskej, nenkipiyaskej sen ueyi tetlayokolijli*, niman nemejuamej nentekoneuan yeskej itech Dios yejuan más ueyixtikaj, pampa yejua yolyemanki* intech on yejuan xitlaj* kitlajsojkamatij niman intech on yejuan xkuajkualtin tlakamej.

San Juan 13:35

Tla nemotlajsojtlaj inuan oksekimej, nochi tlakatl kitas ika nennotemachtijkauan.

San Juan 15:5

Nejua ken sen itemekayo on uvas niman nemejuamej ken nennomatsitsiuan. Xitlaj uelis nenkichiuaskej tla xnennemiskej nouan. On yejuan nochipa nemis nouan niman nochipa ninemis iuan kipiyas miyek itlakijlo.

San Juan 8:31

Kemaj Jesús okinmijlij on hebreos* yejuan okineltokakej: —Tla nenmelajkanemiskej ipan on tlen nemechijlia, nenmochiuaskej melauak nennomachtijkauan.

1 Corintios 10:31

Tla nemejuamej nentlakuaj, noso nentlaonij, noso itlaj okse nenkichiuaj, nochi xchiuakan para Dios ma kiseli ueyilistli.

1 Corintios 6:20

Dios sanoyej patioj omechkou. Yejua ika, xtlakaitakan Dios ikan nemotlalnakayo, niman ikan nemoalma, pampa in ometipan yejua iyaxka* Dios.

Filipenses 1:11

Ijkon nenkichiuaskej nochi tlen kuajli pampa Cristo mechpaleuis. Niman ijkon nenkueyiliskej Dios, niman yejua kiselis on yekteneualistli.

Tito 2:10

Niman xkinnauati maka ma tlachtekikan, yej kemaj nochi kuajli ma kichiuakan para on inteko kintlaliskej inyojlo intech. Ijkon tej, nochimej kimatiskej ika on itlemachtil Dios toTemakixtijkau yejua sanoyej* kuajli.

Tito 2:5

No ijki ma kiteltikan iminxkuajlieleuilis, ma noyekanakan kuajli, ma chipajkanemikan, ma tlayekanakan kuajli ipan inchan, ma yolyemankanemikan, niman ma kintlakamatikan inueuentsitsiuan ikan tetlakaitalistli, para maka yakaj kijtouilis tlen xkuajli on itlajtoltsin Dios.

1 Pedro 2:12

Xmouikakan kuajli imixpan on yejuan xhebreos*. Ijkon maski kiteneuaj ika yonenkichijkej tlen xkuajli, yejuamej kitaskej on tlen kuajli yejuan nenkichiuaj. Niman kemaj kiyekteneuaskej Dios ijkuak ajsis on tonajli para techyolkuitis.

1 Pedro 4:11

Ijkuak yakaj temachtis, ma temachti ikan itlajtol Dios. Ijkuak yakaj kintekichiuilia oksekimej, ma kichiua ikan on chikaualistli yejuan Dios kimaka. Ijkon Dios kiselis yekteneualistli itechkopa JesuCristo. JesuCristo ma kiselia ueyilistli niman poder aman niman para nochipa. Ma ijki nochiua.