San Juan 15:26 - El Nuevo Testamento

²⁶ ’Pero nikuajtitlanis on Tlapaleuijketl yejuan kisas itech noTajtsin. Yejua on Espíritu Santo yejuan tekajsikamachiltis on tlen melauak. Ijkuak yejua uajlas noka tenojnotsas.

In yencuic iyectlajtoltzin Dios itech ica toTeco Jesucristo

²⁶ ’Pero nicuajtitlanis on tlapalehuijquetl yejhuan quisas itech noTajtzin. Yejhua on Espíritu Santo yejhuan tecajsicamachiltis on tlen melahuac. Ijcuac yejhua huajlas nechteixpantilis.

San Juan 15:26 Iomraidhean Croise

San Lucas 24:49

Niman aman xkakikan. Nemopan nikuajtitlanis on Espíritu Santo yejuan noTajtsin omechijlijka ika mechmakas. Pero xmokauakan nikan Jerusalén hasta ijkuak nenkiseliskej on poder yejuan ne tlakpak ualeuas.

San Juan 14:26

Pero ijkuak noTajtsin kuajtitlanis on Espíritu Santo ikan notokatsin para mechyolchikauas niman mechpaleuis, yejua nochi mechmachtis niman mechelnamiktis nochi tlen yonemechijlij.

San Juan 16:7

Pero nemechijlia tlen melauak. Más kuajli para nemejuamej tla nias, pampa tla nejua xnias, xuajlas on Tlapaleuijketl. Pero tla nias, nejua nikuajtitlanis nemotech.

San Juan 8:42

Niman Jesús okinmijlij: —Tla melauak Dios nemoTajtsin yeskia, nemejuamej nennechtlajsojtlaskiaj*, pampa nejua niualeua itech Dios niman aman nikan ninemi. Xoniuajlaj san pampa oniknek, yej oniuajlaj pampa Dios onechajtitlan.

Hechos 1:4

Chika Jesús sanken* nemiya iuan iapóstoles* ijkin okinnauatij: —Maka xkisakan Jerusalén, yej xchakan para nenkiseliskej on Espíritu Santo yejuan toTajtsin okijtoj ika mechajtitlanilis ijkon ken nejua onemechijlij.

Hechos 15:8

Niman Dios yejuan nochi tlakatl kixmati ipan iyojlo, otechpantlantilij ika no kinselia ijkuak okititlan impan on iEspíritu Santo ijkon ken tejuamej otechajtitlanilij.

Hechos 5:32

Niman tejuamej tiktepanextiliaj nochi in kech tlajtlamach*, niman no kitepanextilia on Espíritu Santo yejuan okinmakak Dios on yejuan kitlakamatij.

1 Corintios 1:6

On tlen onemechijlij de Cristo yonopantlantij ika melauak ijki yonochiu nemopan.

Hebreos 2:4

Niman Dios no otechititij ika on temakixtilistli yejua melauak itechkopa on tlamauisoltin, on tlajtlamach* tetlatlachaltij, on miyek milagros, niman no yejua ika on tetlayokoliltin yejuan on Espíritu Santo cada se otechmakak oksesekneka ken yejua okinek.

El Apocalipsis 22:1

Kemaj on ángel onechititij on río yejuan kipiya on atl de nemilistli. Niman on atl chipauak katka ken itlaj teskatl. On atl ualejtoya ne itech on ueyixtikaj itrono* Dios, niman itech on Borreguito,