San Juan 15:5 - El Nuevo Testamento

⁵ Nejua ken sen itemekayo on uvas niman nemejuamej ken nennomatsitsiuan. Xitlaj uelis nenkichiuaskej tla xnennemiskej nouan. On yejuan nochipa nemis nouan niman nochipa ninemis iuan kipiyas miyek itlakijlo.

In yencuic iyectlajtoltzin Dios itech ica toTeco Jesucristo

⁵ Nejhua quen se itemecayo on uvas niman nemejhuamej quen nennomatzitzihuan. Xitlaj huelis nenquichihuasquej tla xnennemisquej nohuan. On yejhuan nochipa nemis nohuan niman nochipa ninemis ihuan quipias miyec itlaquilyo.

San Juan 15:5 Iomraidhean Croise

San Mateo 13:21

Pero in tlakamej xmás kuajli kajsikamatij on tlajtojli. Yejua ika, ijkuak impan uajlau on tlen tepajsoloj niman on tlen tetlajyouiltia ipampa itlajtol Dios, nimantsin kauaj intlaneltok.

San Juan 12:24

Ika tlen melauak nemechijlia ika tla xachtopa nimikis, xuelis niktemakas nemilistli. Nejua no niijki ken se iteyo on trigo. Tla se iteyo on trigo xkitôkaj ipan tlajli, xueli kitlakitia miyek, yej nokaua iselti. Pero tla kitôkaj ipan tlajli, tla ijkon, noskaltia niman kitlakitia miyek.

San Juan 15:16

Nemejuamej xonennechtlapejpenijkej, yej nejua onemechtlapejpenij niman onemechtlalij ipan notekiu para xuiyan niman xpiyakan miyek tlakyotl yejuan nokauas para nochipa. Kemaj noTajtsin mechmakas nochi tlen nenkitlajtlaniliskej ikan notokatsin.

San Juan 5:19

Kemaj Jesús okinmijlij: —Ika tlen melauak nemechijlia ika nejua yejuan niiKoneu Dios xueli nikchiua itlaj noselti, yej san niueli nikchiua on tlen nikita kichiua noTataj. On tlen noTataj kichiua no nikchiua.

San Juan 9:33

Tla in tlakatl xualeuaskia itech Dios, xueliskia itlaj kichiuaskia.

Hechos 4:12

Niman xakaj okse ueli temakixtia, pampa Dios xokuajtitlan yakaj okse tlakatl ipan in tlaltikpaktli yejuan itechkopa uelis timakisaskej.

Romanos 12:5

Aman no ijki, maski tejuamej timiyekej, san se tlalnakayotl tiuajtochiuaj iuan Cristo. Ijkon tej, ipan sen tlalnakayotl tisesentenemij niman titopaleuiyaj iuan cada se.

Romanos 6:22

Pero aman xok nenesclavos ipan on tlajtlakojli, yej nenesclavos itech Dios. Yejua ika nemonemilis kuajli chipauak itech Dios, niman ijkon tej, no nenkiseliaj on nemilistli yejuan para nochipa.

Romanos 7:4

No ijki nokniuan, nemejuamej yonenmikkej itech on tlanauatijli pampa yonenmikkej iuan Cristo. Niman aman nennemij san sekan iuan Cristo yejuan oyoliu* niman onokuiteu ipan itlalkon. Yejua in onochiu para tichiuaj itekiu Dios yejuan kipaktia.

1 Corintios 10:16

Ijkuak xe tikuaj on Santa Cena, tiktlajtlaniliaj toTEKO ma kitiochiua on vino. Niman ijkuak tikonij on vino, tikteititiaj ika san sekan tinemij itechkopa iyesyo Cristo. No ijki ijkuak tikuaj on pan yejuan tiktlatlapanaj, tikteititiaj ika san sekan tinemij itechkopa itlalnakayo Cristo.

1 Corintios 12:12

Itlalnakayo sen tlakatl miyek partes kipiya. Pero maski miyek tlajtlamach* kipiya, san se tlalnakayotl nochiuaj. Tejuamej tej, no ijki titochiuaj itlalnakayo Cristo. Maski timiyekej yejuan tikneltokaj Cristo, tinemij san sekan ken itlalnakayo.

1 Corintios 12:27

Nemochimej* nemochiuaj itlalnakayo Cristo, niman cada se de nemejuamej nochiua se parte ipan on itlalnakayo.

2 Corintios 13:8

Xitlaj onkaj yejuan ika tikixnamikij on tlen melauak, yej nochi tikchiuaj para tikpaleuiyaj on tlen melauak.

2 Corintios 9:10

Niman Dios yejuan kimaka xinachtli on tokaketl para ma tôka niman tlakuajli para kikua, no mechmakas nochi tlen mechpoloua para uelis nenkimpaleuiskej on yejuan itlaj kimpoloua.

Gálatas 5:22

Pero on yejuan nouikaj ken kinyekana on Espíritu, kiteititiaj miyek tlajtlamach* kuajli yejuan kisa itech on Espíritu. Yejuamej tetlajsojtlaj*, pakij, noyolseuiyaj, noijyouiyaj, tenotskej, tepaleuiyaj ikan kuajli inyojlo, nochipa kichiuaj on tlen kijtouaj,

Efesios 5:9

Nochimej yejuan nemij ipan tlauijli kijtouaj tlen melauak, niman kichiuaj tlen kuajli, niman yolmelajkej.

Filipenses 1:11

Ijkon nenkichiuaskej nochi tlen kuajli pampa Cristo mechpaleuis. Niman ijkon nenkueyiliskej Dios, niman yejua kiselis on yekteneualistli.

Filipenses 4:13

Nochi niueli nikselia tlen nopan nochiua pampa Cristo yejua nechpaleuiya.

Filipenses 4:17

Xkijtosneki ika nikneki nikselis itlaj tetlayokolistli de nemejuamej. Yej tlinon nejua nikneki más xmiyekilikan nemotetlayokolil ne ixpan Dios.

Colosenses 1:10

Ijkon tiktlajtlaniliaj Dios para nenueliskej nenkitlakaitaskej niman nenkipaktiskej toTEKO ikan nemonemilis. Nenueliskej nenkichiuaskej nochi tlajtlamach* tlen kuajli, niman cada mojmostla más kuajli nenkixmatiskej Dios.

Colosenses 1:6

yejuan oyejkok nemotech. Nochiuiyan ipan in tlaltikpaktli más miyek tlakatl yokiselij Cristo ipampa in temachtijli. Ijkon onochiu nemotsajlan desde onenkakkej niman onenkajsikamatkej ika melauak Dios mechmaka iteiknelilis*.

Santiago 1:17

Nochi kuajli tetlayokolijli* yejuan tikseliaj ualeua ne tlakpak. Nochi on tetlayokolijli* ualeua itech toTajtsin yejuan okichijchiu nochi on tlauiltin ne ipan cielo*. ToTajtsin xken on tlaseuajlomej yejuan nochipa nopatlajtiu, yej yejua nochipa kichiua on tlen kuajli.

1 Pedro 2:4

Xnisiuikan Cristo yejuan ken tetl yejuan yoltikaj yejuan on tlakamej xokiselijkej, pero Dios okitlapejpenij ken más ueyi kitosneki para itiopan.

2 Pedro 3:18

Pero xkixmatstiakan más kuajli toTEKO on toTemakixtijkau JesuCristo, niman xmoskaltikan más ikan iueyitetlajsojtlalis*. Sanken aman niman para nochipa, yejua ma kiseli ueyilistli. Ma ijki nochiua.